Genesis 32:10 - Ing Mayap a Balita Biblia

¹⁰ E ku karapatdapat king heganaganang binie yu at katapatan yu kanaku. Lipatan ke ing Ilug ning Jordan agyamang tukud ya mu kabud ing darala ku. Ngeni, king pamagbalik ku adua lang grupu ding kayabe ku.

Genesis 32:10 Iomraidhean Croise

Genesis 18:27

Migsalita yang pasibayu i Abraham, Mangangas kung magsalitang pasibayu kekayu a Ginu ku. Alikabuk ku mu at abu.

Genesis 24:12

Menalangin ya ing ipus. Ngana, O Ginu a Dios ning panginuan kung i Abraham, paintulut yu sanang magtagumpe ing lakad ku at pakit yung kaluguran ye ing panginuan kung i Abraham.

Genesis 24:27

at ngana, Purian ya ing Ginu, ing Dios nang Abraham a panginuan ku. E na kelinguan ing pangaku na nune tiparan na. Tinaid na ku at selangi ning Ginu king bale da ring kamaganak na ning panginuan ku.

Genesis 28:13

Atyu ing Ginu makatalakad siping na. Ngana, Aku, ing Ginu, ing Dios ning pipumpunan mung i Abraham at Dios nang Isaac. Ibie ke keka ing gabun a pagkeran mu at pati na karing kekang maging lahi.

Genesis 28:15

Tandanan mung kayabe mu ku; ingatan da ka nukarin ka man munta at ibalik da ka king gabun a iti. E ra ka lakuan angga king atuparan ku ing pengaku ku keka.

Genesis 30:43

Makanyan yang mibandi i Jacob; merakal la ding kawan na at merakal la naman ding ipus nang lalaki at babai, kamelyu, at asno.

Genesis 31:3

Kanita ngana ning Ginu kang Jacob, Magbalik na ka king tuknangan da ring kekang makatua at kamaganak at antabayanan da ka!

Genesis 32:5

king mika dakal yang sese baka, asno, tupa, at ipus a lalaki ampon babai. Pasabi na kekayu king magnasa yang maging katanggap-tanggap king arapan yu.

Genesis 32:7

Mitakutan yang e mu nanu i Jacob. Inya gewa na lang aduang grupu ding taung kayabe na, antimu rin ding tupa na, kambing, baka, at ding kamelyu.

2 Samuel 17:24

Miras ne Mahanaim i David inyang lilipatan neng Absalom at ding tauan nang Israelita ing Jordan.

2 Samuel 7:18

Kanita linub ya i Aring David king Toldang tuknangan ning Ginu at linukluk ya. Kaybat nganang migsalita, O Ginung Dios, ninu mo aku at ing pamilya ku ban pagmalasakitan mu?

Job 17:9

Detang sasabian da ing makatuliran la daragul nang daragul ing kapaniwalan da king ila makanyan la.

Job 8:7

Agyang kalulu mu ing kekang penibatan ding tauli mung aldo maging mabandi no man.

Ding Dalit 16:2

King Dios kakung sabian, Ika ing kakung bukud panginuan; nanumang mayap a atyu kaku binie mu.

Ding Dalit 18:35

King kekang kalasag iningat mu ku't linigtas; iningat mu ku, at gewa mu kung marangal.

Ding Dalit 61:7

King kekang arapan mamuntukan ya sana kapilan man; ing kekang pakamal at katapatan ila sa ding maging peka-guardia na.

Ding Dalit 8:5

Makanyan man, lelangan meng halus kapante mu; pitungan meng kamalan at ligaya.

Ding Dalit 84:7

Kabang susulung la, lalu lang sisikan; ing Dios da ring dios karela yang tangalan karin king kabundukan ning Zion.

Ding Dalit 85:10

Misagana ing alang kupas a lugud at katapatan; mikaul naman ing katuliran at kapayapan.

Ding Kasebian 4:18

Oneng mengari ya ing dalan na ning taung matulid king aldo a saslag; lalu yang maslag neng aldo tapat.

Isaias 6:5

Kanita sinabi ku, Ala na kung kapanayan! Makalunus ku uling makasalanan la ding labi ku, at uling manuknangan ku libutad ding taung marinat a labi. Ngeni, ikit ke karing sarili kung mata ing Ari, ing Ginung Mayupaya!

Isaias 63:7

Isalita ku ing e kukupas nang lugud ning Ginu, purian ke king sablang depat na kekatamu. Lubus na lang binendisyunan ding memalen ning Israel, uli na ning lunus at lugud nang alang kupas.

Mikeas 7:20

Ipakit mu ing katapatan mu at ing ala mung kupas a lugud karing kekang memalen, ding lahi nang Abraham at Jacob, antimo ing pengaku mu kanitang minunang panaun karing makatua mi.

Lucas 17:10

Makanyan munaman kekayu; nung arapat yu na ing sablang inutus da kekayu, sabian yu, Mistula kami mung ipus; tinupad kami mu king kekaming katungkulan.

Lucas 5:8

Inyang ikit nang Simon Pedro iting mepalyari, siniklaud ya arap nang Jesus at ngana, Dumayu ka kanaku, Ginu, uling tau kung palpikasala!

2 Corinto 12:11

Balamu mu mangmang kung maniabi; oneng mepilit ku king uli yu. Ikayu sana ing kailangan muri kanaku. Agyamang ala kung kabaldugan, e na ku man mitauli karing mangagaling a apostol a ren.

Deuteronomio 8:18

E ye kakalinguan ing Ginung kekayung Dios. Ya ing panibatan na ning upaya ban mibandi kayu, ban patunayan na ing katapatan na manibat na kanita angga na ngeni, ketang pengaku na karing makatua yu.

1 Pedro 5:5

At ikayung kayanakan a lalaki, pailalam kayu upaya karing makatua. Ikayu ngan sabla isulud yu ing kababan lub ba kayung misusuyuanan, uling sasabian na ning Kasulatan, Kasaman na la ning Dios ding palalu, oneng papakit yang ganaka karing mababa lub.