Genesis 24:7 - Ing Mayap a Balita Biblia

⁷ Ing Ginu, ing Dios ning banua at yatu, leko na ku king bale nang tata ku at king gabun na ning kanakung pamilya at pengaku na kanaku king ibie ne ing gabun a iti karing maging lahi ku. Parala neng makauna keka ing anghel na ban saupan na kang manakit ayasawa na ning anak ku karin.

Genesis 24:7 Iomraidhean Croise

Genesis 13:15

Ibie ku keka at karing maging lahi mu ing heganaganang gabun a akakit mu ban maging kekayu king kapilan pa man.

Genesis 15:18

Kanita ya mekipagkasundu ing Ginu kang Abram. Ngana, Babie ke ing gabun a iti karing maging lahi mu, manibat king ilug ning Ehipto angga king maragul a Ilug ning Eufrates

Genesis 16:7

Ikit ne ning anghel ning Ginu i Agar king lele ning metung a sibul king disyerto; atyu ing sibul king dalan papunta king Shur.

Genesis 17:8

Ibie ke keka at karing lahi mung sasalisi ing gabun nung nu ka manuknangan ngeni, ing mabilug nang gabun ning Canaan bilang pibandian yu king kapilan pa man, at aku ing maging Dios da.

Genesis 21:17

Dimdam na ning Dios ing kiak ning anak at ibat banua kinulait ya kang Agar ing anghel ning Dios. Ngana, Nanung kababalisa mu, Agar? E ka tatakut uling dimdam na ning Dios ing kiak ning anak ketang kabilian na.

Genesis 22:11

Oneng inaus ne ning anghel ning Ginu. Ngana, Abraham, Abraham! Nanu pu? nganang mekibat.

Genesis 24:3

at isumpa mu kanaku king lagyu na ning Ginu, ing Dios ning banua at yatu, ing e me panintun ayasawa na ing anak ku karing memalen na ning Canaan nung nu ku manuknangan.

Genesis 24:40

Pekibat na kanaku, Ing Ginu a parati kung pamintuan, itubud neng kayabe mu ing anghel na at saupan na ka ban magtagumpe ka king lakad mu. Inya apanintun meng maging asawa na ing anak ku karing kamaganak ku kang tata ku.

Genesis 26:24

Pepakit ya kang Isaac ing Ginu ketang benging ita. Ngana, Aku ing Dios nang Abraham a tata mu; e ka mitatakutan; kayabe mu ku. Bendisyunan da ka at kaku lang parakalan ding lahi mu uli nang Abraham a kakung talasuyu.

Ezra 1:2

Aku i Ciro, ing Ari ning Persia, pabalu ku: Ing Ginu, ing Dios ning banua, ya ing minie kanaku karing sablang kayarian keti king yatu at inutus na kanaku ing mitalakad kung Templo karin king Jerusalem ning Juda.

Ding Dalit 103:20

Ikong masikan at mayupayang anghel, purian ye ing Ginu, ikong mayupaya at masikanan a mamintu king keyang amanu.

Ding Dalit 136:26

Pasalamat kayu king Dios ning banua; uling ing lugud na alang angga.

Ding Dalit 32:8

Ngana ning Ginu, Ituru ke ing sukat mung dalanan; dinan da kang kausukan, at mata ku keka e ku la ikawang.

Ding Dalit 34:7

Ing anghel ning Ginu babanten na la detang ating takut at gagalang; king panganib liligtas na la.

Ding Dalit 73:24

Patnubayan mu ku kapamilatan ning kekang turu, at kaybat tanggapan mu kung ating dangalan.

Exodo 13:5

Tapat nang pengaku ning Ginu karing makatua yu king ibie ne kekayu ing bansa da ring Cananeo, Hiteo, Amoreo, Heveo, at Jebuseo. Gabun yang masanting at mataba. Potang ikua na na kayung adala king lugal a ita, sukat yeng pagselebran iting piesta king mumuna nang bulan ning balang banua.

