Genesis 5:2 - Ing Mayap a Balita Biblia

² Lelangan na lang lalaki at babai; binendisyunan na la at inaus na lang Tau kanitang lalangan na la.

Genesis 5:2 Iomraidhean Croise

Genesis 1:27

Inya lelangan ne ning Dios ing tau king wangis na; king wangis ning Dios lelangan ne; lelangan na lang lalaki at babai.

Genesis 1:28

Bendisyunan na la ning Dios at ngana, Magpakarakal kayu at katmuan ye ing yatu at sakupan ye. Ikayung mamahala karing asan king dagat, karing ayup, at karing heganaganang bage melalang a gagapang king yatu.

Genesis 2:15

Binili ne karin ning Ginung Dios ing tau at pepatuknangan ne king mula na ning Eden ban gambulan ne at ingatan.

Genesis 2:23

ngana ning lalaki, Iti kabud ing butul ning kakung butul, at laman ning kakung laman; mayaus yang babai, uling ibat ya king lalaki.

Genesis 5:3

Dinalan atlung pulung banua ne i Adan inyang ayanak ne ing metung a anak a lalaking kawangis na. Set ing pemalagyu na king anak na.

Malakias 2:15

E na kayu wari gewa ning Dios a metung mung katawan at espiritu karing sarasarili yung asawa? Nanu ing parasan na tungkul kaniti? Ing mikayanak kayung tune memalen na ning Dios. Inya mingat ya ing balang metung at metung kekayu ban e na asira ing pangaku na king asawa na.

Mateo 19:4

Nganang mekibat Jesus, E ye pa wari abasa ing anti kaniting kasulatan? Kanitang kamumulan ing Miglalang gewa na lang lalaki at babai.

Marcos 10:6

Oneng kanita pang kapupurmeruan, inyang lalangan na ning Dios ing sabla, lelangan na lang lalaki at babai ding tau.

Ding Dapat 17:26

King metung mung tau lelangan na la ding sablang lahi ba reng alaganapan ing mabilug a yatu, at ya mu rin ing mituldung makapauna nung nu ya angga bie ing balang bansa at ya naman ing mituldu karing angganan na ning balang metung karela.