Genesis 24:3 - Ing Mayap a Balita Biblia

³ at isumpa mu kanaku king lagyu na ning Ginu, ing Dios ning banua at yatu, ing e me panintun ayasawa na ing anak ku karing memalen na ning Canaan nung nu ku manuknangan.

Genesis 24:3 Iomraidhean Croise

Genesis 14:19

Mananu na sanang i Abram bendisyunan ne ning Dios a Kakataskatasan a miglalang king banua at yatu.

Genesis 14:22

Pekibat nang Abram king ari ning Sodoma, Pengaku kung taimtim king Ginu, ing Dios a Kakataskatasan a miglalang king banua at yatu,

Genesis 21:23

Inya sumpa ka kanaku arapan na ning Dios king e mu ku pagtaksilan ampon ding lahi ku at manatili ka sanang tapat kanaku at king gabun a pitutuknangan mu nung makananu kung menatiling tapat keka.

Genesis 24:7

Ing Ginu, ing Dios ning banua at yatu, leko na ku king bale nang tata ku at king gabun na ning kanakung pamilya at pengaku na kanaku king ibie ne ing gabun a iti karing maging lahi ku. Parala neng makauna keka ing anghel na ban saupan na kang manakit ayasawa na ning anak ku karin.

Genesis 27:46

Nganang sinabing Rebeca kang Isaac, E na ku makapibata karening Hiteo a asawa nang Esau. Mayap pa ing mate na ku nung sakaling makiasawa ya i Jacob karing babaing Hiteo!

Genesis 28:1

Inaus neng Isaac i Jacob at kinomustan. Kaybat penabilinan ne. Ngana, E ka makiasawa king ninumang babaing tubu Canaan.

Genesis 28:8

Ikit nang Esau king e na la katulan tata na ring babaing tubu Canaan.

Genesis 34:9

Paintulut yung miyayasawa la ring anak yu at ding anak mi.

Genesis 38:2

Karin ne ikit Juda ing anak na ning metung a tau Canaan a milagyuan Sua, at ayasawa ne.

Genesis 47:31

Sumpa ka kanaku, nganang Jacob. Inya sinumpa ya i Jose. Kaybat, ketang pagkeran na diku neng Jacob ing buntuk na.

Genesis 50:25

Kanita pepangakuanan na la ring anak nang Israel. Ngana, Potang dalawan na kayu ning Dios at ilual king lugal a iti, idala yu la ring kanakung butul.

Genesis 6:2

ikit da ring anak na ning Dios king malagu la ding anak da ring tau. Inya, gewa da lang asawa da ring sablang apili ra kareti.

Genesis 6:4

Karing aldong deta ating linto higanti king yatu; anak da la reti ding anak na ning Dios karing anak dang babai ding tau. Ila ding bayani na ning minunang panaun; tau lang pikabaluan.

2 Ari 19:15

at nganang menalangin, O Ginu Dios ning Israel a makalukluk king tronu babo da ring kerubin, ikang bukud ing Dios a sasakup karing kayarian. Ika ing linalang king yatu at king banua.

2 Cronica 2:12

Purian ya ing Ginu, ing Dios ning Israel, a linalang king banua at yatu, uling dininan neng metung a biasang anak i Aring David. At tagle na ning anak ing beluan at pamanalastas, at ya ing pagawa king templo para king Ginu, at gawang palasyu para king sarili na.

Ezra 5:11

Oneng ing pakibat da pu anti ya kaniti: Talasuyu na kami ning Dios ning banua at yatu, at tatalakad mi yang pasibayu ing Templo na king sadia nang lugal nung nu ne pepatalakad karing dakal nang banuang milabas ning mayupayang ari ning Israel.

Nehemias 13:25

Inya sebianan ku la, belan, berug, at ginut a buak. Kaybat pepangakuanan ku la king lagyu na ning Dios king e da la paintulutan makiasawa ding anak dang lalaki o babai at ila man karing e ra kalahi.

Nehemias 9:6

Kanita miyabe-abe reng sinabi iting manalangin: Bukud mung ika Ginu, ing Ginu; ika ing linalang king meto sikluban at karing batuin. Ika ing linalang king yatu, king dagat, at karing karela manuknangan; ika ing minie bie karela. Ding sablang upaya king banua duruku la at sasamba keka.

Ding Dalit 115:15

Bendisyunan na kayu sana ning Ginu, ing linalang king banua at yatu!

Ding Dalit 136:26

Pasalamat kayu king Dios ning banua; uling ing lugud na alang angga.

Exodo 20:7

E ye gagamitan ing lagyu ku king e mayap a kapagnasan, uling aku, ing Ginung kekayung Dios, parusan ke ing ninumang gagamit e ustu king lagyu ku.

Exodo 22:11

sumpa ya ing penabilinan ketang lugal a pisasamban king Dios king ya e ne pigimbutan ing animal a mipanabilin bilang kargu na. Panaligan na na ning makibandi iting sumpa at ala yang bayaran nanuman ing penabilinan.

Exodo 23:13

Pakatandanan yu ngan sana iting sinabi ku kekayu. E kayu manalangin karing aliwang dios o banggitan man a lagyu.

Exodo 34:16

E yu la paintulutan makiasawa ding anak yung lalaki karing karelang babai a manamuyut mu karela king pamanyamba karing kikilalanan dang dios, at uli na nita magtaksil la kanaku.

Isaias 45:23

Katutuan ing pengaku ku at iti e mibayu. Ing kakung pengaku taimtim kung tuparan. Ing balang metung lumapit ya at duku arapan ku, at isumpa nang maging tapat ya kaku.

Isaias 48:1

Memalen ning Israel, iti kekong pakiramdaman, ikong ibat king lahi nang Juda: Susumpa kayu king lagyu ning Ginu, at sasabian yu king sasamban ye ing Dios ning Israel, oneng ala kayung tututuanan metung man king kekong sasabian.

Isaias 65:16

Ing ninuman king bansa a maniawad bendisyun, aduan na king mabendisyun ya king Dios a tapat. Ing ninumang sumpa, sumpa ya king lagyu na ning Dios a tapat. Mawala na la at makalinguan ding kaligaligan king milabas.

Jeremias 10:11

Ikayung taung pinili ku sukat yung sabian karela king magisan la ding kikilalanan dang dios uling aliwa naman ila ding ginawa king yatu at king banua. Mawala la keti king yatu.)

Jeremias 12:16

Nung tanggapan de king mabilug dang pusu ing relihiun da ring taung kanakung pinili at nung isumpa ra, Ing Ginu mabie ya antimo nung makananu da lang pepasumpan kang Baal ding taung kanakung pinili. Maging dake na la kanita ning balen a kanakung pinili at mipala la.

Jeremias 29:6

Makiasawa kayu at mikayanak. Kaybat paburen yu lang makiasawa ding anak yu ban mikayanak la naman. Kailangan ing dakal kayu at e diritak king bilang.

Jeremias 4:2

maging matulid at ustu para kekayu ing sumpa kayu king kapamilatan na ning lagyu ku. