Genesis 4:2 - Ing Mayap a Balita Biblia

² Beit ne ing metung pang anak a lalaki. Abel ing lagyu na. Pastul ya i Abel at i Cain naman ortelanu ya.

Genesis 4:2 Iomraidhean Croise

Genesis 3:23

Inya tinabi ne ning Ginung Dios ing tau king Mula ning Eden ban tamnan ne ing gabun a penibatan na.

Genesis 37:13

Nganang Jacob kang Jose, E wari ding kapatad mu magpastul la banda karin Sikem. Puntalan mu la. Pekibat nang Jose, Opu, puntalan ku la!

Genesis 4:1

Sipingnan neng Adan ing asawa nang i Eva at mebuktut ya, at beit ne i Cain. Ngana, Mikayanak kung metung a lalaki king saup na ning Ginu. Inya Cain ing pemalagyu na king anak na.

Genesis 4:3

Dinatang ing aldo at i Cain migdala yang aibie na king Ginu ibat king bunga na ning gabun.

Genesis 47:3

Ngana ning ari karing kapatad nang Jose, Nanu ing kapanintunan yu? Ngarang mekibat king ari, Magpastul ke pung kalupa da ring kekaming pipumpunan.

Genesis 9:20

Ortelanu ya i Noe. Ya ing minunang diling menanaman ubas.

Ding Dalit 127:3

Ding anak regalu lang ibat king Ginu; tune lang bendisyun a binie na.

Exodo 3:1

Misan a aldo, kabang papastulan na lang Moises ding tupa at kambing ning katuangan nang i Jetro, ing pari ning Midian, dela na la ding papastulan na lipat na ning disyerto at miras ya king Horeb, ing bunduk ning Dios.

Amos 7:15

Oneng kinua na ku ning Ginu king obra ku antimong pastul at inutusan na kung lumakad at magsalita king lagyu na para karing memalen na ning Israel.

Lucas 11:50

Inya ding tau ning kapanaunan a iti miparusan la uli na ning pangapate da ring propeta manibat na king pangalalang na ning yatu,

Lucas 11:51

manibat na king pangapaslang nang Abel angga king pangapaslang nang Zacarias a pete ra pilatan ning altar at ning santuaryu ning Templo. Wa, sasabian ku kekayu, ding tau ning panaun a iti miparusan la uli na ngan niti!

Juan 8:44

Ing diablo ya ing tata yu at ing buri nang tata yu ya ing buri yung daptan. Makamate ya manibat na king minuna at kalaban ne ning katutuan uling alang katutuan keya. Neng maglaram ya ing diablo, magsalita ya agpang king sarili nang katutubu, uling malaram ya at ya ing tata na ning kalaraman.

1 Juan 3:10

Kaniti makilala nung ninu ding tune anak na ning Dios at nung ninu ding tune nang anak ning diablo: ing ninumang e darapat matulid at e lulugud king kapatad na e ne anak ning Dios.

1 Juan 3:12

E ta ya sukat pakiapusan i Cain uling tinuki ya king Marawak at pete ne ing kapatad nang i Abel. Obat pete ne? Uling e ya mayap a dapat i Cain; oneng mayap ing dapat ning kapatad na.

1 Juan 3:15

Ing masama king kapatad na, makamate yang tau at balu yu king ing bie alang angga ala yu king makamate tau.