Genesis 27:4 - Ing Mayap a Balita Biblia

⁴ Potang atin kang arakap, paglutu mu ku ketang maniaman a pamangan a buri ku at idala mu kanaku. Kaybat kung mengan ibie ke keka ing kanakung bendisyun bayu ku mu man mate!

Genesis 27:4 Iomraidhean Croise

Genesis 14:19

Mananu na sanang i Abram bendisyunan ne ning Dios a Kakataskatasan a miglalang king banua at yatu.

Genesis 24:60

Binendisyunan de i Rebeca. Ngara, Maging milyun-milyun la sana ding maging anak mu, O kapatad mi, at maging karela la sana ding siudad da ring karelang kalaban!

Genesis 27:14

Kinua na la at dela kang ima na, at piglutu neng ima na i tata na ketang buri nang pamangan.

Genesis 27:17

Kaybat binie na kang Jacob ing maniaman a pamangan at itang tinape a sidia na.

Genesis 27:19

Aku pu i Esau a kekayung pangane, nganang mekibat Jacob kang tata na. Tiparan ku ing sinabi yu kanaku. Lukluk na kayu at mangan king apangasu ku ban kanita aibie ye kanaku ing kekayung bendisyun!

Genesis 27:23

E ne akilala uling ding gamat na mabuak lang kalupa da ring kang Esau a kapatad na. Bendisyunan na ne sana oneng

Genesis 27:25

Kanita nganang Isaac, Apagan mu na ku, anak ko king linutu mu, ba na kung makapangan at kanita abendisyunan da na ka. Inapagan neng Jacob at mengan ya i Isaac; pigdala neng alak at minum ya.

Genesis 27:27

Linapit ya at inuma ne i tata na, at abau nang Isaac ing imalan na at binendisyunan ne. Ngana, O, ing banglu ning anak ku ya ing banglu ning marangle a binendisyunan na ning Ginu!

Genesis 27:31

Miglutu ya namang maniaman a pamangan king arakap na at dela na kang tata na. Ngana, Tatang, mibangun na kayu at mangan king sidia ku; kaybat ibie ye kanaku ing bendisyun yu.

Genesis 27:5

Makiramdam ya pala i Rebeca kabang pakisabian neng Isaac ing anak nang i Esau. Inyang kalako nang Esau ban mangasu para kang tata na,

Genesis 27:7

Ipangasu mu ku at saka mu ku pagsadia ketang maniaman a pamangan a buri ku. Kaybat kung mengan ibie ke keka ing bendisyun ku king arapan na ning Ginu bayu ku mu man mate.

Genesis 27:9

Munta ka karing kawan kambing at magdala kang adua karing pekamatabang biseru. Pagsadia keng pamangan i tata mu ketang buri na.

Genesis 28:3

Bendisyunan na ka sana ning Dios a Mayupayang tutu king pamakiasawa mu, at parakalan a anak ban maging pipumpunan da ka ring dakal a tau.

Genesis 48:9

Pekibat nang Jose kang tata na, Ila ding anak ku a binie na kanaku ning Dios keti. Nganang Jacob, Ilapit mo kanaku ba ku lang bendisyunan.

Genesis 49:28

Ila deti ring labing adua nang tribu ning Israel, at yan ing sinabi nang tata ra tungkul karela, kanitang memun ya karela at menabilin king metung at metung.

Lucas 2:34

Binendisyunan na lang Simeon at ngana kang Mariang ima nang Jesus, Pinili ne ning Dios iting anak para king kapahamakan at king kaligtasan da ring dakal king Israel. Makatalaga yang maging tanda a ibat king Dios; oneng insultuan de ring dakal a tau.

Lucas 24:51

Kabang bibendisyunan na la, likuan na la at mitas ya banua.

Hebreo 11:20

Ing kasalpantayanan ya namang minutus kang Isaac ba nang ipangaku kang Jacob at kang Esau ing bendisyun king aldo bukas.

Josue 14:13

Binendisyunan neng Josue i Caleb a anak nang Jefune, at binie ne ing siudad na ning Hebron bilang bandi na.

Josue 22:6

Pepaulian na lang Josue kaybat neng binie ing bendisyun na at deting amanu: Mabandi kayu king pamagbalik yu karing tuknangan yu, dakal kayu sese animal, pilak, gintu, tangsu, bakal, at dakal a imalan. Idake yu karing kalupa yung tribu ing kinua yu karing kalaban. Kanita meko na la ban muli. Binie nang Moises king kapitna ning tribu nang Manase ing gabun king dane aslagan ning Jordan, oneng binie nang Josue king kapitna ing gabun dane albugan na ning Jordan at karing kayabe rang aliwang tribu.