Genesis 26:3 - Ing Mayap a Balita Biblia

³ Manatili ka king lugal a ita. Antabayanan da ka at bendisyunan da ka. Ibie ku keka at karing maging lahi mu ing kabilugan a gabun at tuparan ke ing pangaku ku kang tata mung i Abraham.

Genesis 26:3 Iomraidhean Croise

Genesis 12:7

Pepakit ya karin ing Ginu kang Abram at ngana, Ibie ke ing gabun a iti karing kekang maging lahi. Karin mitalakad yang altar para king Ginung pepakit kang Abram.

Genesis 13:15

Ibie ku keka at karing maging lahi mu ing heganaganang gabun a akakit mu ban maging kekayu king kapilan pa man.

Genesis 13:17

Mako na ka at lakaran ing gabun, ing kaba at lapad na, uling keka ku babie iti.

Genesis 15:18

Kanita ya mekipagkasundu ing Ginu kang Abram. Ngana, Babie ke ing gabun a iti karing maging lahi mu, manibat king ilug ning Ehipto angga king maragul a Ilug ning Eufrates

Genesis 17:19

Pekibat na ning Dios, E malyari! Ibait ne ning asawa mung i Sarah ing anak mung lalaki at ausan meng Isaac at makikasundu ku keting maging anak mu angga king alang angga at karing lahi nang sasalisi.

Genesis 17:8

Ibie ke keka at karing lahi mung sasalisi ing gabun nung nu ka manuknangan ngeni, ing mabilug nang gabun ning Canaan bilang pibandian yu king kapilan pa man, at aku ing maging Dios da.

Genesis 20:1

Ibat karin Mamre tinaglus ya i Abraham king sakup ning Negeb. Menuknangan ya king Gerar pilatan na ning Kades at Shur. Kabang manuknangan ya karin Gerar,

Genesis 25:11

Kamate nang Abraham, binendisyunan ne ning Dios ing anak nang i Isaac a menuknangan malapit Beer-lahai-roi.

Genesis 26:12

Menasik ya karin i Isaac ketang banuang ita at dinalan a besis ing pupul na uling binendisyunan ne ning Ginu.

Genesis 26:14

Merakal ya sese tupa, baka, at animal a pagobra angga king keririan de ring Filisteo.

Genesis 26:24

Pepakit ya kang Isaac ing Ginu ketang benging ita. Ngana, Aku ing Dios nang Abraham a tata mu; e ka mitatakutan; kayabe mu ku. Bendisyunan da ka at kaku lang parakalan ding lahi mu uli nang Abraham a kakung talasuyu.

Genesis 28:13

Atyu ing Ginu makatalakad siping na. Ngana, Aku, ing Ginu, ing Dios ning pipumpunan mung i Abraham at Dios nang Isaac. Ibie ke keka ing gabun a pagkeran mu at pati na karing kekang maging lahi.

Genesis 28:15

Tandanan mung kayabe mu ku; ingatan da ka nukarin ka man munta at ibalik da ka king gabun a iti. E ra ka lakuan angga king atuparan ku ing pengaku ku keka.

Genesis 31:3

Kanita ngana ning Ginu kang Jacob, Magbalik na ka king tuknangan da ring kekang makatua at kamaganak at antabayanan da ka!

Genesis 35:12

Ibabie ke keka at karing lahi mu ing gabun a binie ku kang Abraham at kang Isaac.

Genesis 39:2

E ne pepaburen ning Ginu i Jose. Magtagumpe ing nanumang gagawan na. Magobra ya king pibalebale na ning panginuan nang tau Ehipto.

Genesis 39:21

Oneng e ne pepaburen ning Ginu i Jose kabang atyu ya king sukulan. Pepakit na ing lugud na kang Jose at gewa neng maganaka kang Jose ing pekapun da ring guardia king sukulan, at

Genesis 48:21

Kanita nganang Jacob kang Jose, Anak, malapit na kung mate, oneng e na ka paburen ning Dios. Ibalik na ka king gabun da ring kekang pipumpunan.

Genesis 50:24

Nganang Jose karing kapatad na, Malapit na kung mate. Pero e na kayu paburen ning Dios. Ilual na kayu king bansang iti at idala king gabun a pengaku na kang Abraham, Isaac, at Jacob.

