Genesis 32:4 - Ing Mayap a Balita Biblia

⁴ Penabilinan na la. Ngana, Sabian yu king kapatad kung i Esau ing anti kaniti: Pasabi na ning kapatad yung i Jacob king menatili yang kayabe na ning bapa yung i Laban angga ngeni;

Genesis 32:4 Iomraidhean Croise

Genesis 23:6

Oyni ing asabi mi keka, makamal a Abraham. Metung kang taung pinili na ning Dios libutad mi. E ka mikakunung ikutkut me ing mete mu king masanting dili karing pikutkutan mi. Ibie ne ning ninuman kekami ing sarili nang pikutkutan ban akutkut me ing kekang mete asawa.

Genesis 27:29

Suyuan da ka sana ding tau, at dukuan da ka sa ring bansa. Panginuan da ka ring kapatad mu, at dukuan da ka ring anak nang ima mu. Misumpa la sana ring maniumpa keka, at mibendisyunan la ring magbendisyun keka.

Genesis 27:37

Pekibat nang Isaac, Gewa ku neng panginuan mu at gewa ku na lang ipus na ding kamaganak na, at dininan keng trigu at alak. Ngeni ala na kung agawa para keka.

Genesis 31:41

Makanyan ing delanan ku kilub ding aduang pulung banuang sinuyu ku kekayu. Labing apat kung banuang sinuyu kekayu ban ayasawa ku la ding adua yung anak at anam a banua para karing kekayung kawan. Makanyan man apulu yung besis inalilan ing upa ku.

Genesis 32:18

ipakibat mu, Kang Jacob la a kekayung talasuyu; papabie na la kekayu. Katuki mi ya.

Genesis 32:5

king mika dakal yang sese baka, asno, tupa, at ipus a lalaki ampon babai. Pasabi na kekayu king magnasa yang maging katanggap-tanggap king arapan yu.

Genesis 33:14

Muna na ka at tuki ku kagulutan mu. Mabagal kung lumakad; antabayanan ku la ring bakang atyu arapan ku at ding anak. Mikit ta na mu karin Seir.

Genesis 33:8

Kanita kitang nang Esau, Para nanu no man ding grupung asaganan ku? Nganang mekibat Jacob, Regalu ku la keka ban milako ing mua mu kanaku.

Genesis 36:8

Makanyan yang miras i Esau king lugal a mabunduk na ning Seir. I Esau ya naman i Edom.

Genesis 36:9

Oreti ding anak nang Esau a pipumpunan da ring Edomita karin king bunduk-bundukan nang lugal ning Seir:

Genesis 4:7

Nung mayap ing gewa mu, sukat kang tumula; nung e mayap, ing kasalanan manaya ya lele mung pasbul; pagnasan na ka, oneng sukat meng sambutan.

1 Ari 20:32

Inya migbabat lang saku karing karelang awakan at mitaling lubid karing buntuk da; pintalan de ing ari ning Israel at ngara, Makamal a Ari, pakisabi nang mayap kekayu ning talasuyu yung i Benhadad king e ye sana papate. Ngana ning Aring Ahab, Mabie ya pa? Mengari kaming mikapatad Benhadad.

Exodo 32:22

Nganang mekibat Aaron, E ka sa mimimua kanaku, ika mismu balu mu king makayungyung la king e ustu ding taung deti.

Ding Kasebian 15:1

Ing malambut a pakibat tatabi na ing mua; ing masias a pakibat palablaban na.

Ding Kasebian 25:15

Ing pamanagkat mitmung kapibabatan malyari neng apatangu itang atyu king matas a katungkulan at pati na ding masias a buntuk.

Ding Kasebian 6:3

Nung makanyan, anak, makapailalam ka king upaya na ning taung ita. Oyni ing kekang daptan ba kang makapagkalag: agad meng puntalan at makisabi kang mayap.

Ecclesiastes 10:4

Nung mimua ya ing mamuntukan keka, e mu lalakuan ing kekang obra; agyang ing maragul a kakulangan malyaring mipatawaran nung e na ka bubulad.

Isaias 21:11

Iti ing mensahi tungkul king Edom. Ating metung a mamaus kanaku ibat king Edom. Ngana, Guardia, pilan ya pang oras ing madalumdum a bengi? Sabian mu kanaku nung nu ya pa anti kaluat.

Lucas 14:11

Uling ing ninumang magmatas mibaba ya, at ing ninumang magpakumbaba mitas ya.

1 Pedro 3:6

Makanyan ya i Sarah; meging mapamintu ya kang Abraham at ing aus na king asawa na, Ing ginu ku. Ikayu ngeni ding anak na, nung manatili kayung tutuntun king mayap a pamibiebie, at ala kayung pitatakutan nanuman.

Ukum 5:4

Ginu, inyang likuan me ing bunduk ning Seir, inyang lakuan me ing sakup ning Edom, ginalgal ya ing yatu at ing uran mibagsak manibat king banua. Wa, manibat karing biga menabu ing uran.

1 Samuel 26:17

Akilala neng Saul ing siwala nang David. Inya ngana, Ika pin yan, O anak kung David? Pekibat nang David, Aku pin pu, Makamal kung Ari.