Genesis 42:5 - Ing Mayap a Balita Biblia

⁵ Anti na ning miras munaman ing danup king mabilug a Canaan, mekiabe la ring anak nang Jacob karing pupunta Ehipto ban saling pamangan.

Genesis 42:5 Iomraidhean Croise

Genesis 12:10

Mika maragul a danup king sakup na ning Canaan. Minta ya i Abram king Ehipto ban karin manuknangan uling tutung maragul ing danup.

Genesis 26:1

Mika maragul a danup king lugal a ita; makayaliwa ya iti king minunang danup a milyari king panaun nang Abraham. Minta ya Gerar i Isaac kang Abimelek a ari da ring Filisteo.

Genesis 41:54

at kanita na la man megumpisa ding pitung banua na ning danup, antimo ing sinabi nang Jose. Dinatang ing panaun na ning danup karing sablang bansa, pero ating pamangan king mabilug a Ehipto.

Genesis 41:57

Pigsarian de Ehipto ring memalen king mabilug a yatu i Jose ban makasali lang pamangan uling laganap ing danup.

2 Samuel 21:1

King panaun na ning pamag-ari nang David, mika maragul a danup king Israel kilub ding atlung banua. Inya sinanggunian ne ing Ginu. At ngana ning Ginu kang David, Mikasala yang pamakamate tau i Saul at ing pamilya na uling pepapate na la ring tau Gibeon. (

Ding Dapat 11:28

Linibutad ya ing metung karela a milagyuan Agabo, at king kapamilatan na ning upaya na ning Banal a Espiritu inula na king malapit nang mikamaragul a danup king mabilug a yatu. (Dinatang iti king panaun na ning Emperador Claudio.)

Ding Dapat 7:11

Kanita naman mika danup king mabilug a Ehipto at Canaan, at maragul ing kasakitan a pepasari na niti. E na la menakit apangabiayan da ring makatua tamu.