Genesis 7:7 - Ing Mayap a Balita Biblia

⁷ I Noe, ing asawa na, at ding anak nang lalaki at ding asawa ra, sinake la king barku ban aligtasan da ing danum na ning albug.

Genesis 7:7 Iomraidhean Croise

Genesis 6:18

Pero gawa kung metung a kasunduan keka. Ika, ing asawa mu, ding anak mung lalaki, at ding asawa ra; sake kayu king barku.

Genesis 7:1

Kanita ngana ning Ginu kang Noe, Lungub na ka king barku at ituki me ing mabilug mung pamilya, uling ika mu ing ikit kung tune darapat matulid king panaun a iti.

Ding Kasebian 22:3

Potang akakit nang daratang ing panganib, ing taung biasa mangilag ya, oneng ing taung mangmang e na pangilagan, inya daralan yang kasakitan.

Mateo 24:38

Kanitang panaun bayu dinatang ing albug, mamangan la at miminum ding tau; makiasawa la ding lalaki at babai angga king mismung aldo a linub ya king barku i Noe.

Lucas 17:27

Kanitang panaun nang Noe, mamangan la at miminum ding tau, kakasal la at makiasawa la angga king aldo a sinake ya i Noe king barku. Dinatang ing albug at mete la ngan.

Hebreo 11:7

Ing kasalpantayanan munaman ing mekayagkat kang Noe ban makiramdam ya king babala na ning Dios tungkul karing bage a mapalyari king aldo bukas a e na pa ikit Noe. Pemintuan ne ing Dios at ginawa yang metung a barku a mekapagligtas keya at king pamilya na. King kapamilatan na ning kasalpantayanan nang Noe pepalto nang makasalanan ya ing yatu, at ya naman mebilang ya karing taung katanggap-tanggap bilang ablas na ning kasalpantayanan na.

Hebreo 6:18

Inya e ya magbayu at maglaram ing Dios tungkul kareting aduang bage: ing pangaku na at sumpa. Itamung menakit kaligtasan king Dios, sukat tamung mirinan tetagan a lub king pamanaya karing pengaku na.

1 Pedro 3:20

Ila deti ring espiritu da retang e memintu king Dios, inyang mapibabata yang menaya king pamagbalik da lub kanitang panaun a kasalukuyan ne pang gagawan Noe ing barku na. Ding mapilan a tau, walu la heganagana, miligtas la king danum.

2 Pedro 2:5

E na la penupaya ning Dios ding tau kanitang minunang panaun, nune gisan na lang pete ning Dios ding e mayap a tau king kapamilatan na ning maragul a albug; ala yang peintulutan miligtas nune mu i Noe a menaral tungkul king matulid a pamibiebie ampon ding pitung taung kayabe na.