Genesis 3:10 - Ing Mayap a Balita Biblia

¹⁰ Pekibat na, Dimdam da kayu king mulahan, oneng tatakut ku uling lubas ku. Inya sinalikut ku.

Genesis 3:10 Iomraidhean Croise

Genesis 2:25

Lubas ya ing lalaki at ing asawa na, oneng e ra pikarine iti.

Genesis 3:11

Kanita kitang na ning Dios, Ninu waring sinabi kekang lubas ka? Mengan ka king bunga na ning tanaman a binawal kung kanan mo?

Genesis 3:7

Kanita mu rin mibuklat la mata at ikit da ing lubas la. Inya pitungi da la ring bulung higera ban takpan ing sarili da.

Job 23:15

Gagalgal ku king takut king arapan na.

Job 31:33

Ding aliwang lalaki sasalikut da ing karelang kasalanan, oneng ing kaku kapilan man ali ku.

Ding Dalit 119:120

Uli mu mitatakutan ku; kaku lang pitatakutan ding kayatulan mu.

Exodo 20:18

Ginalgal la king takut inyang dimdam da ring tau ing duldul, ing tiup na ning trumpeta, at ikit ing kildap ampon ing bunduk a mamasuk, at linaut la king bunduk.

Exodo 20:19

Ngara kang Moises, Makiramdam kami nung ika ing magsalita kekami, oneng e ne sana magsalita kekami ing Dios, pota mate kami.

Exodo 3:6

Aku ing Dios ding makatua mu, ing Dios nang Abraham, Isaac, at Jacob. Tikpan neng Moises ing lupa na uling tatakut neng lawan ing Dios.

Exodo 32:25

Ikit nang Moises king pepaburen na lang megulung Aaron ding tau, at pepaburen na lang menabu king kamarinayan king akakit da ring kalaban da.

Isaias 33:14

Gagalgal la king takut ding makasalanan nang memalen ning Zion. Ngarang sasabi, Mengari ing kayatulan na ning Dios king aping mikakalukung alang kapupusan. Ninu kekatamu ing malyaring miligtas king aping anti kanyan?

Isaias 47:3

Ding tau akit da kang lubas; akit da kang mimura at mangapakarine. Mablas ku at alang metung mang kaku sabat.

Isaias 57:11

Ngana ning Ginu, Ninu deting dios a pitatakutan yu at king uli ra maglaram kayu kanaku at lubus yu kung kakalinguan? Tinuknang na kayu waring tatakut kanaku uli na ning ala kung bulad king makabang panaun?

Deuteronomio 5:25

Obat panayan tamu pa mung mangamate tamu? Pamaten na katamu niting maragul a api kabud migsalita yang pasibayu kekatamu ing Ginung kekatamung Dios.

1 Juan 3:20

nung sakali mang ligaligan na katamu niti. Uling maygit ya ing Dios king kekatamung konsiensia at balu na ing sabla.

Kapahayagan 16:15

Makiramdam kayu! Datang kung anting mapanako! Mapalad ya itang manatiling makagising at makapiblas; e ya lumakad lubas at e ya mipakarine karing manakit keya.