Exodo 32:13

Ganakan mu la ding talasuyu mung di Abraham, Isaac, at Jacob. Ganakan mu itang masusing pangakung binie mu karela king dinan mu lang lahing kasing dakal da ring batuin king banua, at king babie mu karing lahi da ing sablang gabun a pengaku mung pabandi karela king kapilan pa man.

Exodo 33:2

Itubud ke ing metung a anghel ban manimuna kekayu; itabi ku la ding Cananeo, Amoreo, Hiteo, Perezeo, Heveo, at ding Jebuseo.

Isaias 63:9

king sabla rang kasakitan. E ya metung a anghel, nune ing Ginu mismu ya ing migligtas karela. Linigtas na la uli na ning lugud na at lunus. Ya ing parating mimingat karela king milabas a panaun.

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Jonas 1:9

Nganang mekibat Jonas, Metung kung Hebreo. Sasamban ke ing Ginu, ing Dios ning banua at linalang king yatu at king dagat.

Ding Bilang 11:12

Aku wari ing ima ra? Aku wari ing makipasari king pangalto ra keti king yatu ban ingatan ku la at kilikan anting anak a pasusuan angga king miras la king gabun a pengaku yung ibie karing pipumpunan da?

Ding Bilang 14:16

king inya pete yu la king disyerto ding memalen yu uling e yu la agyung idala king gabun a pengaku yung ibie karela.

Ding Bilang 14:30

Ala metung man ing miras kekayu king gabun a pengaku ku, subali mu kang Caleb a anak nang Jefune at i Josue a anak nang Nun; ila mu ring miras karin.

Ding Bilang 32:11

Uling e la memintu kanaku king mabilug dang pusu, ala metung mang miras king gabun a pengaku kung ibie kang Abraham, Isaac, at Jacob karing lalaking ibat king Ehipto a magumpisa king idad aduang pulung banua.

Ding Dapat 7:5

E ne dininan ning Dios agyang malati mung dake king gabun a iti para maging bandi nang sariling Abraham; oneng pengaku na ning Dios king ibie ne keya at maging bandi neng sarili, at miyabie ya karing maging lahi na. Ala ya pang anak i Abraham kanitang oras a pengaku na ning Dios ing makanyan.

Deuteronomio 1:8

Iti ngan ing sablang gabun a pengaku kung ibie karing makatua yung i Abraham, Isaac, at Jacob ampon karing lahi ra. Lumakad na kayu at sakupan ye.

Deuteronomio 34:4

Kaybat na nita, ngana ning Ginu kang Moises, Oyan ing gabun a pengaku ku karing makatua yung i Abraham, i Isaac, at i Jacob at ibie ke iti karing maging lahi ra! Pepakit ke keka oneng e ka malyaring miras keting gabun.

Hebreo 1:14

Nung makanyan, nanu la pin mo ding anghel? Pawa lang espiritung susuyu king Dios, at tutuburan nang sumaup karing sablang tanggap kaligtasan.

Hebreo 11:9

King kapamilatan na ning kasalpantayanan mibiebie yang antimong metung a dayuan king gabun a pengaku na ning Dios keya. Menuknangan ya karing tolda, at antimu rin i Isaac, at i Jacob a tinanggap munaman king pangaku na mu ring ita ning Dios.

Josue 1:6

Tatagan mu ing lub mu at magtiwala ka uling ika ing manimuna kareting taung deti kabang sasakupan de iting gabun a pengaku kung ibie karing makatua da.

Josue 24:3

Kanita inaus ke i Abraham a makatua yu manibat king gabun sumangid ning Eufrates, at tinaid ke king kekaban ning Canaan. Dininan keng dakal a lahi. Binie ke kang Abraham i Isaac

Kapahayagan 11:13

Minayun masikan king oras a ita at melasak ya ing kapulung dake na ning siudad, at pitu lang libu ding mete king ayun. Mitakutan la ding taung mitagan at pinuri da ing degulan na ning Dios ning banua.

Ukum 2:1

Menibat king Gilgal minta ya ing anghel ning Ginu king Bokim. At ngana karing Israelita, Liwal da kayu manibat Ehipto at dela ra kayu king gabun a pengaku ku karing makatua yu. Sinabi ku, E ke labagan kapilan man ing kasunduan ku kekayu.