Genesis 4:16 - Ing Mayap a Balita Biblia

¹⁶ Meko ya i Cain king arapan na ning Ginu at menuknangan ya king sakup ning Nod, king dane nang aslagan ning Eden.

Genesis 4:16 Iomraidhean Croise

Genesis 3:8

Inyang damdaman deng lalakad king mulahan ing Ginung Dios king marimla nang dake ning patingapun, sinalikut ya ing lalaki at ing asawa na king Ginung Dios libutad ding tanaman ning mulahan.

Genesis 4:14

Palakuan yu ku king gabun a iti at mabating ku ban e yu na ku akit; maglayas-layas kung alang tuknangan king lupa na ning yatu, at paten na ku ning ninumang manakit kanaku!

Genesis 4:17

Sipingnan neng Cain ing asawa na; mebuktut ya at beit ne i Enoc. Telakad neng Cain ing metung a siudad, at pekilagyu ne iti king anak nang i Enoc.

2 Ari 13:23

Oneng meging malunusan ya at maganaka karela ing Ginu uli na ning kasunduan na kang Abraham, Isaac, at Jacob. E na peintulut ing magisan lang mate, inya sinaupan na la; e na la kelinguan angga ngeni.

2 Ari 24:20

Mimua yang e mu nanu ing Ginu karing memalen na ning Jerusalem at Juda, inya tinabi na la king akakit na.

Job 1:12

Ngana ning Ginu kang Satanas, Nung makanyan, bibili ku king kekang upaya ing heganaganang atyu kang Job; e mia mu panasakitan. Kaybat na nita meko ne king arapan na ning Ginu i Satanas.

Job 2:7

Kaybat na nita meko ne king arapan ning Ginu i Satanas, at pepalto na la kang Job ding bayang mangatdas king mabilug nang katawan, manibat king talampakan na angga na king bumbunan na.

Job 20:17

E na no akit pa ding ilug a agusan ning larung olibo ni ding sapang agusan ning gatas at pulut-panilan.

Ding Dalit 5:11

Oneng ding sablang lalapit keka tumula la, at keka ikanta da kapilan man ing tula ra, at ding sablang malugud keka keka lang ingatan ban magkanta la king tula da.

Ding Dalit 68:2

Nung makananung mipapaid ing asuk, makanyan na la namang ipaid; anting kandilang malalaso king api, makanyan lang malaso ding darapat e mayap king arap na.

Exodo 20:18

Ginalgal la king takut inyang dimdam da ring tau ing duldul, ing tiup na ning trumpeta, at ikit ing kildap ampon ing bunduk a mamasuk, at linaut la king bunduk.

Jeremias 23:39

siguradu ku lang daklutan at ibasibas king marayu, ila at ing siudad a binie ku karing makatua da.

Jeremias 52:3

Mimua ya ing Ginu karing memalen na ning Jerusalem at Juda, inya peintulut na ing mabihag la at miyugse king aliwang bansa. Mig-rebeldi ya i Zedekias laban kang Aring Nebucadenesar ning Babilonia.

Jonas 1:3

Oneng minta ya i Jonas king aliwang lugal ban atakasan ne ing Ginu. Minta ya king Jopa nung nukarin ne disan ing metung a barkung malapit nang mako para munta Tarsis. Binayad na ing pasahi na, at sinake yang kayabe ra ding mamahala king barku ban maglayag munta Tarsis. Isipan nang Jonas king e na ne akit ning Ginu.

Mateo 18:20

Uling nukarin man ating adua o atlu kataung mititipun king lagyu ku, atyu ku libutad da.

Lucas 13:26

At sabian yu, Kesulu mu kaming mengan at mininum at tinuru ka karing balen mi!

Juan 1:10

Atyu ne ing Amanu king yatu, oneng e ne akilala ning yatu agyamang lelangan ne ning Dios ing yatu king kapamilatan na ning Amanu.

Juan 1:3

at king kapamilatan na ning Amanu lelang na ning Dios ing sablang bage; alang nanumang mepalyari king melalang nune mu king kapamilatan na.

1 Tesalonica 1:9

Ila na mismu ding mamalita nung makananu yu keng tinggap. Ila naman ding sinabi nung makananu yung likuan ing pamanyamba karing idolo ban sumuyu king tune at mabie Dios,