Genesis 32:3 - Ing Mayap a Balita Biblia

³ Pepapuntan na lang Jacob ding tubud na kang Esau king Seir a sakup ning Edom.

Genesis 32:3 Iomraidhean Croise

Genesis 14:6

ding Horiteo king mabunduk a lugal ning Seir angga king Elparan a malapit king disyerto.

Genesis 32:11

Iligtas yu ku sana kang Esau a kapatad ku. Tatakut ku pota karatang na pamaten na kami at pati na ding ima ampon ding anak da.

Genesis 32:7

Mitakutan yang e mu nanu i Jacob. Inya gewa na lang aduang grupu ding taung kayabe na, antimu rin ding tupa na, kambing, baka, at ding kamelyu.

Genesis 33:14

Muna na ka at tuki ku kagulutan mu. Mabagal kung lumakad; antabayanan ku la ring bakang atyu arapan ku at ding anak. Mikit ta na mu karin Seir.

Genesis 33:16

Kanita mu ring aldong ita tiglus nang Esau ing pamagbalik na Seir.

2 Samuel 2:8

I Abner a anak nang Ner, ing matas diling opisyal da ring sundalus nang Saul, tinakas yang kayabe nang Isboset a anak nang Saul. Lipatan de ing Jordan at minta la king Mahanaim.

2 Ari 6:17

Kanita nganang menalangin Eliseo, O Ginu, ibuklat mu la ding mata na ban akit na. At biklat ne mata ning Ginu ing kasaup nang Eliseo. Inyang lumawe ya, ikit ne ing bulubundukan a mitmung kabayu at karwaheng api king paligid nang Eliseo.

1 Cronica 12:23

Oyni ing bilang da ring sundalus a minta kang David king Hebron ban ilipat da ing panga-ari nang Saul, agpang king pengaku ning Ginu:

Ing Malagung Diling Kanta 7:1

Tune lang malagung lalawan ding kekang bitis neng makasulud lang sandalyas. Ing ubug da ring kekang puad anti lang alahas a seria nang gewa ning magaling a pangamat.

Isaias 21:11

Iti ing mensahi tungkul king Edom. Ating metung a mamaus kanaku ibat king Edom. Ngana, Guardia, pilan ya pang oras ing madalumdum a bengi? Sabian mu kanaku nung nu ya pa anti kaluat.

Jeremias 49:7

Oyni ing sinabi na ning Ginung Mayupaya tungkul king Edom: Milako na la wari beluan ding tau na ning Edom? E na la wari makaibie payu ding karelang tagapayu tungkul king karelang daptan? Mewala na ngan wari ing karelang kabiasnan?

Malakias 3:1

Nganang mekibat ning Ginung Mayupaya, Iparala ke ing kanakung tubud ban isadia ne ing dalan para kanaku. At bigla yang datang king Templo na ing Ginung kekayung panintunan. Datang ya ing tubud a buri yung akit at sabian ne ing kakung kasunduan.

Ding Bilang 24:18

Bihagan ne ing kalaban nang i Edom, ing Seir antimu rin. Ing Israel darapat ya king katapangan.

Lucas 9:52

Pepadala yang tubud a makauna keya at minta la deti king metung a baryu ning Samaria at sidia ra ing sabla para keya.

Deuteronomio 1:2

Angga yang labing metung a aldo lakaran manibat king Horeb angga Kades Barnea, nung dumalan ka karing bulubundukan nang balen ning Seir.)

Deuteronomio 2:22

Makanyan munaman ing depat na ning Ginu karing anak nang Esau a manuknangan king Seir; gisan na lang pete ding taung ausan dang Horiteo at ding anak nang Esau ilang sinakup at menuknangan karin angga ngeni.

Deuteronomio 2:5

E yu la sana papatulan uling e ku naman ibie kekayu ing gabun da. Ala kung dinan agyang kapirasu mu king tatalpakan da, uling binie ku ne kang Esau ing Bunduk ning Seir bilang bandi na.

Josue 13:30

Miraras ya ing gabun a tinggap da king Mahanaim, at kayabe ya ing kabilugan na ning Bashan, ing kabilugan na ning kayarian nang Og, ing ari ning Bashan, antimu rin ding anam apulung baryu na ning Jair king Bashan.

Josue 24:4

at binie ke kang Isaac i Jacob at Esau. Binie ke kang Esau ing bulubundukan ning Edom bilang bandi na, pero ing makatua yung i Jacob at ding anak na dinulung la Ehipto.