Genesis 47:1 - Ing Mayap a Balita Biblia

¹ Minta ya i Jose king ari at ngana, Makamal a Ari, atyu ne pu i tata ku at ding kapatad ku; ibat la Canaan at daralan da la ring kawan da, at aliwa pang sese rang animal ampon ing sabla rang pibandian. Atyu la king sakup ning Gosen.

Genesis 47:1 Iomraidhean Croise

Genesis 45:10

Manuknangan kayu king sakup ning Gosen at malapit kayu kanaku, ding anak yu at apu, ding tupa yu at kambing, at ding sese yung baka, at pati na ing sablang pibandian yu.

Genesis 45:16

Inyang mibalita king palasyu king dinatang la ding kapatad nang Jose, metula ya ing ari pati na ring opisyal na.

Genesis 46:28

Tiburan neng Jacob i Juda kang Jose ban saganan na la karin Gosen.

Genesis 46:31

Kanita nganang Jose karing kapatad na at karing kamaganak na, Puntalan ke ing ari at sabian ku king ding kapatad ku at ding pamilya nang tatang ku dinatang na lang ibat Canaan.

Genesis 46:34

sabian yu king ibat na inyang anak kayu manese na kayung baka kalupa da ring pipumpunan yu ba na kayung patuknangan Gosen. Sinabi nang Jose iti uling masusumami la ring tau Ehipto kareng magpastul animal.

Exodo 8:22

Oneng milisia ya kaniti ing sakup ning Gosen nung nu la manuknangan ding taung pinili ku; e mika lango karin ban akilala mu king aku, ing Ginu, ing maki upaya king bansang iti.

Exodo 9:26

Bukud mung ing sakup ning Gosen, nung nukarin la manuknangan ding Israelita, ing e na digpanan ning uran-lipat.

Hebreo 2:11

Ing mamatawad karing kasalanan da ring tau at itang mamatawad at ding taung mipatawaran metung la mu Ibpa. Inya e na la pikarine ausan kapatad na ding tau.