Genesis 6:9 - Ing Mayap a Balita Biblia

⁹ Oyni ing istoria na ning pamilya nang Noe. Tau yang makatuliran i Noe, at ala yang kapintasan ketang panaun na. Mapamintu ya king Dios.

Genesis 6:9 Iomraidhean Croise

Genesis 10:1

Oreti ding lahi da ri Sem, Ham, at Jafet a anak nang Noe. Mikayanak la kaybat na ning albug.

Genesis 17:1

Siam yang pulu't siam a banua i Abram inyang akatagpu ne ing Ginu. Ngana, Abram, aku ing Dios a Mayupaya. Mamintu ka kanaku at mibiebie kang alang dungis.

Genesis 2:4

Ita ya ing istoria na ning pangalalang ning banua at yatu. Kanitang lalangan ne ning Ginung Dios ing yatu at ing banua,

Genesis 48:15

At binendisyunan ne i Jose at ngana: Bendisyunan na ko sana ning Dios a pemintuan da ring pipumpunan kung di Abraham at Isaac, ing Dios a kakung talataid ibat na kanitang mibait ku angga na king aldong iti.

Genesis 5:1

Oyni ing listahan da ring lahi nang Adan. Kanitang lelangan ne ning Dios ing tau, lelang neng kawangis na.

Genesis 5:22

Mebie ya pang atlung dalan a banua i Enoc; mibiebie yang malapit a malapit king Dios kaybat nang mibait Matusalem, at mika aliwa ya pang anak a lalaki at babai.

Genesis 5:24

Mibiebie yang malapit a malapit king Dios, at mewala nia mung bigla uli na ning kinua ne ning Dios.

Genesis 6:10

Atlu la ding meging anak na: di Sem, Ham, at Jafet.

Genesis 7:1

Kanita ngana ning Ginu kang Noe, Lungub na ka king barku at ituki me ing mabilug mung pamilya, uling ika mu ing ikit kung tune darapat matulid king panaun a iti.

2 Samuel 22:24

Ala kung kapintasan king arapan na; apangilagan ku ing pamaniapat kasalanan.

1 Ari 3:6

Pekibat nang Solomon, Pepakit kayung maragul at alang kupas a lugud king talasuyu yung i David a tata ku, uling menatili yang tapat kekayu, makatuliran, at malinis a pusu. At pepanatilian yu naman kang tata ku iting maragul at alang kupas yung lugud, at dininan ye pang metung a anak a menalili king tronu na.

2 Cronica 15:17

Agyang e na la ngan lesak Asa ding sablang lugal a pisasamban da ring dayuan king bansa, menatili yang tapat king Ginu king kekaban ning bie na.

2 Cronica 25:2

Depat na itang katanggap-tanggap king akakit ning Ginu, oneng e laus king lub na.

Job 1:1

Ating metung a lalaki king sakup ning Uz a milagyuan Job; ala yang kapintasan at makatuliran ya. Metung yang taung ating takut king Dios at mangilag king e ustu.

Job 1:8

Ngana ning Ginu kang Satanas, Apansingan mu ne ing talasuyu kung i Job? Ala kang akit kalupa na king yatu. Tau yang alang kapintasan at makatuliran; atin yang takut king Dios at mangilag ya king nanumang e ustu.

Job 12:4

Meging pikaylian ku karing kakung kakaluguran; aku ing minaus king Dios, at pekibatan na ku; tau kung makatuliran at alang kapintasan, ngeni metung kung pikaylian.

Ding Dalit 37:37

Pagumasdan ye ing taung matulid; ing taung tapat keko yang pansinan; lahi na manatili la king kapilan pa man.

Ding Dalit 37:39

Ing kaligtasan ding taung matulid king Ginu manibatan; ya ing karelang salilungan king oras ning kaligaligan.

Ding Kasebian 4:18

Oneng mengari ya ing dalan na ning taung matulid king aldo a saslag; lalu yang maslag neng aldo tapat.

Ecclesiastes 7:20

Tune alang taung sakdal a darapat mayap king sablang panaun o e bitasang magkamali.

