Genesis 32:12 - Ing Mayap a Balita Biblia

¹² Ngayung mengaku kanaku: E ra ka paburen at parakalan ku la ring maging lahi mu, maging kasing dakal da la ring balas na ning dagat a e abilang-bilang.

Genesis 32:12 Iomraidhean Croise

Genesis 22:17

pangaku kung bendisyunan da kang e makanyan-kanyan at parakalan ku la ding lahi mu. Maging kasing dakal da la ring batuin na ning banua at balas king pampang ning dagat. Sakupan da la ring siudad da ring karelang kalaban.

Genesis 32:6

Mibalik la ding tiburan nang Jacob at ngara, Pintalan mi ya i Esau a kapatad yu; ya mismu kanu ing sagana kekayu. Atin yang kayabe; apat lang dalan a katau.

1 Ari 4:20

Mengari lang balas king pampang ning dagat ding memalen ning Israel at Juda uli na ning keraklan da. Labis-labis ing karelang kabiayan at masaya la.

Exodo 32:13

Ganakan mu la ding talasuyu mung di Abraham, Isaac, at Jacob. Ganakan mu itang masusing pangakung binie mu karela king dinan mu lang lahing kasing dakal da ring batuin king banua, at king babie mu karing lahi da ing sablang gabun a pengaku mung pabandi karela king kapilan pa man.

Hosea 1:10

Maging anti la king balas ning dagat ding memalen na ning Israel; e la malyaring bilangan o sukdan man. Ngeni sasabian na ning Dios karela, E ra na kayu memalen, oneng datang ya ing aldo a sabian na karela, Ikayu ding anak na ning Dios a mabie!

Ding Bilang 23:19

E ne kalupa ning tau ing Dios, uling ing tau maglaram ya at pabayubayu kaisipan. Itang sasabian ning Dios daraptan na, at ing pengaku na tutuparan na.

Mateo 24:35

Ing banua at ing yatu lumipas la, oneng manatili la ding amanu ku.

2 Timoteo 2:13

Nung e tamu tune tapat, ya manatili yang tapat, uling e na atanggian ing sarili na.

Tito 1:2

a makatalakad king pamanaya king bie alang angga. E ya malyaring maglaram ing Dios; pengaku na kekatamu iting bie kanita pang bayu ya megumpisa ing meto ketawan.

Hebreo 11:12

Uli na niti, king metung mung tau, agyamang iti halus mete nia mu, karin la linto ding dakal a lahi a kasing dakal da ring batuin king banua at e mabilang-bilang antimo ing balas king pasigan.

Hebreo 6:17

Makanyan munaman, digdag ne ning Dios ing metung a sumpa king pangaku na ba nang pakilala karing pengakuanan na king e na alilan kapilan man ing king lub na.

1 Samuel 15:29

E ya maglaram o magbayu isip ing Dios ning Israel uling e ne man tau a kailangan magbayu isip.