Genesis 32:5 - Ing Mayap a Balita Biblia

⁵ king mika dakal yang sese baka, asno, tupa, at ipus a lalaki ampon babai. Pasabi na kekayu king magnasa yang maging katanggap-tanggap king arapan yu.

Genesis 32:5 Iomraidhean Croise

Genesis 30:43

Makanyan yang mibandi i Jacob; merakal la ding kawan na at merakal la naman ding ipus nang lalaki at babai, kamelyu, at asno.

Genesis 31:16

Mangaintulid kekami at karing anak mi ing pibandian a leko na ning Dios kang tata mi. Sulung, daptan mu ing sinabi na keka ning Dios.

Genesis 31:3

Kanita ngana ning Ginu kang Jacob, Magbalik na ka king tuknangan da ring kekang makatua at kamaganak at antabayanan da ka!

Genesis 33:11

Tanggapan mu na sana iting babie ku keka anti na ning dininan na ku ning Dios king heganaganang kailangan ku at dakal na ku pibandian. Pemilit ne angga king mebisa ya.

Genesis 33:15

Kanita nganang Esau, Lakuan ku la keka ding mapilan a kataung kayabe ku. Nganang Jacob, E na kailangan. Labis-labis na ing ganaka mu kanaku!

Genesis 33:8

Kanita kitang nang Esau, Para nanu no man ding grupung asaganan ku? Nganang mekibat Jacob, Regalu ku la keka ban milako ing mua mu kanaku.

Genesis 47:25

Segip mu ke bie, ngarang mekibat. Pasalamat kami kekayu at matula kaming maging ipus na ning ari.

2 Samuel 16:4

Kanita ngana ning ari, Ziba, manibat ngeni keka na ing sablang pibandian nang Mefiboset. Nganang Ziba, Atyu ku pu lalam yung upaya. Mananu na sanang maging karapatdapat ku king kekayung panimanman, O Makamal a Ari.

Job 6:22

Meniawad ku waring regalu kekayu o pasuhul ku wari kekayu?

Lucas 12:45

Nung ing ipus a ita sabian na king sarili na, E ya agad datang ing kanakung panginuan, at pagumpisan na na lang panasakitan ding aliwang ipus a lalaki at babai at mangan ya at minum at maglasing.

Ruth 2:2

Misan a aldo nganang Ruth, ing tau Moab, king katuangan nang i Naomi, Paintulutan mu ku sanang munta king marangle ban mamulut tinalage sebada a alakuan da ring papalut. Karin ku ketang ninumang munie kapaintulutan mamulut ku. Pekibat nang Naomi, Wa, anak.

1 Samuel 1:18

Pasalamatan ku pu ing ganaka yu kanaku, nganang Ana. Kaybat minuli ne. Mengan ya at mayan ne panamdaman.