Genesis 4:4 - Ing Mayap a Balita Biblia

⁴ I Abel naman migdala yang metung karing pangane biseru karing tupa na, at inain na ing masanting diling dake. Metula ya ing Ginu kang Abel at king daralan nang ain.

Genesis 4:4 Iomraidhean Croise

Genesis 15:17

Inyang lumbug ne ing aldo at madalumdum na, linto ya ing metung a kalang a bubusuk at ing metung a milalablab a tukil pilatan da ring mepirasung animal.

Genesis 4:3

Dinatang ing aldo at i Cain migdala yang aibie na king Ginu ibat king bunga na ning gabun.

1 Ari 18:24

Kaybat, paburen lang manalangin ding propeta nang Baal king karelang kikilalanan a dios, at aku man manalangin ku king Ginu, at itang dios a makibat king kapamilatan na ning api ya ing Dios. Ngarang mekibat ding memalen, Nayun kami!

1 Ari 18:38

Kanita ya pepatipang api ing Ginu, at silaban na ning api ing ain, ing dutung a panangab, ding batu, ing gabun, at pepalangi na ing danum king paligi.

1 Cronica 21:26

Mitalakad yang altar karin para king Ginu at minain yang ain-a-durulukan ampon ain-ning-pamisulusulu. Menalangin ya at pekibatan ne ning Dios king kapamilatan na ning api a ibat banua ban dulukan na la ring ain-sakripisyu babo ning altar.

2 Cronica 7:1

Inyang ayari na neng Aring Solomon ing panalangin, tinipang ibat banua ing api at silaban na ing ain-a-durulukan at ing aliwa pang ain. At kinatmu ya ing Templo king makasilo nang aslag ning pangayatyu na ning Ginu.

Ding Dalit 20:3

Sablang ain mu tanggapan na la sana, at kekang ain-sakripisyu matula na sanang tanggapan.

Exodo 13:12

sukat yeng iyain king Ginu ing balang pangane anak yung lalaki. Mangaintulid ya naman king Ginu ing balang pangane lalaki karing sese yung animal,

Ding Kasebian 3:9

Parangalan me ing Ginu king pamiyain mu king kekang pibandian at karing mayap diling bunga na ning kekang tamnanan.

Ecclesiastes 4:4

Apansinan ku munaman king pakigisanan na ning tau ing gelingan na king pamagobra, uli na ning karirian ne ing kasiping nang bale. Iti ala munamang kabaldugan; anti kang darakap king angin.

Levitico 9:24

Kabud-abud peparatang yang api ing Ginu, at silaban na ngan niting api ing ain-a-durulukan ampon ding miyayaliwang dake a maki taba a atyu king altar. Inyang ikit da iti mengapakulisak la at migsakab ding tau.

Ding Bilang 16:15

Inya mimua ya i Moises at ngana king Ginu, E yu tatanggapan, Ginu, ing yayain da reting tau. Ala kung kinua metung mang asno karela o diptananan e ustu.

Ding Bilang 16:35

Kaybat, pepauran ne mang api ing Ginu karing aduang dalan limang pulung lalaki at mesilab la ngan kabang duruluk lang insenso.

Ding Bilang 18:12

Babie ku la naman keka ding mumunang pekamasanting a bunga da ring tanaman da ring Israelita a iyain da kanaku balang banua: larung olibo, alak, at pamangan.

Ding Bilang 18:17

E ra la malyaring atbusan salapi ding pangane baka, tupa, at kambing; mitalaga la reti para kanaku at sukat ipisik king altar ing daya ra at dulukan ing taba ra bilang ain-a-pamangan. Babie tula kanaku, ing Ginu, ing bau na niti.

Hebreo 11:4

Ing kasalpantayanan nang Abel ya ing mekagawa ketang pamanain na king Dios king metung a ain a maygit ketang kang Cain. Inya kilala neng taung katanggap-tanggap ning Dios inyang tinggap na ing ain na. King kapamilatan na ning kasalpantayanan na, magsalita ya pa i Abel agyamang mete ne.

Hebreo 9:22

Agpang king Kautusan, halus ing sablang bage malilinis king kapamilatan na ning daya at mipatawaran la ding kasalanan bukud mung king kapamilatan na ning pamitulu ning daya.

Kapahayagan 13:8

Samban de ring sablang mabibie keti king yatu; detang e misulat a lagyu king libru na ning bie bayu ya melalang ing yatu. Ingatan ne ning Korderong pete ra iting libru.

Ukum 6:21

Tigkilan na king punta ning tukud a tatalnan na ning anghel ning Ginu ing karni at ing tinape alang lebadura at kaybat biglang siniklab ing api manibat king batu, at gisan ning api ing karni at ding tinape, at mewala ya king akakit na ing anghel ning Ginu.

1 Samuel 15:22

Nganang Samuel, Isanu wari ing babie tula king Ginu: ding ain at animal a durulukan o ing tupad king kautusan na? Mas mayap ing pamintuan ya kesa king miyain metung a animal; mas mayap ing pakiramdaman ya kesa king taba ding tupang sasakripisyu ra.