Ezekiel 14:14

agyang pang ding atlung lalaking i Noe, i Daniel, at i Job ilang manuknangan karin, ing aligtas da ya mu ing sarili dang bie uli na ning kayapan da. Ing Ginung Dios ya ing migsalita.

Ezekiel 14:20

agyang pang di Noe, Daniel, at Job ilang manuknangan karin nung makananung aku, ing Ginung Dios, Dios kung mabiemakanyan da lang e malyaring aligtas ding anak da. Ing bukud mung makapagligtas king karelang bie ya ing karelang kayapan.

Habakuk 2:4

At iti ya ing mensahi: E la miligtas detang e mayap, oneng detang matulid a pamibiebie mie la, uli na ning kasalpantayanan da king Dios.

Lucas 1:6

Mibiebie la deting miyasawa king mitmung kayapan king arapan na ning Dios. Mapamintu lang lubus karing kautusan at tuntunan a ibat king Ginu.

Lucas 2:25

Ating metung a lalaking manuknangan karin Jerusalem, ing lagyu na Simeon. Metung yang taung mayap at ating takut king Dios. Panayan na ing pangaligtas na ning Israel. Ing Banal a Espiritu atyu kang Simeon.

Lucas 23:50

Ating metung a lalaking milagyuan Jose, tau ya Arimatea, ing metung karing balen da ring Judio. Mayap ya at gagalangan de ring tau; kabilang ya karetang manaya king pamaniatang na ning Kayarian ning Dios. Agyamang miembru ne ning Sanhedrin, e ya nayun king desisyun da at depat kang Jesus.

Ding Dapat 10:22

Ngarang mekibat, Tinubud na kami ning Kapitan Cornelio. Metung yang taung mayap a makitakut king Dios at gagalangan ne ning mabilug a bansang Judio. Sinabi na keya ning banal a anghel ning Dios ing kumbiran na kayung munta keta king bale na ba nang pakiramdaman ing nanumang sabian yu.

Roma 1:17

Uling pakilala na ning Mayap a Balita nung makananu nang patawaran ning Dios ing kasalanan ding tau king kapamilatan na ning kasalpantayanan da at iti maging ganap king kapamilatan na naman ning kasalpantayanan da. Antimo ing sasabian na ning kasulatan, Ing taung mipatawaran king kasalanan king kapamilatan na ning kasalpantayanan na king Dios mie ya king kapamilatan na ning kasalpantayanan.

Galacia 3:11

Ngeni, tutung masala king alang taung mipatawaran a kasalanan king Dios king kapamilatan na ning Kautusan; uling ing kasulatan sasabian na: Mibiebie ya king kasalpantayanan ing taung mipatawaran a kasalanan king Dios.

Deuteronomio 18:13

Bukud mung ing Ginung kekayung Dios ing lubus yung panaligan.

Hebreo 11:7

Ing kasalpantayanan munaman ing mekayagkat kang Noe ban makiramdam ya king babala na ning Dios tungkul karing bage a mapalyari king aldo bukas a e na pa ikit Noe. Pemintuan ne ing Dios at ginawa yang metung a barku a mekapagligtas keya at king pamilya na. King kapamilatan na ning kasalpantayanan nang Noe pepalto nang makasalanan ya ing yatu, at ya naman mebilang ya karing taung katanggap-tanggap bilang ablas na ning kasalpantayanan na.

1 Pedro 2:5

Lumapit kayu king Ginu ban ikayu man, bilang mabie batu, bilugan ye ing metung a pibalebale espiritual anting banal a pari a miyain ain-sakripisyung espiritual a katanggap-tanggap king Dios king kapamilatan nang Jesu-Cristo.

2 Pedro 2:5

E na la penupaya ning Dios ding tau kanitang minunang panaun, nune gisan na lang pete ning Dios ding e mayap a tau king kapamilatan na ning maragul a albug; ala yang peintulutan miligtas nune mu i Noe a menaral tungkul king matulid a pamibiebie ampon ding pitung taung kayabe na.