Genesis 8:1 - Ing Mayap a Balita Biblia

¹ E ne kelinguan ning Dios i Noe at ding sablang animal a kayabe na king barku. Pepatiupan ne ning Dios ing angin babo na ning yatu at megumpisang kinati ing danum.

Genesis 8:1 Iomraidhean Croise

Genesis 19:29

Kanitang lesak na la ning Dios ding siudad ning kapatagan aganaka ne i Abraham. Inya segipan ne i Lot king parusang pepagpa na karing siudad nung nu ya manuknangan.

Genesis 30:22

Kanita melunus ya ing Dios kang Raquel. Pekiramdaman na ing panalangin na at leko ne pangabaug.

Genesis 9:10

at karing sablang lelangan a kayabe yu: ayup, animal a malyap at matunud a kinuldas king barku a kayabe yu.

Nehemias 13:14

E mu sana kakalinguan, O Dios ko, iting sablang bage a depatan ku king kekang Bale at king kapanyamban a mararapat karin.

Nehemias 13:22

Inutus ku karing Levita king linisan da ing sarili da at kaybat ila ding mag-guardia karing pasbul dalan ban pihu yang manatiling sagradu ing Aldo ning Sabbath. E mu munaman sana kakalinguan, O Dios ko, iting depat ku, at iligtas mu ku uli na ning maragul a lugud mu.

Nehemias 13:29

E mu la sana kakalinguan, O Dios ko, deting taung linapastangan king katungkulan da bilang pari at ing kasunduan a tinatag mu karing pari at Levita.

Nehemias 13:31

Binie ku ing dutung a panangab karing ain-a-durulukan king mitakdang oras, at ing kaayusan para karing ain tungkul karing mumunang pupul a binutil at prutas. E mu sana kakalinguan, O Dios ko, at kilalanan mu sa iting depat kung mayap.

Job 12:15

Nung ing uran e na pigilan lawi ing datang; nung e na pigilan ing danum, albug naman ing datang.

Job 14:13

Sana isalikut mu ku king tuknangan da ring mete; paburen mung makapampan ku kabang ing mua mu atyu, at itakda me ing panaun ban ganakan mu ku.

Ding Dalit 105:42

Genaka na ing banal a amanu na, itang pangaku na kang Abraham a talasuyu na.

Ding Dalit 106:4

Ginu, e mu ku sana kakalinguan potang ing kekang balen keka neng saupan; iyabe mu ku karetang kekang sagipan.

Ding Dalit 115:12

Ing Ginu e na katamu malyaring kalinguan; bendisyunan na katamu ngan, ding memalen ning Israel bendisyunan na la, at pati na ding pari a lahi nang Aaron.

Ding Dalit 132:1

O Ginu, i David e me sa kakalinguan, at ing sablang delanan nang kasakitan.

Ding Dalit 136:23

E na katamu kelinguan inyang mesambut tamu; uling ing lugud na alang angga.

Ding Dalit 137:7

Ganakan mu sa, O Ginu, ing gewa da ring tau Edom kanitang mebihag ya ing Jerusalem. Ganakan mu nung makananung ulit-ulitan dang sasabian, Lasakan ya at iragsa angga king gabun!

Ding Dalit 29:10

Ing Ginu ari de pati ding danuman a malalam; ari ya king kapilan pa man.

Ding Dalit 36:6

Ding kautusan mu't kaburian anti la karing matas a bunduk; ing kayatulan mu malalam anti ing dagat. O Ginu, ding tau at animal parehu mu lang pagmalasakitan.

Exodo 14:21

Inatiat neng Moises ing gamat na babo na ning dagat, at sepulan ne ning Ginu ing dagat king kapamilatan na ning masikan a angin ibat aslagan. Kabukas yang e pepatugut tutiup iting angin at mika malanging gabun king dagat.

Exodo 15:10

Oneng, Ginu, king metung mung pangisnawa, dagat karela mitakup ya, at ding tau Ehipto melumud la; anting tinggaputi king danuman limbug la.

Exodo 2:24

Dimdam na ing saingsing da at aganaka na ning Dios itang kasunduan na kari Abraham, Isaac, at Jacob.

Ding Kasebian 25:23

Magdalang uran ing angin ning amian; ing indredus mua naman.

Isaias 44:27

King metung mung amanu papamalan ke ing dagat.

Jeremias 50:38

Palangian ya ing bansa na, at ding ilug na. Bansa yang mitmung idolo ing Babilonia a pepasari king kamangmangan da ring tau.

Amos 8:7

Ing Ginu, ing Dios ning Israel simpa na, E ku na kalinguan kapilan man ing dapat dang e mayap.

Jonas 4:11

Inya lalu kung sukat mika maragul a lunus king Nineve, ing mayupayang siudad a ita. Uling atin yang maygit dinalan at aduang pulung libung memalen a inosenti, at atin ya namang dakal a baka!

Nahum 1:4

Utusan ne ing dagat, at iti langi ya! Ding ilug palangian na la! Ding marangle ning Bashan lalangi la, ing Bunduk ning Carmel kukupas ya, at ding sampaga ning Lebanon malalanat la.

Habakuk 3:2

O Ginu, abalitan ku ing kekang depat, at mengatmu kung takut at kagalangan. Ngeni pasibayu mu la sanang daptan king kekeng kapanaunan ding makapagmulala mung dapat a sadia mung daraptan. Malunus ka, agyang neng mua ka.

Zacarias 10:11

Potang lumabas na la king dagat ning karelang kagutgutan, aku, ing Ginu, ing marug karing alun at mamala ya ing danum nang malalam ning Ilug ning Nilo. Ing ketasan ning Asiria maputut na, at ing mayupayang Ehipto mawala ing upaya na.

Ding Bilang 10:9

Potang lumusub la ding kalaban yung manalipit kekayu king kekayung lugal, tiupan yu la ring trumpeta at aku, ing Ginung kekayung Dios, saupan da kayu at iligtas.

Ding Bilang 22:32

Ngana ning anghel ning Ginu, Obat berug meng mekatatlung besis ing kekang asno? Inya sebatan ke ing dalan uling e kailangan ing pamaglakbe mu.

Kapahayagan 16:19

Mepirasu yang atlung dake ing maragul a siudad, at melasak la ding sablang siudad king mabilug a yatu. E ya miligtas king parusa na ning Dios ing pikabaluan a Babilonia; pepainum ne iti king alak na ning mua na.

Kapahayagan 18:5

Uling susukdul king banua ing kasalanan na, at e na akalinguan ning Dios ing dewakan na.

1 Samuel 1:19

Kabukasan, maranun yang migising i Elkana at ing pamilya na at sinamba la king Ginu; kaybat mibalik na la king bale ra karin Rama. Sipingnan neng Elkana ing asawa nang i Ana, at pekiramdaman na ning Ginu ing aduan na.