Genesis 4:11 - Ing Mayap a Balita Biblia

¹¹ Manibat ngeni makasumpa ka at mitabi ka king gabun a mistulang asbuk a mininum king dayang pepatulu mu king kapatad mu.

Genesis 4:11 Iomraidhean Croise

Genesis 3:14

Kanita ngana ning Ginung Dios king ubingan, King gewa mung yan misumpa ka; karing heganaganang animal ika mung bukud ing misumpang anti kaniti: manibat ngeni gumapang ka king kapamilatan na ning kekang atian at alikabuk ing kekang kanan kabang mabie ka.

Genesis 4:14

Palakuan yu ku king gabun a iti at mabating ku ban e yu na ku akit; maglayas-layas kung alang tuknangan king lupa na ning yatu, at paten na ku ning ninumang manakit kanaku!

Genesis 5:29

at inaus neng Noe. Ngana, Ibat king gabun a binili na ning GINU lalam ning sumpa, ing anak a iti atdanan na katamung kapaynawan king kapagalan tamu at kasakitan.

Job 16:18

E mu tatakpan, O gabun, ing kakung daya! E me buring matatda ing siwala kung maniawad hustisia!

Isaias 26:21

Lawan yu, datang ya ing Ginu ibat king tuknangan na ban parusan na la ding tau keti king yatu uli na ning karelang pamikasala. Ibulalag na naman ning yatu ing daya nang tinulu, at e na na la isalikut ding mete na.

Galacia 3:10

Ding sablang magtiwala king pamamintu king Kautusan mabibie la lalam na ning metung a sumpa. Uling sasabian na ning kasulatan, Makasumpa ya ninumang e mamintu king sablang makasulat king libru na ning Kautusan!

Kapahayagan 12:16

Oneng linigtas ne ning yatu ing babai inyang mibuklat ing gabun a minalduk king danum a pepalual na ning dragon.