Genesis 6:5 - Ing Mayap a Balita Biblia

⁵ Ikit na ning Ginu king tutu nang mikalat ing kasalanan ning tau king yatu at parating e mayap ing atyu king isip na.

Genesis 6:5 Iomraidhean Croise

Genesis 13:13

Oneng tune lang e mayap ding memalen na ning Sodoma; maragul la kasalanan king Ginu.

Genesis 8:21

Ngana ning Ginu king lub na inyang abau na ing mabanglung ain, E ku ne kapilan man isumpa ing yatu uli na ning gagawan ning tau. Tutu pin ing makayungyung ne ing pusu na ning tau king e mayap manibat na king kayanakan na. E ku na la gisanan paten kapilan man ding mabie antimo ing gewa ku.

Job 15:16

Lalu na king taung makasumami at baluktut a ugali, a anting danum nang inuman ing kasalanan!

Job 22:15

Makasadia kang dumalan karing dalan a pane rang daralanan ding taung e mayap?

Ding Dalit 53:2

Manibat banua ing Dios maglalawe ya; lalawan na karing taung lelangan na nung atin pang biasa at sasamba arap na.

Ding Kasebian 6:18

ing kaisipan a mimisip e mayap, ding bitis a mabilis darapat e mayap,

Ecclesiastes 7:29

Oyni ing bukud kung atuklasan: lelang ne ning Dios ing tau para king kaayusan, oneng ing tau ya ing maki pasari king kaguluan.

Ecclesiastes 9:3

Paraparehu la ngan a kararasan, at e ustu iting malilyari keti king yatu. Pawang e ustu at kamulangan ing isipan da kabang mabibie la ding tau, at kaybat mate la.

Jeremias 17:9

Ninu ing makibalu king pusu ning tau? Tune yang mapaglinlang at e mayap.

Jeremias 4:14

Jerusalem, wasan mu ing e mayap a atyu king pusu mu ban miligtas ka. Kapilan ka kaya tuknang mimisip e mayap?

Ezekiel 8:12

Nganang kinutang kanaku ning Dios, Akakit mo, anak ning tau, ing daraptan dang lihim ding makatuang manimuna na ning Israel? Sasamba la ngan kilub ning metung a kuartung mitmung larawan. Ngarang mangatuliran, E na katamu akakit ning Ginu! Gilutan na ne ing bansa.

Ezekiel 8:9

At ngana kanaku, Lungub ka at lawan mu la ding makasumaming bage a daraptan da ken.

Mateo 15:19

King pusu na ning tau karin magumpisa ing e mayap a tangka antimo ing pamakamate, ing pamakipangalugud, ing miyayaliwang kanawangan, ing pamanako, ing pamaglaram, at ing pamanyirang puri.

Mateo 24:37

Ing paniatang na ning Anak ning Tau kalupa na nitang milyari king panaun nang Noe.

Lucas 17:26

Nung nanu ing milyari kanitang panaun nang Noe, makanyan munaman ing malyari king panaun ning Anak ning Tau.

Deuteronomio 29:19

Ngening dimdam yu na la deting pakiduang ning kasunduan at kaybat atin kekayu a matulang sabian na king lub na, E ku numanu balang agyang pang daptan ku itang sabla kung buring daptan. Iti ing panibatan na ning kasiran yumayap la man o e mayap.

Tito 3:3

Uling kanitang misan itamu man meging mangmang tamu, mapaglaban, melili, at me-ipus king miyayaliwang pita at kalayawan na ning katawan. Mibiebie tamu kanita a ating e mayap a nasa. Kesaman da katamu ding tau at kesaman ta la munaman.

1 Pedro 3:20

Ila deti ring espiritu da retang e memintu king Dios, inyang mapibabata yang menaya king pamagbalik da lub kanitang panaun a kasalukuyan ne pang gagawan Noe ing barku na. Ding mapilan a tau, walu la heganagana, miligtas la king danum.