Genesis 4:7 - Ing Mayap a Balita Biblia

⁷ Nung mayap ing gewa mu, sukat kang tumula; nung e mayap, ing kasalanan manaya ya lele mung pasbul; pagnasan na ka, oneng sukat meng sambutan.

Genesis 4:7 Iomraidhean Croise

Genesis 19:21

Sige na pen, ngana, ibie mi ing aduan mu.

Genesis 3:16

Ngana naman king babai, Dagdagan ku ing kasakitan mu king kekang pamanganak; king sakit ibait mu la ding anak mu. Makanyan man pagnasan me pa mu rin ing asawa mu at pailalam ka king upaya na.

2 Samuel 24:23

Babie ku ngan pu yan kekayu, Makamal a Ari. Mananu na sanang tanggapan na ning Ginung kekayung Dios ing kekayung ain.

2 Ari 8:28

Mekisangga ya i Aring Ahazia kang Aring Joram ning Israel inyang lisuban de i Aring Hazael ning Siria. Milaban la king Ramot Gilead at asugat de ring sundalus ning Siria ing Aring Joram.

Job 11:14

Ilako mu ing nanumang e mayap a atyu keka, e mu paintulut ing e ustu kilub ning kekang tuknangan.

Job 11:15

Kanita iyatna meng lupa mung alang dungis; maging panatag ka at alang takut.

Job 29:4

Kanita mabandi ku, at iningat ne ning lugud ning Dios ing pibalebale ku.

Job 42:8

Ngeni, magdala kayung pitung baka at pitung tupang lalaki kang Job, at iyain yu lang ain-sakripisyu para karing sarili yu. Ipanalangin na kayung Job at tanggapan ku ing panalangin na at e ku gawan kekayu itang mangaintulid kekayu. E kayu migsalita king katutuan tungkul kanaku a antimo ing gewa nang Job.

Ding Kasebian 18:5

E ustu ing kampian ya ing mikasala, at pagkaitan yang hustisia ing taung alang pamikasala.

Ding Kasebian 21:27

Kasusumamian na ning Ginu ing babie da ring taung e mayap lalung-lalu na nung ing karelang kapagnasan ating kaimutan.

Jeremias 3:12

Inutus na kung munta kang Israel ban sabian ku, Taksil a Israel, magbalik na ka kanaku. Biasa kung lumunus at e na ku mua; e kabang kaba ing mua ku keka.

Jeremias 6:20

Nanu tang ulaga na ning insenso a darala ra kanaku ibat Seba o ning miyayaliwang pabanglu a ibat king marayung bansa? E ku la tanggapan ding ain da o tumula karing ain-sakripisyu da.

Mikeas 7:18

Ala nang dios a anti keka, O Ginu; patawaran mu la ding kasalanan da ring kekang memalen a mitagan. E manatili kabang-kaba ing mua mu, nune matula mung papakit kekami ing ala mung kupas a lugud.

Malakias 1:10

Sasabian na ning Ginung Mayupaya, Sana isara na la ning metung kekayu ding pasbul ning Templo ban e kayu makapataung alang kwentang api king kanakung altar. E ku tutula kekayu; e ku la tanggapan ding ain a darala yu kanaku.

Malakias 1:13

Ngayung sasabi, Sinawa ta nang darapat kaniti! at lalawan yu ku pang marok a mata. Animal lang penako yu ding kekayung yayain kanaku o kaya animal lang pile o ating sakit. Isipan yu galang ing tanggapan ke kekayu ing makanyan a animal?

Malakias 1:8

Potang magdala kayung bulag o masakit o pile animal ban iyain yu kanaku, isipan yu galang ing ustu ita? Subukan yeng ibie ing makanyan a animal king gobernador! Tumula ya kaya kekayo o dinan na kayu kayang pabor?

Ding Bilang 32:23

Nung e yu tuparan ing sinabi yu, mikasala kayu king Ginu at siguradu kayung mamayad king kasalanan a depat yu.

Ding Dapat 10:35

Ing ninumang taung atin takut king Dios at daraptan na ing matulid, karapatdapat ya arapan na nu ya pa man bansa menibatan.

Roma 12:1

Inya, kapatad ku, king uli na ning maragul nang lunus ning Dios kekatamu, ipakisabi kung mayap kekayu: samban ye king kapamilatan na ning pamiyain yu karing kekayung katawan bilang mabie at banal a ain, tune babie tula king Dios. Iti ya ing tune kapanyamban a kailangan yung iyain keya.

Roma 14:18

At ninuman ing susuyu kang Cristo king anti kanyan a paralan katanggap-tanggap ya king Dios ampon king tau.

Roma 15:16

ngening meging metung kung talasuyu nang Cristo Jesus karing paganu. Susuyu ku bilang pari a manaral king Mayap a Balita a ibat king Dios ban ding paganu maging metung lang ain a karapatdapat matanggap king Dios, miyayain keya king kapamilatan na ning Banal a Espiritu.

Roma 6:12

Inya e na sukat mag-ari ing kasalanan karing katawan yung malalaso, at e yu na sukat panusigan ing e mayap nang pamitan

Roma 6:16

Tune balu yu king neng yayampang yu king aliwa ing kekayung sarili, antimong ipus, pa-ipus kayu king taung kekayung pamintuan: pa-ipus kayu king kasalanan at iti papunta king kamatayan o pa-ipus kayu king Dios at iti papunta naman king pangapatawad da ring kasalanan.

Efeso 1:6

Purian ta ya uli na ning maragul nang grasyang regalu na kekatamu king kapamilatan na ning pakamalan nang Anak!

1 Timoteo 5:4

Nung ing metung a babaing mebalu atin yang anak o apu, ila deti ring kailangan lumingap king karelang makatua bilang ablas karela uling iti kalugud-lugud king Dios.

Hebreo 11:4

Ing kasalpantayanan nang Abel ya ing mekagawa ketang pamanain na king Dios king metung a ain a maygit ketang kang Cain. Inya kilala neng taung katanggap-tanggap ning Dios inyang tinggap na ing ain na. King kapamilatan na ning kasalpantayanan na, magsalita ya pa i Abel agyamang mete ne.

Santiago 1:15

kaybat, ing e mayap nang kapagnasan ibait na ing kasalanan. Ing kasalanan naman magdalang kamatayan.

1 Pedro 2:5

Lumapit kayu king Ginu ban ikayu man, bilang mabie batu, bilugan ye ing metung a pibalebale espiritual anting banal a pari a miyain ain-sakripisyung espiritual a katanggap-tanggap king Dios king kapamilatan nang Jesu-Cristo.