Genesis 32:9 - Ing Mayap a Balita Biblia

⁹ Kanita nganang menalangin Jacob, O Dios nang Abraham, Dios nang Isaac a tata ku! Sinabi yu kanaku, Ginu, king mibalik na ku king balen kung tibuan at e yu ku paburen!

Genesis 32:9 Iomraidhean Croise

Genesis 17:7

Tuparan ke iting kasunduan ku keka at pati na karing maging lahi mu king daratang a panaun. Ala yang kawakasan iting kasunduan: maging Dios mu ku at maging Dios da ku munaman ding maging lahi a salisi keka.

Genesis 28:13

Atyu ing Ginu makatalakad siping na. Ngana, Aku, ing Ginu, ing Dios ning pipumpunan mung i Abraham at Dios nang Isaac. Ibie ke keka ing gabun a pagkeran mu at pati na karing kekang maging lahi.

Genesis 28:15

Tandanan mung kayabe mu ku; ingatan da ka nukarin ka man munta at ibalik da ka king gabun a iti. E ra ka lakuan angga king atuparan ku ing pengaku ku keka.

Genesis 31:13

Aku ing Dios a pepakit keka karin king Betel nung nu me telaga at linian ing metung a batu. Karin sinumpa ka kanaku. Inya lumakad na ka at lakuan me ing lugal a iti at mibalik ka king lugal a tibuan mu.

Genesis 31:29

Malyari da kang panasakitan, oneng nabengi ngana kanaku ning Dios nang tata mu, E me nananan balang i Jacob!

Genesis 31:3

Kanita ngana ning Ginu kang Jacob, Magbalik na ka king tuknangan da ring kekang makatua at kamaganak at antabayanan da ka!

Genesis 31:42

Nung e na ku mu inantabayanan ning Dios ding makatua ku, ing Dios nang Abraham at itang Dios a pitakutan nang Isaac, pepalakuan yu ku sanang alang daralan. Pero ikit na ning Dios ing makalunus kung kabilian at ing kanakung kapagalan, at nabengi ya na ing minie kayatulan.

Genesis 31:53

Ing Dios nang Abraham at ing Dios nang Nahor, ing Dios da ring karelang pipumpunan, ilang matul kekatamu! Sinumpa ya i Jacob king lagyu na ning Dios a tune nang katakutan Isaac a tata na king tuparan na ing kasunduan da.

Genesis 32:8

Inisip na nung sakaling dasnan neng Esau ing metung kareting grupu at salakayan ne, makatakas ya ing kadua.

Genesis 49:25

Dios ning kekang tata, datang ya sa ban sumaup keka, bendisyunan na ka sa ning Dios a Mayupaya karing bendisyun a ibat king matas a banua, bendisyun a ibat king kalalalaman, bendisyun a ibat karing salu at sepupunan.

2 Cronica 20:12

O Dios, parusan yo sana; ala kaming talagang akarapat king maragul a grupu dang sundalus. E mi balu ing gawan mi, oneng makalawe la keka ding mata mi.

2 Cronica 20:6

Kaybat nganang menalangin masikan, O Ginung Dios da ring makatua mi, aliwa wari ika ing Dios a atyu banua? Ika ing mamahala karing sablang kayarian na ning yatu. Atyu keka ing upaya at ing sikanan at ala metung man a makalaban keka.

2 Cronica 32:20

Inya menalangin ya i Aring Hezekia at i Isaias a propeta a anak nang Amoz at meniawad lang saup king Dios.

Ding Dalit 50:15

King oras ning kekong kaguluan maus kayu kaku; iligtas da kayu at parangalan yu ku.

Ding Dalit 91:15

Potang maus la kaku kaku lang pakibatan; kaku lang saupan king karelang kagutgutan; kaku lang iligtas at parangalan.

Exodo 3:6

Aku ing Dios ding makatua mu, ing Dios nang Abraham, Isaac, at Jacob. Tikpan neng Moises ing lupa na uling tatakut neng lawan ing Dios.

Jeremias 32:16

Kaybat keng aibie ing kasulatan na ning pamisaliwanan kang Baruk, menalangin ku.

1 Samuel 30:6

Meligalig yang e mu nanu i David; buri deng pamasibasan batu ding tauan na uling tutu rang penamdaman ing pangabihag da ring karelang anak a lalaki at babai. Oneng pesiknangan ne ning Ginung Dios na.