Genesis 48:9 - Ing Mayap a Balita Biblia

⁹ Pekibat nang Jose kang tata na, Ila ding anak ku a binie na kanaku ning Dios keti. Nganang Jacob, Ilapit mo kanaku ba ku lang bendisyunan.

Genesis 48:9 Iomraidhean Croise

Genesis 27:4

Potang atin kang arakap, paglutu mu ku ketang maniaman a pamangan a buri ku at idala mu kanaku. Kaybat kung mengan ibie ke keka ing kanakung bendisyun bayu ku mu man mate!

Genesis 30:2

Mimua ya i Jacob at ngana kang Raquel, Aku wari ing Dios a makiburi king e ka mikakayanak!

Genesis 33:5

Inyang minatna ya i Esau ikit na la ding babai at ding anak. Ninu deting kayabe mu? nganang mengutang. Pekibat nang Jacob, Ila deti ring anak a malugud nang binie ning Dios king kekang talasuyu.

Genesis 49:28

Ila deti ring labing adua nang tribu ning Israel, at yan ing sinabi nang tata ra tungkul karela, kanitang memun ya karela at menabilin king metung at metung.

1 Cronica 25:5

Binie na la ning Dios deting labing apat a anak a lalaki kang Heman a propeta na ning ari. Dininan nia namang atlung anak a babai antimo ing pengaku na ban lalu yang mirangal i Heman.

Ding Dalit 127:3

Ding anak regalu lang ibat king Ginu; tune lang bendisyun a binie na.

Isaias 8:18

Atyu ku kening kayabe da ring anak a binie na ning Ginu kanaku. Ing Ginung Mayupaya a makatronu king Bunduk ning Zion, tinubud na kami bilang mabie nang mensahi para karing memalen na ning Israel.

Deuteronomio 33:1

Oreni ding bendisyun a sinabi nang Moises, ing talasuyu na ning Dios, karing memalen ning Israel bayu ya mete:

Hebreo 11:21

Ing kasalpantayanan ya ing mekayagkat kang Jacob ban bayu ya mate bendisyunan ne ing balang metung karing anak nang Jose. Tinalan ya king tangke na ning tukud na at simban ne ing Dios.

1 Samuel 1:20

Mebuktut ya i Ana at beit ne ing metung a anak a lalaki. Samuel ing lagyung binie na king anak uling ngana, Binie ne ning Ginu kanaku.

1 Samuel 1:27

Oyni pu ing anak a inawad ku king Ginu; pekiramdaman na pu ing inawad ku.