Genesis 5:3 - Ing Mayap a Balita Biblia

³ Dinalan atlung pulung banua ne i Adan inyang ayanak ne ing metung a anak a lalaking kawangis na. Set ing pemalagyu na king anak na.

Genesis 5:3 Iomraidhean Croise

Genesis 4:25

Pasibayu neng sipingnan Adan ing asawa na, at menganak yang lalaki at pemalagyuan neng Set. Dininan na kung aliwang anak ning Dios, nganang Eva, bilang kalibe nang Abel a pete nang Cain.

Genesis 5:2

Lelangan na lang lalaki at babai; binendisyunan na la at inaus na lang Tau kanitang lalangan na la.

Genesis 5:4

Kaybat nang mibait Set, mebie ya pang walung dalan a banua i Adan, at mika aliwa ya pang anak a lalaki at babai.

Job 14:4

Kapilan man alang malinis a malyaring manibatan king nanumang marinat antimo ing tau. Ala metung man.

Job 25:4

Atin metung mu man a malyaring maging matulid o malinis king arapan na?

Ding Dalit 51:5

Marawak na ku manibat na inyang mibait ku; kanita pang pengagli da ku makasalanan na ku.

Lucas 1:35

Pekibat na ning anghel, Datang ya keka ing Banal a Espiritu at lilungan na ka ning upaya na ning Dios. Uli na niti, mayaus yang Anak ning Dios ing banal a anak a mibait keka.

Lucas 3:36

a anak nang Cainan, a anak nang Arfaxad, a anak nang Sem, a anak nang Noe, a anak nang Lamec,

Juan 3:6

Ing mibait king laman, laman ya at ing mibait king Espiritu, espiritu ya.

Roma 5:12

Dinatang ing kasalanan keti king yatu king kapamilatan na ning metung a tau, at ing kasalanan na migdalang kamatayan. Bilang bunga na niti, linaganap ing kamatayan king mabilug a ketawan, uling mikasala la ding sablang tau.

1 Corinto 15:39

At e paraparehu ing laman da ring sablang mabibie; aliwa ing laman da ring tau, aliwa ing karing animal, aliwa ing karing ayup at ding karing asan.

1 Corinto 15:49

Antimo nung makananu na ka tamung kalupa ning taung megawa king gabun makanyan tamu munamang maging kalupa na ning menibatan king banua.

Efeso 2:3

Makakayabe tamu kareti king panaun a milabas; mibiebie tamu agpang king marawak nang kapagnasan ning laman at penusignan tamu ing e mayap nang hilig ning kekatamung katawan at kaisipan. Inya king katutubu tamung kabilian makakayabe tamu karing taung kamuan na ning Dios, kalupa da ring aliwa.