Genesis 48:4 - Ing Mayap a Balita Biblia

⁴ Ngana kanaku: Parakalan ku la ding anak mu at gawan da kang pipumpunan da ring dakal a lahi. Ibie ke ing gabun a iti karing maging lahi mu bilang pibandian dang alang angga.

Genesis 48:4 Iomraidhean Croise

Genesis 12:2

Gawan da kang metung a maragul a bansa at bendisyunan da ka. Maging pikabaluan ka lagyu at manatad kang bendisyun.

Genesis 17:13

Wa, sukat lang masirkunsisyun ding ipus a mibait karing pibalebale yu at pati na detang seli yu. Inya mayakit ya ing kasunduan king katawan yu bilang alang anggang kasunduan.

Genesis 17:6

Dinan da kang dakal a lahi. Maging bansa la reti at ating lunto ari karela.

Genesis 17:8

Ibie ke keka at karing lahi mung sasalisi ing gabun nung nu ka manuknangan ngeni, ing mabilug nang gabun ning Canaan bilang pibandian yu king kapilan pa man, at aku ing maging Dios da.

Genesis 22:17

pangaku kung bendisyunan da kang e makanyan-kanyan at parakalan ku la ding lahi mu. Maging kasing dakal da la ring batuin na ning banua at balas king pampang ning dagat. Sakupan da la ring siudad da ring karelang kalaban.

Genesis 26:4

Parakalan ku la ding lahi mu; maging kasing dakal da la ding batuin king banua at ibie ku ngan karela ing gabun a iti. Aduan da ring bansa ing bendisyunan ku la nung makananu ku lang binendisyunan ding lahi mu.

Genesis 28:3

Bendisyunan na ka sana ning Dios a Mayupayang tutu king pamakiasawa mu, at parakalan a anak ban maging pipumpunan da ka ring dakal a tau.

Genesis 32:12

Ngayung mengaku kanaku: E ra ka paburen at parakalan ku la ring maging lahi mu, maging kasing dakal da la ring balas na ning dagat a e abilang-bilang.

Genesis 35:11

Ngana pa ning Dios, Aku ing Dios a Mayupaya. Parakalan mu la ding anak mu. E ya mu metung a bansa nune dakal la ding bansang bilugan da ring lahi mu. Maging ari la ding aliwa karela.

Genesis 46:3

Ngana ning Dios, Aku ing Dios, ing Dios nang tata mu. E ka tatakut munta Ehipto uling karin da ka gawan metung a maragul a bansa.

Genesis 47:27

Makanyan lang menuknangan Ehipto ding Israelita, king sakup ning Gosen. Karin la mika pibandian at merakal la ding anak da.

Ding Dalit 127:3

Ding anak regalu lang ibat king Ginu; tune lang bendisyun a binie na.

Exodo 1:11

Inya mibili lang kapatas karing Israelita ban pasakitan da la king kapamilatan na ning mabayat a obra. Makanyan lang mengapuersa ding Israelita king pamitalakad karing siudad ning Pitom at Rameses a pipagponduan nang kabiayan at kagamitan ning ari.

Exodo 1:7

Oneng menganak la ding Israelita a lahi da at merakal na lang merakal; mabilis lang merakal at tutung masikan angga king milaganapan ya karela ing Ehipto.

Ezekiel 37:25

Manuknangan la king bansang binie ku king talasuyu kung i Jacob, ing gabun nung nu la menuknangan ding makatua da. Manuknangan la karin king kapilan pa man at antimu rin ding anak da at ding sablang lahi ra. Ing metung a ari a kalupa na ning talasuyu kung i David ya ing manimuna karela king kapilan pa man.

Levitico 26:9

Bendisyunan da kayu at dinan dakal a anak. Tuparan ke itang dake ku king kasunduan a pikayari tamu.

Deuteronomio 32:8

Inyang binie ne ning Kakataskatasan a Dios ing gabun bilang karelang mana, at inayus grupu-grupu ding Israelita tikda ne ing angganan ning sakup da, agpang king karelang bilang.