1 Cronica 16:16

Ing kasunduan a gewa na kang Abraham, ing pangaku na kang Isaac, deti tuparan na la ngan.

Ding Dalit 105:8

E ne kakalinguan dit'man ing keyang kasunduan, ing pangaku na karing libu-libung lahi.

Ding Dalit 105:9

Ing kasunduan a gewa na kang Abraham, ing pangaku na kang Isaac, deti tuparan na la ngan.

Ding Dalit 32:8

Ngana ning Ginu, Ituru ke ing sukat mung dalanan; dinan da kang kausukan, at mata ku keka e ku la ikawang.

Ding Dalit 39:12

O Ginu, kakung panalangin kekang pakiramdaman; O Ginu, kakung saingsing kekang pakiramdaman. E ka sa magmaklak-maklakan kening kakung tangis. King bale mu anti kung bisitang dinatang; dayuan a makituknang anti ding kakung makatua.

Exodo 2:24

Dimdam na ing saingsing da at aganaka na ning Dios itang kasunduan na kari Abraham, Isaac, at Jacob.

Exodo 3:12

Ngana ning Dios, Patnubayan da ka at oyni ing tanda king aku ing mitubud keka. Potang ikua mu na lang alual Ehipto ding Israelita, samban yu ku keting bunduk.

Exodo 6:4

Ginawa ku namang kasunduan karela at pengaku ku karela king ibie ke ing Canaan, ing gabun nung nu la mekipamalen bilang dayuan.

Exodo 6:7

Gawan da kayung sarili kung memalen, at aku ing maging Dios yu. Abalu yu kanita king aku ing Ginung kekayung Dios a migligtas kekayu king panga-ipus yu Ehipto.

Exodo 6:8

Idala da kayu king gabun a tapat kung pengakung ibie kang Abraham, Isaac, at Jacob. Ibie ke kekayu iting gabun at maging bandi ye. Aku ing Ginu.

Isaias 43:2

Neng daralan ka karing malalam a danuman, patnubayan da ka; e ra ka daigan ding kekang kaguluan. Nung dumalan ka libutad ning api, e ka masilab; ding mabayat a kapagsubukan e ra ka sambutan.

Isaias 43:5

E ka tatakut; atyu ku siping mu! Ibat king marayung aslagan, at angga king marayung albugan, kaku lang iyuli kekang memalen.

Mikeas 7:20

Ipakit mu ing katapatan mu at ing ala mung kupas a lugud karing kekang memalen, ding lahi nang Abraham at Jacob, antimo ing pengaku mu kanitang minunang panaun karing makatua mi.

Ding Bilang 23:19

E ne kalupa ning tau ing Dios, uling ing tau maglaram ya at pabayubayu kaisipan. Itang sasabian ning Dios daraptan na, at ing pengaku na tutuparan na.

Deuteronomio 1:8

Iti ngan ing sablang gabun a pengaku kung ibie karing makatua yung i Abraham, Isaac, at Jacob ampon karing lahi ra. Lumakad na kayu at sakupan ye.

Deuteronomio 34:4

Kaybat na nita, ngana ning Ginu kang Moises, Oyan ing gabun a pengaku ku karing makatua yung i Abraham, i Isaac, at i Jacob at ibie ke iti karing maging lahi ra! Pepakit ke keka oneng e ka malyaring miras keting gabun.

Filipos 4:9

Tuparan yu king bie yu itang apagaralan yu at tinggap, ing dimdam yu at ikit kanaku. At ing Dios a babie kapayapan kekatamu manatili ya kekayu.

Hebreo 11:9

King kapamilatan na ning kasalpantayanan mibiebie yang antimong metung a dayuan king gabun a pengaku na ning Dios keya. Menuknangan ya karing tolda, at antimu rin i Isaac, at i Jacob a tinanggap munaman king pangaku na mu ring ita ning Dios.

Hebreo 6:17

Makanyan munaman, digdag ne ning Dios ing metung a sumpa king pangaku na ba nang pakilala karing pengakuanan na king e na alilan kapilan man ing king lub na.