Genesis 7:1 - Ing Mayap a Balita Biblia

¹ Kanita ngana ning Ginu kang Noe, Lungub na ka king barku at ituki me ing mabilug mung pamilya, uling ika mu ing ikit kung tune darapat matulid king panaun a iti.

Genesis 7:1 Iomraidhean Croise

Genesis 6:18

Pero gawa kung metung a kasunduan keka. Ika, ing asawa mu, ding anak mung lalaki, at ding asawa ra; sake kayu king barku.

Genesis 6:9

Oyni ing istoria na ning pamilya nang Noe. Tau yang makatuliran i Noe, at ala yang kapintasan ketang panaun na. Mapamintu ya king Dios.

Genesis 7:13

King aldong ita sinake ya king barku i Noe at ding anak nang di Sem, Ham, at Jafet, ing asawa na, at ding atlu nang manuyang.

Genesis 7:7

I Noe, ing asawa na, at ding anak nang lalaki at ding asawa ra, sinake la king barku ban aligtasan da ing danum na ning albug.

2 Samuel 22:24

Ala kung kapintasan king arapan na; apangilagan ku ing pamaniapat kasalanan.

Ding Kasebian 10:9

Ding taung tapat ligtas la't panatag king karelang lakad, oneng marakap la ding taung maglinlang.

Ding Kasebian 14:26

Ing takut king Ginu kapanatagan lub ing babie na at pati na karing katubale na.

Ding Kasebian 18:10

Mengari ya ing lagyu ning Ginu king toreng matibe; kambilan ne ing taung banal king oras ning pamangailangan.

Ezekiel 14:14

agyang pang ding atlung lalaking i Noe, i Daniel, at i Job ilang manuknangan karin, ing aligtas da ya mu ing sarili dang bie uli na ning kayapan da. Ing Ginung Dios ya ing migsalita.

Zepania 2:3

Magbalik kayu king Ginu, ikayung sablang mapagpakumbaba keti king bansa a mamintu karing utus na. Daptan yu ing matulid at magpakumbaba kayu arapan ning Ginu. Mapalyaring aligtasan yu ing parusa king aldo nung kapilan na ipakit ning Ginu ing maragul nang mua.

Lucas 1:6

Mibiebie la deting miyasawa king mitmung kayapan king arapan na ning Dios. Mapamintu lang lubus karing kautusan at tuntunan a ibat king Ginu.

Lucas 17:26

Nung nanu ing milyari kanitang panaun nang Noe, makanyan munaman ing malyari king panaun ning Anak ning Tau.

Ding Dapat 2:39

Uling ing pengaku na ning Dios para kekayu ya at para karing kekayung anak at para karing sablang atyu king marayu, ding sablang ausan nang lumapit keya ning Ginu tamung Dios.

Hebreo 11:7

Ing kasalpantayanan munaman ing mekayagkat kang Noe ban makiramdam ya king babala na ning Dios tungkul karing bage a mapalyari king aldo bukas a e na pa ikit Noe. Pemintuan ne ing Dios at ginawa yang metung a barku a mekapagligtas keya at king pamilya na. King kapamilatan na ning kasalpantayanan nang Noe pepalto nang makasalanan ya ing yatu, at ya naman mebilang ya karing taung katanggap-tanggap bilang ablas na ning kasalpantayanan na.

1 Pedro 3:20

Ila deti ring espiritu da retang e memintu king Dios, inyang mapibabata yang menaya king pamagbalik da lub kanitang panaun a kasalukuyan ne pang gagawan Noe ing barku na. Ding mapilan a tau, walu la heganagana, miligtas la king danum.