Genesis 6:3 - Ing Mayap a Balita Biblia

³ Kanita ngana ning Ginu, E ku paintulut ing kumaba ya bie ing tau uling laman ya. E ya mie lagpus king dinalan at aduang pulung banua.

Genesis 6:3 Iomraidhean Croise

Genesis 6:2

ikit da ring anak na ning Dios king malagu la ding anak da ring tau. Inya, gewa da lang asawa da ring sablang apili ra kareti.

Nehemias 9:30

Pibata mu la kilub ding dakal a banua, inaus mu la pansin kapamilatan ding pepawaga mu karing propeta, oneng migmaklak-maklakan la. Inya karing gamat ding dayuan keka lang pepailalam.

Ding Dalit 78:39

Aganaka na king tau la mu, mengari lang tiup ning angin a lalabas at kaybat mawala.

Ding Dalit 90:10

Ing bie mi angga mung pitung pulung banua; miraras kaming walung pulung banua nung masikan ke pa; makanyan man, kaguluan at problema ing darala ra; mabilis yang lilipas ing bie at kaybat mawala ne.

Isaias 5:4

Migkulang ku kaya king pamanese ku king mulahan? Obat memunga yang maslam a ubas? Obat e la mayumung ubas ding binunga na?

Isaias 57:16

Dininan ku lang bie ding taung pinili ku, at e ku na isundu ing pamamarsala karela, at e na ku mimua kabang-kaba karela.

Isaias 63:10

Oneng linaban la king Ginu at pepalungkut de ing banal nang espiritu. Inya meging kalaban de ing Ginu at lebanan na la.

Jeremias 11:11

Inya ngeni, aku, ing Ginu, babie kung babala karela king paratang kung kasiran karela at e la makatakas. At e ku la pakiramdaman potang maniawad lang saup.

Jeremias 11:7

Inyang liwal ku la ding makatua da karin king Ehipto, sinabi kung matimid karela king pamintuan da ku at angga man ngeni dirinan ku lang babala ding tau.

Ding Bilang 11:17

Tipa ku at makipagsalita ku keka karin. Kuma ku king espiritung binie ku keka at ibie ku karela ban e ka magdili-diling magobra.

Juan 3:6

Ing mibait king laman, laman ya at ing mibait king Espiritu, espiritu ya.

Ding Dapat 7:51

Mangasias kayu wari lub; tutu na la waring alang pakiramdam ding pusu yu? Tutu na kayu waring mengaklak ban e yu pansinan ing amanu na ning Dios? Ala kayung keyaliwa karing kekayung makatua; e ye munaman patugutan sasagkan ing Banal a Espiritu!

1 Tesalonica 5:19

E ye pipigilan ing Espiritu.