Genesis 3:4 - Ing Mayap a Balita Biblia

⁴ Oneng ngana ning ubingan king babai, E tutu yan. E kayu mate!

Genesis 3:4 Iomraidhean Croise

Genesis 3:13

Kanita kitang na ning Ginung Dios king babai, Obat gewa mu ing anti kanyan? Pekibat ning babai, Lininlang na ku ning ubingan, inya mengan ku.

Genesis 3:3

subali mu king bunga na ning tanaman a atyu king libutad ning mulahan. Sinabi na ning Dios king e mi ya kakanan a bunga ni tatagkilan man. Kabud daptan yu ita, ngana, mate kayu.

2 Ari 1:16

Nganang Elias king ari, Oyni ing sasabian na keka ning Ginu, Ala na waring dios a akutnan mu king Israel at mitubud kang tauan mu ban mangutang kang Baalzebub, ing kikilalanan nang dios ning Ekron? Uli na ning gewa mung yan, e na ka milako king pagkeran mu. Siguradung mate ka!

2 Ari 1:4

Iti ya ing pasabi na ning Ginu king ari: E na ka milako king pagkeran mu. Siguradu kang mate! Kaybat na nita, linakad ne i Elias.

2 Ari 1:6

Pekibat da, Akatagpu mi ya pu ing metung a lalaki at sinabi na kekami ing mibalik na kami at sabian kekayu ing anti kaniti: Iti ya ing pasabi na ning Ginu keka: Ala na waring dios king Israel inya kang Baalzebub, ing dios ning Ekron, kayu mangutang? E na ka milako king pagkeran mu. Siguradu kang mate!

2 Ari 8:10

Nganang mekibat Eliseo, Mibalik na ka king ari at sabian mu king kumayap ya, oneng pepabalu na kanaku ning Ginu king mate ya mu rin.

2 Cronica 18:21

Pekibat ning espiritu, Aku ing munta at papagsalitan ku lang kalaraman ding propeta nang Ahab ban magsalita lang kalaraman. Inya ngana ning Ginu, Sulung, ika ing munta at magtagumpe ka.

Ding Dalit 10:11

Nganang sasabi king lub na, Mengalinguan ne ing Dios; e na ku akit uling papampanan neng lupa na.

Juan 8:44

Ing diablo ya ing tata yu at ing buri nang tata yu ya ing buri yung daptan. Makamate ya manibat na king minuna at kalaban ne ning katutuan uling alang katutuan keya. Neng maglaram ya ing diablo, magsalita ya agpang king sarili nang katutubu, uling malaram ya at ya ing tata na ning kalaraman.

2 Corinto 11:3

Oneng mikakunu ku; pota malasun ing kekayung pamisip at mirayu kayu king tapat at malinis a pamanalig kang Cristo, antimo nung makananu neng alinlang ning ubingan i Eva.

2 Corinto 2:11

ban e na katamu alinlang Satanas, uling e makalingad kekatamu ing buri nang malyari.

Deuteronomio 29:19

Ngening dimdam yu na la deting pakiduang ning kasunduan at kaybat atin kekayu a matulang sabian na king lub na, E ku numanu balang agyang pang daptan ku itang sabla kung buring daptan. Iti ing panibatan na ning kasiran yumayap la man o e mayap.

1 Timoteo 2:14

Aliwa i Adan nune i Eva ing melinlang at linabag king utus ning Dios.