Genesis 4:10 - Ing Mayap a Balita Biblia

¹⁰ Kanita ngana ning Ginu, Obat gewa mu ing anti kanyan? Kukulait kanaku ibat king gabun ing daya na ning kapatad mu.

Genesis 4:10 Iomraidhean Croise

Genesis 18:20

Kanita ngana ning Ginu kang Abraham, Tutung dakal ing sumbung laban king Sodoma at Gomorra, at tutung maragul ing karelang kasalanan.

Genesis 3:13

Kanita kitang na ning Ginung Dios king babai, Obat gewa mu ing anti kanyan? Pekibat ning babai, Lininlang na ku ning ubingan, inya mengan ku.

Genesis 9:5

Pakibatan na ning ninuman, animal ya man o tau, nung patuluan na ing daya yu a peka bie yu; pakibatan na ning balang tau ing pamakamate na king kapatad na.

2 Ari 9:26

Napun, ikit ku ing pamakamate kang Nabot at karing anak nang lalaki. At king lugal a iti karin da ka singilan. Inya ibuat me ing bangke nang Joram at iyatsa king marangle nang Nabot ban matupad ing sinabi na ning Ginu.

2 Cronica 28:9

I Oded, ing propeta ning Ginu, atyu kanita karin. Selubungan na la ding sundalus ning Israel a migbalik king Samaria at ngana karela, Migtagumpe kayu karing sundalus ning Juda uling mimua ya karela ing Ginu, oneng pete yu la king mitmung bigsikan at balu na ning Ginu.

Job 16:18

E mu tatakpan, O gabun, ing kakung daya! E me buring matatda ing siwala kung maniawad hustisia!

Job 24:12

Manibat karing siudad ding sugatan at mamamate mamaus la, oneng e na pansin ning Dios ing dalangin da.

Ding Dalit 50:21

Daraptan yu yan, at uling e ku bubulad bala yu king kalupa yu ku. Oneng ngeni paniabianan da kayu ngan ban kakung malinawan maling kekong depatan.

Ding Dalit 72:14

Karing mapanlupig at tampalasan liligtas na la uling ding karelang bie maulaga la king bie na.

Ding Dalit 9:12

E na malyaring kalinguan ing saingsing ding atyu king kasakitan, nune singilan na la ding tampalasan king dayang pepatulu ra.

Ding Dalit 9:13

Malunus ka sa kaku, O Ginu! Lawan mung kasakitan a depat da kaku detang masama kaku; king bingit ning kamatayan damputan mu ku,

Exodo 3:7

Kanita ngana ning Ginu, Ikit ku nung makananu lang mipasakitan ding memalen kung Israelita karin Ehipto; dimdam ku ing saingsing da king gamat da ring babie kasakitan karela at balu ku ing kasakitan a daralanan da.

Isaias 5:7

Ing Israel ya ing mulahan ubas ning Ginung Mayupaya, ding ubas a tenam na ila ding tau ning Juda. Asahan na ing karelang daptan itang makatuliran, oneng ing ikit na patayan! Asahan na karela ing dapat lang kayapan, oneng ing pepasari da kabaligtaran at tangis!

Ding Bilang 35:33

E ye mumusingan ing tuknangan yung lugal. Inya e ye padanakan daya king kapamilatan na ning pamakamate tau, uling mumusingan ne ning pamakamate ing gabun at alang makalinis nung e munaman ing daya na ning pepatulung daya karin.

Ding Dapat 5:3

Nganang Pedro, Ananias, baket peintulutan meng mig-ari i Satanas king pusu mu at ituru na kang maglaram king Banal a Espiritu king pamilingad mu karing meging abli na ning kekang pibandian?

Ding Dapat 5:9

Inya nganang Pedro, Obat aisip yu, ikayung adua ning asawa mu ing paniubukan ye ing Espiritu na ning Ginu? Oyan, pakiramdaman mu ing takbang da ring taung kaybat-ibat pa mung mengutkut king asawa mu; oren malapit na lang lungub king pasbul. Makasadia da na ka namang idalang lumual!

Deuteronomio 21:1

Nung sakaling ating mete tau king marangle na ning gabun a ibie na kekayu ning Ginung kekayung Dios, at alang makibalu nung ninu ing mekamate king tau,

Hebreo 11:4

Ing kasalpantayanan nang Abel ya ing mekagawa ketang pamanain na king Dios king metung a ain a maygit ketang kang Cain. Inya kilala neng taung katanggap-tanggap ning Dios inyang tinggap na ing ain na. King kapamilatan na ning kasalpantayanan na, magsalita ya pa i Abel agyamang mete ne.

Hebreo 12:24

Miras kayu kang Jesus a mitatag king bayung kasunduan, at miras kayu king dayang mipisik a mangakung mas mayap a bage maygit ketang daya nang Abel.

Santiago 5:4

Magsalitang laban kekayu ing upang e yu binie karing taung megobra king kekayung gabun. Susukdul king banua ing saingsing da ring talapagobrang linipit yu; miraras king panamdam na ning Ginung Mayupayang tutu.

Josue 7:19

Nganang Josue kang Acan, Anak ko, sabian mu ing katutuan keni king arap na ning Ginu, ing Dios ning Israel. Sabian mu ngeni kanaku nung nanu ing gewa mu. E mu na sana pagnasan ing ilingad mu pa kanaku.

1 Samuel 13:11

Nanung gewa mu? nganang kinutang Samuel. Nganang mekibat Saul, Inyang akakit kung lalakuan da na ku ding tau at uling e ka dinatang karing aldo a tikda mu at uling makatipun na la ban lumusub ding Filisteo karin king Mikmas,