Genesis 3:16 - Ing Mayap a Balita Biblia

¹⁶ Ngana naman king babai, Dagdagan ku ing kasakitan mu king kekang pamanganak; king sakit ibait mu la ding anak mu. Makanyan man pagnasan me pa mu rin ing asawa mu at pailalam ka king upaya na.

Genesis 3:16 Iomraidhean Croise

Genesis 4:7

Nung mayap ing gewa mu, sukat kang tumula; nung e mayap, ing kasalanan manaya ya lele mung pasbul; pagnasan na ka, oneng sukat meng sambutan.

1 Cronica 4:9

Ating metung a taung milagyuan Jabez, mas marangal ya kesa karing kapatad na. Pemalagyuan neng Jabez ima na uling tune yang migkasakit inyang beit ne.

Ester 1:20

Potang mipabalu ne iting utus king mabilug yung kayarian, siguradung galangan ne ning balang babaing talasawa ing asawa na, mabandi ya man o ali ya.

Ding Dalit 48:6

Ginalgal la king takut at mebalisa; mengari la king babaing malapit nang manganak.

Isaias 13:8

Mitakutan la ngan at misakitan anti ing kasakitan na ning babaing manganak. Milalawayan la at king mitmung takut lare la lupa uli na ning dine ra.

Isaias 21:3

Mikatmuan kung takut at penamdaman ku ing kanakung ikit at dimdam king vision; sakit a kalupa na ning babaing malapit nang manganak.

Isaias 53:11

Kaybat ning bie nang mitmung kasakitan, pasibayu yang mika kaligayan; abalu na king e mewalang kabaldugan ing keyang kasakitan. Ing tapat kung talasuyu a tutu kung pitutulan tanggapan na ing parusang mangaintulid karing dakal, at alang-alang keting talasuyu patawaran ku la.

Jeremias 13:21

Nanu ing sabian mu ngening ding taung isipan mung kakaluguran mu ila pala mismu ding lumusub at sumakup keka? Manamdaman kang anti ing babaing manganak.

Jeremias 22:23

Panatag kayu bili karing pibalebale yung megawa karing dutung a sedrong ibat king Lebanon, oneng potang datangan na kayu ning sakit, makalunus ing maging kararasan yu, sakit a kalupa ning babai king oras ning pamanganak na.

Jeremias 4:31

Dimdam ke ing metung a saingsing a kalupa ning king babaing manganak, ing kulisak ning babaing manganak king pangane na. Iti saingsing ning Jerusalem; abut-abutan na ing pangisnawa na, gagawang na lang gamat na at ngana, Mate na ku kanini! Daratang na lang makamate kaku!

Jeremias 49:24

Mangaina la ding memalen na ning Damasco at tinakas uli na ning takut. Mengari la king babaing manganak; atyu la king kasakitan at kalungkutan.

Jeremias 6:24

Ngara ding memalen ning Jerusalem, Dimdam mi na ing balita at mangaina kami; mararaig kami king sindak at king sakit a kalupa na ning king babaing manganak.

Ding Bilang 30:13

Nanumang panata o pangaku ning asawang babai, apayalan nang bisa ning asawa na.

Juan 16:21

Neng manganak ya ing metung a babai, lulungkut ya uling dinatang na ing oras ning pamagkasakit na. Potang abait na ne ing anak na, e na na agaganaka ing kasakitan a delanan na; tumula ya uling abait na ne king yatu ing metung a anak.

1 Corinto 11:3

Oneng buri kung abalu yu king i Cristo ya ing ating upaya king balang lalaki. Ing lalaki ing ating upaya king asawa na, at ing Dios ya ing ating upaya kang Cristo.

1 Corinto 14:34

kailangan lang manahimik ding babai kilub ning iglesia; e makapaintulut karela ing magsalita, antimo ing sasabian na ning Batas.

1 Corinto 7:4

Ala yang upaya ing babai king sarili nang katawan; nune ing asawa na ya ing maki upaya. Makanyan munaman, ala yang upaya ing lalaki king sarili nang katawan; nune ing asawa na ya ing maki upaya.

Colosas 3:18

Ikayung babaing talasawa, pailalam kayu karing asawa yu uling ita ya ing kailangan yung daptan bilang Cristianu.

1 Tesalonica 5:3

Potang sasabian da ring tau, Payapa at panatag ing sabla-sabla, biglang datang ing kasiran. E la makaligtas uling ing paniatang na niti kalupa na ning pamiramdam ning babaing manganak.

1 Timoteo 2:13

E yu sa kakalinguan king i Adan ya ing minunang melalang bayu i Eva.

1 Timoteo 2:15

Makanyan man, miligtas ya ing babai king uli na ning pamanganak na, nung manatili ya king kasalpantayanan, king lugud at kabanalan ampon kahinhinan.

Tito 2:5

biasang mamigil king sarili ra at malinis a pamibiebie, at maging mayap a mibalebale ampon biasang manusig karing karelang asawa. Ninuman kanita alang makapagsalita laban king amanung manibatan king Dios.