Genesis 3:5 - Ing Mayap a Balita Biblia

⁵ Balu na ning Dios king kabud mangan kayu maging anti kayung Dios at mibuklat kayu mata, at abalu yu ing mayap at ing e mayap.

Genesis 3:5 Iomraidhean Croise

Genesis 2:17

subali mu ing tanaman na ning beluan tungkul king mayap at e mayap. E ka mamangan king bunga na ning tanaman a ita. Mate ka kabud mengan ka king bunga na.

Genesis 2:9

Pepatubuan na la ning Ginung Dios king gabun ding miyayaliwang tanaman a makayamang lalawan at maniaman kakanan at ing tanaman ning bie a atyu libutad na ning mulahan, at ing tanaman ning beluan tungkul king mayap at e mayap.

Genesis 3:10

Pekibat na, Dimdam da kayu king mulahan, oneng tatakut ku uling lubas ku. Inya sinalikut ku.

Genesis 3:22

Kanita ngana ning Ginung Dios, Oyni ing tau; meging kalupa ta ne. Balu na na ing mayap at ing e mayap. Inya e ya sukat mipaintulutan kumang bunga king tanaman na ning bie at mangan kaniti at e mate kapilan man.

Genesis 3:7

Kanita mu rin mibuklat la mata at ikit da ing lubas la. Inya pitungi da la ring bulung higera ban takpan ing sarili da.

1 Ari 22:6

Inya pepayaus na lang Aring Ahab ding apat a ralan a propeta at nganang mengutang karela, Kailangan kung lumusub king Ramot ning Gilead o ali? Ngarang mekibat ding propeta, Lumusub ka, uling papagtagumpen na ka ning Ginu.

2 Cronica 32:15

Inya e kayu paipirait kang Hezekia, antimo ing gagawan na ngeni kekayu. E kayu maniwala keting tau uling alang dios ning ninumang bansa o kayarian ing malyaring makapagligtas karing tauan na karing gamat ku o karing makatua ku. Lalu na kayung e aligtas king gamat ku ning dios yu!

Ding Dalit 12:4

detang sasabing atyu king dila ing karelang sikanan, at alang makabawal karela, at ala lang giginuan.

Exodo 20:7

E ye gagamitan ing lagyu ku king e mayap a kapagnasan, uling aku, ing Ginung kekayung Dios, parusan ke ing ninumang gagamit e ustu king lagyu ku.

Exodo 5:2

Ngana karela ning ari, Ninu wari ing Ginung yan? Ba't mo kailangan keng pakiramdaman at paintulutan mako ding Israelita? E ke kakilala yang Ginung sasabian yu at e ku la malyaring paintulutan mako ding Israelita.

Isaias 14:14

Sinabi mu king ukiatan mu la ding matas a biga at mangari ka king Mayupaya.

Ezekiel 13:22

King kapamilatan da ring kekayung kalaraman sisiran yu la lub ding taung mayap a e ku buring manasakit. Sasabatan yu la ding taung e mayap king kapagnasan dang magbayung bie at iligtas ing bie ra.

Ezekiel 28:12

Ngana, Anak ning tau, manangis ka para king daratang a mapalyari king ari ning Tiro. Sabian mu king aku, ing Ginung Dios, sasabian ku: Kanitang misan a panaun pialimbawanan ka king pangasakdal. Kabiasnan mo at kasanting mung lalaki kanita!

Ezekiel 28:2

Anak ning tau, aku ing Ginung Dios, sabian mu king pamuntuk ning Tiro king sasabian ku ing anti kaniti: Milalu na ing kekang pamagmatas; sasabian mu king metung kang dios. Sasabian mu king bilang dios makalukluk ka king tronu a mipadurutnan king malalam a danuman. Magkunwari kang metung a dios. E ka dios uling tune kang tau; ala kang kadiosan.

Ezekiel 28:9

Potang datang la keka ban paten da ka, asabi mu pa kaya king ika metung kang dios? Potang arapan mu na la ding makamate keka, akilala mu king atin kang kamatayan at alang bitasang kadiosan.

Ezekiel 29:3

Sabian mu ing sasabian na ning Ginung Dios king ari na ning Ehipto: Aku ing kekang kalaban, ikang maragul a dapu a makababad king ilug. Sasabian mu king ing Ilug ning Nilo bandi me at ika ing ginawa kaniti.

Daniel 4:30

ngana, Karagul na pin pa la ning siudad ning Babilonia! Telakad ke bilang kanakung sentrung siudad ban ipakit ku ing kanakung upaya at sikanan, ing kanakung ligaya, at kamalan.

Daniel 6:7

Ikaming mamahala king kekayung kayarian, ding talapanibala, ding gobernador, ding tagapayu, at ding aliwa pang pamuntuk pikayari mi king sana ing Kekayung Kamalan palual yang metung a kautusan at patupad yeng mitmung kaigpitan. Munie kayung kautusan ban kilub ding atlung pulung aldo ala ninumang tau a makapaniawad nanumang bage king kaninu mang dios o kaninu mang tau subali mu king Kekayung Kamalan. Miyugse ya ing ninumang labag king kautusan king kulungan ding leon.

Mateo 6:23

Nung e la mayap ding kekang mata, dalumdum ya naman ing mabilug mung pamikakatawan. Inya nung ing sala'ng atyu keka karalumduman ya pala, karagul na kasi ning karalumduman a ita!

Ding Dapat 26:18

Ika ing mibuklat karing karelang mata at ibat king dalumdum iyarap mu la king sala, at ibat king upaya nang Satanas tairan mu la king Dios ban king kapamilatan na ning kasalpantayanan da kanaku mipatawaran la karing karelang kasalanan, at mibilang la karing taung pinili na ning Dios.

2 Corinto 11:3

Oneng mikakunu ku; pota malasun ing kekayung pamisip at mirayu kayu king tapat at malinis a pamanalig kang Cristo, antimo nung makananu neng alinlang ning ubingan i Eva.

2 Corinto 4:4

E la maniwala uling ding pamisip da binulag na la ning dios na niting yatu. Binulag na la ban e ra akit ing aslag na ning Mayap a Balita tungkul king ligaya nang Cristo a larawan na ning Dios.

2 Tesalonica 2:4

Labanan na ing sablang sasamban da ring tau at ing isipan dang banal. Itas na ing sarili na, lungub ya king Templo na ning Dios; karin ya lukluk at ipasiag na king ya ing Dios mismu.

Kapahayagan 13:14

Alinlang na la ding tau king yatu uli na ning milagrung depat na arap ning minunang animal a mabagsik. Ayagkat na la ban gawang larawan na ning minunang animal a mabagsik a mesugat king espada at ngeni mayap na.

Kapahayagan 13:4

Simban de ring tau ing dragon uling binie na ing upaya na king animal a mabagsik. Simban dia naman ing animal a mabagsik. Ngara, Ninu ing kalupa na ning animal a mabagsik? Ninu ing makalaban king animal a mabagsik?

Ukum 3:2

Depat na mu iti ban dinan na lang lisyun ding balang lahi da ring Israelita tungkul king gera lalung-lalu na detang ala pang sibukan king gera.