Biblia Todo Logo
Bìoball air-loidhne

- Sanasan -




Genesis 39:9 - Ing Mayap a Balita Biblia

9 Kasing upaya ku ne king pibalebaleng iti. Ala yang e penibala kanaku subali mu ika uling asawa na ka. Makananu ke mo ngening pagtaksilan kaniting maragul a imoralidad at pamikasala arapan na ning Dios?

Faic an caibideil Dèan lethbhreac




Genesis 39:9
34 Iomraidhean Croise  

Oneng tune lang e mayap ding memalen na ning Sodoma; maragul la kasalanan king Ginu.


Oneng pepakit ya kang Abimelek ing Dios king kapamilatan na ning paninap. Ngana, Abimelek, e lumuat mate ka uling ing babaing kinua mu talasawa ya!


Pekibat na ning Dios king kapamilatan na ning paninap, Wa, balu ku king mayap ing kapagnasan mu inyang gawan mu ita. Ing katutuan na niti aku ing menintun dalan ban e ka mikasala laban kanaku; makanyan kung e pepaintulut ing tagkilan me.


Kaybat pepayaus ne i Abraham at ngana, Lawan mu ing gewa mung iti kekami! Nanu waring agawa ming kasalanan laban keka? Digsu mu na ku mu pepaisubu king kasalanan pati na ing kayarian ku. E mu sukat gewa ita kekami.


Nganang Abraham king pekamatuang diling ipus king pibalebale na a panibalan na king pibandian na, Ibili me ing gamat mu pilatan da ring kanakung puad


Pakisabian ne aldo-aldo ning babai i Jose ban sipingnan ne, oneng e ne penusigan.


Ika ing panibalan ku king bansa at pamintuan da ring sablang memalen ing balang utus mu. Bukud mung aku ing matas a upaya keka.


Karas ning katlung aldo nganang Jose karela, Tau kung atin takut king Dios, oyni ing kekayung gawan ban e ra kayu papate.


Inyang meyari na ing pamagpaldas na, peparakit neng David at dela re king palasyu. Meging asawa neng David at menganak yang metung a lalaki. Oneng e ya matula ing Ginu king depat nang David.


Kanita nganang David kang Natan, Mikasala ku laban king Ginu. Nganang Natan, David, pepatawaran na na ka ning Ginu. E ka mate.


Meging pabayat la karing tau ding mengalabasan a gobernador; migmolestia lang pamangan at alak karing tau subali pa karing apat apulung pirasung pilak a aduan da. Kayabe la pati ding abe ra bale king pamanabusu karing tau. Oneng aku makayaliwa ku ugali karela uling tatakut ku king Dios.


Sinabi ku, Kailangan waring mamulayi ya ing taung anti kanaku at salikut king Templo ban iligtas ne ing bie na? E ku daptan ing anti kanita.


Uli ning takut ku king parusa ning Dios, kapilan man e ku gawan iting bage.


Mikasala ku laban keka; bukud mung keka ku mikasala. Depat ku itang e mayap king arapan mu, inya matulid ing atulan mu ku. Makatuliran ing parusan mu ku.


E kayu makipangalugud.


Makanyan munaman ing mapalyari king lalaking talasawa a sisiping king e na asawa. Ninuman ing makipangalugud miparusan ya.


Ing taung makipangalugud makuyad ya kaisipan. Ing sisiran na ya ing sarili na.


Atuklasan ku munaman king ating mas mapait kesa king kamatayan: ing babai. Ing lugud a babie na mengari yang bitag a dakap keka; ing kaul na mangaring tanikala a mitali keka. Apangilagan ne ning lalaking maki takut king Dios, oneng ali ne ning palpikasala.


Inya ing Ginu mismu sinabi na king itabi na ka. Mate ka bayu ya mapupus iting banua uling inagkat mu la ding tau ban mag-rebeldi lang laban king Ginu.


Darakpan da la ring ninumang manakit karela. Ngarang sasabi ding karelang kalaban, Mikasala la king Ginu, inya ustu ing depat tamu. Menalig la king Ginu ding karelang makatua at sukat la sanang menatiling tapat king Ginu.


Potang makipangatawan ya ing ninumang lalaki king asawa na ning kalupa nang tau, paten ya pati ing babai.


Mikasala ya ing ninuman nung ilingad ne ing bage a penilas da keya o e tinupad king kasunduan o menako ya o kaya migsamantala ya king kalupa nang tau


Nung e yu tuparan ing sinabi yu, mikasala kayu king Ginu at siguradu kayung mamayad king kasalanan a depat yu.


Oneng ing ipus a e makibalu king kaburian na ning panginuan na at darapat karing bage sukat nang ikaparusa, miparusan ya man, mayan mu. Ing ninumang mirinan dakal, dakal ing mayawad keya; at ing ninumang mipagkatiwalan dakal, dakal ing pakibatan na.


Metung ya ing bage mayayawad king taung mamahala: ing maging tapat ya sa.


ni e da la panakawanan. Nune, ipakit dang parati king apagkatiwalan la, at tapat ban king sablang dapat da arinan dang dangal ing aral tungkul king Dios a Talapagligtas tamu.


Igalang da ring sabla ing bie talasawa at manatili la sanang tapat ding talasawa king metung at metung. Uling siguradu na lang parusan ning Dios ding e tapat at ding makipangatawan king e ra asawa.


Ing ninumang anak ning Dios, e na susundu ing pamaniapat kasalanan, uling atin neng bayung bie ibat king Dios. At anti na ning ing Dios ya ing Ibpa na, e na na malyaring isundu ing pamaniapat kasalanan.


Oneng makatakut ing miras karing duag, karing taksil, karing magpasasa king e mayap, karing makamate tau, karing makipangalugud, karing mangkukulam, karing sasambang idolo, at karing sablang malaram. Miyugse la king dagat-dagatan na ning api at asupri; ing kaduang kamatayan.


Oneng malakuan la king lual na ning siudad ding sakim, ding mangkukulam, ding makipangalugud, ding makamate tau, ding sasambang dios-diosan, at ding maburi at magsalita king kalaraman.


Lean sinn:

Sanasan


Sanasan