Genesis 41:1 - Ing Mayap a Balita Biblia

¹ Kalabas da ring aduang banua, meninap ya ing ari; makatalakad ya kanu king pampang ning Ilug ning Nilo.

Genesis 41:1 Iomraidhean Croise

Mateo 27:19

Kabang makalukluk ya pa i Pilato king husgadu, atin yang pepasabi keya ing asawa na. Ngana, E ka makialam king taung yan a alang kasalanan, uling meligalig kung e mu nanu king paninap ku nabengi tungkul keya.

Ezekiel 29:9

Maging ala yang kwentang bansa ing Ehipto. Kanita yu akilala king aku ing Ginu. Uling sinabi mu king bandi me ing Ilug ning Nilo at keka yang gewa iti,

Ezekiel 29:3

Sabian mu ing sasabian na ning Ginung Dios king ari na ning Ehipto: Aku ing kekang kalaban, ikang maragul a dapu a makababad king ilug. Sasabian mu king ing Ilug ning Nilo bandi me at ika ing ginawa kaniti.

Isaias 19:5

Kumati ing danum na ning Ilug ning Nilo at e lumuat mamala ya.

Ester 6:1

King benging ita, e ya mipatudtud ing ari, inya pepakua ne ing librung pisusulatanan king istoria ning kayarian at binasa de king ari.

Deuteronomio 11:10

E ne kalupa ning bansa ning Ehipto nung nukarin kayu menuknangan. Kailangan kayung sarul karin king Ehipto at kailangan ing paranuman yu ing tenam yu,

Exodo 4:9

Nung sakaling e la pa maniwala kareting aduang bage pagmumulalan at e la bisang makiramdam king sasabian mu, kuma kang ditak a danum king Ilug ning Nilo at ibulus mu king gabun. Maging daya ing danum.

Exodo 1:22

Kanita minie yang utus ing ari karing sasakupan na. Ngana karela, Iyugse ya king Ilug ning Nilo ing balang anak a lalaking mibait karing Hebreo, oneng paburen yu lang mie ding anak a babai.

Genesis 40:5

Misan a bengi, ing talapangasiwa king alak at ing pamuntuk da ring panadero parehu lang meninap. Pero e la milulupa paninap, at atin yang sariling kabaldugan ing balang paninap.

Genesis 31:21

Dela na ngan ing pibandian na at marapal neng meko. Lipatan ne ing Ilug ning Eufrates at minarap yang papunta king sakup ning Gilead.

Genesis 29:14

Nganang Laban, Jacob, tune ing e ka aliwa kanaku; laman da ka at daya! Menatili ya karin i Jacob kilub ning pabulan.

Genesis 20:3

Oneng pepakit ya kang Abimelek ing Dios king kapamilatan na ning paninap. Ngana, Abimelek, e lumuat mate ka uling ing babaing kinua mu talasawa ya!

Genesis 28:12

Meninap ya; ikit ne king paninap na ing metung a eran; makatalakad ya iti king gabun at mamabut ya banua. Tipa-manik la king eran ding anghel na ning Dios. ...ikit ne king paninap na ing metung a eran; makatalakad ya iti king gabun at mamabut ya banua.

Genesis 40:23

Oneng akalinguan ne ning talapangasiwa king alak i Jose.

Genesis 41:2

Kabud-abud linto la ding pitung bakang masanting at mataba ibat king ilug at mengan la deti king dikut.