Genesis 3:1 - Ing Mayap a Balita Biblia

¹ Ngeni, ing ubingan ya ing mautak dili karing animal a lelangan na ning Ginung Dios. Nganang mengutang ning ubingan king babai, Tutu pin king binawal na kayung mangan ning Dios king isanu pa mang bungang tanaman king mulahan?

Genesis 3:1 Iomraidhean Croise

Ecclesiastes 4:10

Nung misakab ya ing metung, asaupan neng talakad ning kayabe na. Itang yang dili na, nung misakab ya, alang sumaup king pangasakab na.

Isaias 27:1

King aldong ita gamitan ne ning Ginung Mayupaya ing mataram nang espada ban parusan ne ing Leviatan, ing mabilis at liko-likong dragon. Paten ne iting lasip a manuknangan king dagat.

Mateo 10:16

Tandanan yu! Tutubud da kayu antimong tupa libutad da ring asung-gubat. Sukat kayung maging matalino antimo ding ubingan, at mamu lub antimo ding patipati.

Mateo 4:3

Dinatang ya ing mapanuksu at ngana kang Jesus, Nung ika ing Anak ning Dios iyutus mung maging tinape la ding batung deni.

Mateo 4:6

Nung ika ing Anak ning Dios, ngana, magpabaldug ka, uling sasabian na ning Kasulatan, Ipanibala na ka at paingat karing anghel na, at alalayan da ka, ban e ka mitisud agyang king metung mung batu.

Mateo 4:9

Ibie ku ngan keka ing sablang yan, nganang sinabi kang Jesus, nung siklaud ka king arapan ku at samban mu ku.

2 Corinto 11:14

E yu kailangan pagmulalan iti! Uling i Satanas man magkunwari yang anghel na ning sala!

2 Corinto 11:3

Oneng mikakunu ku; pota malasun ing kekayung pamisip at mirayu kayu king tapat at malinis a pamanalig kang Cristo, antimo nung makananu neng alinlang ning ubingan i Eva.

1 Pedro 3:7

Ikayu man, lalaking talasawa, king pamakiutus yu karing sarasarili yung asawa, sukat yung pakaintindian king e yu la kalupa sikanan. Inya igalang yu lang masalese, uling ila, kayabe yu, tanggap la naman king regalu na ning bie alang angga a ibie na ning Dios. Iti ing sukat yung daptan ban kanita e mirinan sagabal ing pamanalangin yu.

Kapahayagan 12:15

Uli na niti, ing asbuk ning ubingan pepalual yang danum a balamu ilug ba neng apaniud ing babai.

Kapahayagan 12:9

Inugse re ing maragul a dragon, ing matuang ubingan a maki lagyung diablo o Satanas, ing maglinlang king mabilug a yatu. Inugse re king yatu at pati na ding kampun na.

Kapahayagan 20:2

Dekap ne ing dragon, itang ubingan king minunang panaun, ing diablo o Satanas. Ginapus ne iti kilub da ring libung banua.