Genesis 39:10 - Ing Mayap a Balita Biblia

¹⁰ Pakisabian ne aldo-aldo ning babai i Jose ban sipingnan ne, oneng e ne penusigan.

Genesis 39:10 Iomraidhean Croise

Genesis 39:11

Misan a aldo linub ya i Jose king bale ban magobra. Mipaintagun ing alalu ring aliwang ipus kilub ning bale.

Genesis 39:8

Oneng e ya bisa i Jose. Ngana pang mekibat, Kabang atyu ku keti ala neng pigaganakan ing panginuan ku king pibalebale na at penibala na ngan kanaku ing heganagana nang pibandian.

Genesis 39:9

Kasing upaya ku ne king pibalebaleng iti. Ala yang e penibala kanaku subali mu ika uling asawa na ka. Makananu ke mo ngening pagtaksilan kaniting maragul a imoralidad at pamikasala arapan na ning Dios?

Ding Kasebian 1:15

Anak ko, e ka makiabe karing taung anti karen. Dumayu ka karela,

Ding Kasebian 2:16

Akua meng atanggian ing babaing e tapat king asawa na a managkat king kapamilatan ning mayumu nang amanu.

Ding Kasebian 22:14

Anti ya king bitag ing pamakipangalugud; mararakap la karin detang kamuan ning Ginu.

Ding Kasebian 23:27

Ding babaing magtinda king katawan da at ding babaing malantung mengari lang bitag a makamate.

Ding Kasebian 23:28

Anti lang tulisan a manabat keka, at ila ding makapasari king pamagtaksil da ring dakal a lalaki karing asawa ra.

Ding Kasebian 5:3

Kasing yumu no ning pulut-panilan ding labi ning asawa na ning aliwang tau, at ding uma na anti la king larung olibong matalusad,

Ding Kasebian 5:8

Dumayu kayu king makanyan a babai! E ye lalapitan agyang ing lele nang pasbul.

Ding Kasebian 7:13

Tambing neng kinaul iting baintau; inuma ne at linawe neng maratna. Ngana,

Ding Kasebian 7:5

Parehu da kang ilaut karing asawa da ring maki asawa at karing managkat king pamagsalita ra.

Ding Kasebian 9:14

Makalukluk ya king tukuran nang eran o kaya magluklukan ya king matas nang diling lugal ning balen.

Ding Kasebian 9:16

Salangi kayu pa, taung alang balu! Ngana namang magsalita king taung mangmang,

1 Corinto 15:33

E kayu pailinlang: Ding e mayap a kayabe ila ding sisira karing mayap a panugali.

1 Corinto 6:18

E kayu makipangalugud. Ing kasalanan a daraptan na ning tau makalual king katawan na; oneng ing darapat king pamakipangalugud mikakasala ya king mismung sarili nang katawan.

1 Tesalonica 5:22

Dumayu kayu king sablang anyu na ning marawak.

1 Timoteo 5:14

Inya nung akung kutnan mu, mayap pa ing makiasawa lang pasibayu, mikayanak la, at pamahalan de ing sarili dang pibalebale ban e la mirinan dalan ding kekatamung kalaban para magsalitang kapanyiran laban kekatamu.

2 Timoteo 2:22

Pangilagan mu ing marawak nang pita ning kayanakan. Pagpilitan mung maging matulid, tapat, malugud, payapa at abe da ring taung ating malinis a pusu at mamaus king Ginu.

1 Pedro 2:11

Kakaluguran, ausan da kayu kapanandaman, bilang dayuan a makayugse king aliwang balen. E kayu manusig karing buri na ning katawan yu, uling parati la deting lalaban king kekayung kaladua.