Genesis 26:12 - Ing Mayap a Balita Biblia

¹² Menasik ya karin i Isaac ketang banuang ita at dinalan a besis ing pupul na uling binendisyunan ne ning Ginu.

Genesis 26:12 Iomraidhean Croise

Genesis 24:1

Ngeni tutu neng matua i Abraham. Binendisyunan ne ning Ginu king sablang bage.

Genesis 24:35

Binendisyunan ne ning Ginu ing panginuan ku at gewa neng mabandi. Dininan neng kawan a tupa at baka, dakal a pilak at gintu, lalaki at babaing ipus, kamelyu, at asno.

Genesis 25:11

Kamate nang Abraham, binendisyunan ne ning Dios ing anak nang i Isaac a menuknangan malapit Beer-lahai-roi.

Genesis 26:29

ala kang gagawan nanumang e mayap kekami, at e da ka naman daptanan e mayap. Parati da na ka mang pepakitanan ganaka at peintulutan da kang meko payapa. Ngeni malino king binendisyunan na ka ning Ginu!

Genesis 26:3

Manatili ka king lugal a ita. Antabayanan da ka at bendisyunan da ka. Ibie ku keka at karing maging lahi mu ing kabilugan a gabun at tuparan ke ing pangaku ku kang tata mung i Abraham.

Genesis 30:30

Ditak mu kanita ing bandi yu, oneng dakal na ngeni. Binendisyunan na kayu ning Ginu manibat na kanitang akayabe yu ku. Kapilan ku pa manatagan para king sarili kung pamilya?

Job 42:12

Binendisyunan ne ning Dios ing tauling dake ning bie nang Job maygit king minuna. Meging bandi na la ding labing apat a libung tupa, anam a libung kamelyu, libung kaparis a baka, at libung gaindung asno.

Ding Dalit 67:6

King kekeng asikan dakal ing kekeng pipulan, ing Dios, ing kekatamung Dios, ya ing minie kaniti ngan.

Ding Dalit 72:16

Nukarin man sa tumud ing pupul, ding kabundukan mitakpan la sanang tanaman mabungang anti ding king Lebanon; dakal la sa ding taung manukna- ngan karing siudad na anting dikut a malabung king marangle.

Ding Kasebian 10:22

Ing bendisyun ning Ginu ya ing babie pibandian king tau. Ing pamagkapilit magobra e na ka agawang makualta.

Ecclesiastes 11:6

Mananaman ka neng abak at anti mu rin neng gatpanapun, uling e mu balu nung isanu ing tumubu karing kekang tenam o nung tumubu la ngan.

Zacarias 8:12

Mananaman la libutad ning kapayapan. Mamunga la ding karelang tanaman a ubas, palto yang dakal a pagkabiayan ing gabun, at mabaldug ing dakal a uran. Ibie ku iting sablang kanawan karing memalen a mitagan niting bansa.

Mateo 13:23

Ing bining digpa king gabun a mataba ila detang makiramdam king amanu at makaintindi kaniti. Mamunga la: ating tiadinalan, ating tianam apulu, at ating tiatitlung pulu.

Mateo 13:8

Oneng tinubu at memunga ing bining digpa king gabun a mataba: ating tiadinalan, at ing aliwa tianam apulu, ing aliwa titlung pulung binutil.

Marcos 4:8

Ating bining digpa king gabun a mataba at iti tinubu, melabung at memungang masalese; mika titlung pulung binutil, tianam apulu, at tiadinalan a binutil.

1 Corinto 3:6

Aku ing tinanam king bini, i Apolos ya ing menugtug, oneng ing Dios ya ing pepatubu king tanaman.