Genesis 4:8 - Ing Mayap a Balita Biblia

⁸ Misan a aldo, nganang Cain kang Abel a kapatad na, Tara, munta kata king marangle. Minta la king marangle at kabang atyu la karin, lepitan neng Cain i Abel at pete ne.

Genesis 4:8 Iomraidhean Croise

Genesis 4:25

Pasibayu neng sipingnan Adan ing asawa na, at menganak yang lalaki at pemalagyuan neng Set. Dininan na kung aliwang anak ning Dios, nganang Eva, bilang kalibe nang Abel a pete nang Cain.

2 Samuel 14:6

Atin ku pung aduang anak a lalaki at mipate la kabang atyu la king marangle. Ala lang kayabe a malyaring manawat karela; pete ne ning metung ing metung.

2 Samuel 3:27

Inyang adala da ne i Abner king Hebron, tiki neng Joab ketang lele ning pasbul dalan at kunwari neng lihim pakisabian. At siksak ne atian king pataram bilang pamanablas king pamakamate a depat nang Abner kang Asael a kapatad nang Joab. Mete ya i Abner.

2 Cronica 21:4

Inyang meging matatag na ing pamamahala nang Jehoram king kayarian nang tata na, pepapate na la ding kapatad na at ding mapilan karing opisyal ning Israel.

Nehemias 6:2

Inya inagkat da ku ri Sanbalat at Gesem a makipagsalita karela king metung karing baryu ning Kapatagan ning Ono. Metung ya iting paralan ban panasakitan da ku.

Job 11:15

Kanita iyatna meng lupa mung alang dungis; maging panatag ka at alang takut.

Ding Dalit 139:19

O Dios, sana gisanan mu na lang e mayap a tau! Sana lakuan da na ku ding taung tampalasan!

Ding Dalit 36:3

Asbuk na mitmu yang kapamiraitnan at kalaraman, ing kabiasnan lubus nang gilutan, at pati na ing pamaniapat kayapan.

Ding Dalit 55:21

Ing pamagsalita na tutung masanting, oneng mua ing atyu king pusu na; amanung sasabian na masanting la, oneng mataram lang anting espada.

Hosea 4:2

Mangaku la, oneng e ra naman tutuparan; magsalita lang kalaraman, makamate la, manako la, at makipangalugud la. Milalalu na ing e mayap dang pamaniaptan, misalasalisi ing pamakamate ra.

Mikeas 7:6

King panaun a iti ding anak a lalaki tuturing da lang mangmang ding karelang tata, sasalangsang la ding anak a babai karing sariling ima ra, makipate la ding talasawang babai karing katuangan dang babai; ding kalaban ning tau ila mismu ding miembru na ning pamilya na.

Ding Bilang 35:20

Nung ing ninuman a ating samang lub king kalupa nang tau at pete ne uli ning siksak ne o tinulak ne o besibas ne

Mateo 23:35

Uli na nian, miras kekayu itang kaparusan a katulid ning pamakamate karing taung mayap, manibat kang Abel a alang kasalanan angga na kang Zacarias a anak nang Berekia a kekong pete pilatan ning Templo at ning altar.

Lucas 11:51

manibat na king pangapaslang nang Abel angga king pangapaslang nang Zacarias a pete ra pilatan ning altar at ning santuaryu ning Templo. Wa, sasabian ku kekayu, ding tau ning panaun a iti miparusan la uli na ngan niti!

Lucas 22:48

Oneng sinabi nang Jesus, Judas, ipanganiaya me wari ing Anak ning Tau king kapamilatan na ning metung a uma?

Hebreo 11:4

Ing kasalpantayanan nang Abel ya ing mekagawa ketang pamanain na king Dios king metung a ain a maygit ketang kang Cain. Inya kilala neng taung katanggap-tanggap ning Dios inyang tinggap na ing ain na. King kapamilatan na ning kasalpantayanan na, magsalita ya pa i Abel agyamang mete ne.

Hebreo 12:24

Miras kayu kang Jesus a mitatag king bayung kasunduan, at miras kayu king dayang mipisik a mangakung mas mayap a bage maygit ketang daya nang Abel.

Judas 1:11

Makalunus na la uling tikian da ing e mayap nang ugaling Cain; mekiapus la king kamalian nang Balaam uli na ning salapi; at mig-rebeldi lang anti i Core at mete lang antimo ya.