Genesis 3:8 - Ing Mayap a Balita Biblia

⁸ Inyang damdaman deng lalakad king mulahan ing Ginung Dios king marimla nang dake ning patingapun, sinalikut ya ing lalaki at ing asawa na king Ginung Dios libutad ding tanaman ning mulahan.

Genesis 3:8 Iomraidhean Croise

Genesis 18:33

Meko ya ing Ginu kaybat nang meyaring mekipagsalita kang Abraham, at minuli ne man i Abraham.

Genesis 3:10

Pekibat na, Dimdam da kayu king mulahan, oneng tatakut ku uling lubas ku. Inya sinalikut ku.

Job 22:14

Isipan mu king ing makapal a biga tatakpan na la ding mata na, kabang maglakad ya king suklub ning banua.

Job 31:33

Ding aliwang lalaki sasalikut da ing karelang kasalanan, oneng ing kaku kapilan man ali ku.

Job 38:1

Kanita busal ning bagyu, migsalita ya ing Ginu kang Job. Ngana:

Ding Kasebian 15:3

Akakit na ning Ginu ing sablang malilyari nukarin man; lalawan na la ding taung darapat e mayap o mayap.

Jeremias 23:24

Ala metung mang taung makasalikut king lugal a e ku mo sana akit. E yu wari balu king atyu ku nukarin mang lugal karin banua at keti king yatu?

Hosea 10:8

Masira la ding pisasamban dang idolo karing babo da ring bunduk-bundukan ning Aven. Tumubu ing suksuk at dikut karing karelang altar. Ikulait da ring tau karing bunduk, Isalikut yu kami! at karing bunduk-bundukan sabian da, Tambunan yu kami!

Levitico 26:12

Akayabe yu ku king pamibiebie yu. Aku ing maging Dios yu at ikayu ding maging memalen ku.

Jonas 1:3

Oneng minta ya i Jonas king aliwang lugal ban atakasan ne ing Ginu. Minta ya king Jopa nung nukarin ne disan ing metung a barkung malapit nang mako para munta Tarsis. Binayad na ing pasahi na, at sinake yang kayabe ra ding mamahala king barku ban maglayag munta Tarsis. Isipan nang Jonas king e na ne akit ning Ginu.

Roma 2:15

Pakilala na ning karelang panugali king makasulat ya ing Kautusan karing pusu ra. Ing karela munamang konsiensia ya ing patutu kaniti uling maralas na lang liligaligan ning karelang konsiensia, at neng misan pamayapan na ning karelang konsiensia ing dapat da.

Deuteronomio 23:14

Uling lilibut ya king kampu yu ing Ginung kekayung Dios ban ingatan na kayu at dinan tagumpe karing kalaban yu. Inya kailangan yang malinis ing lugal yu ban ala yang akit nanumang dinat at ban e na kayu painggulutan.

Deuteronomio 4:33

Atin na waring taung antimo kekayu a mekaramdam king siwala na ning metung a dios a manibatan libutad ning api at kaybat e ya mete?

Deuteronomio 5:25

Obat panayan tamu pa mung mangamate tamu? Pamaten na katamu niting maragul a api kabud migsalita yang pasibayu kekatamu ing Ginung kekatamung Dios.

Hebreo 4:13

Ala kang asalikut nanuman king Dios. Ing sablang melalang makabuklat at makalantad king panimanman na at king Dios tamu munie kwenta tungkul king kekatamung sarili.

Kapahayagan 6:15

Sinalikut la karing kueba at karing siwang da ring batu at bunduk ding sablang ari na ning yatu, ding lalaking marangal, ding heneral, ding mabandi, ding mayupaya, ding sablang tau, ding ipus o malaya.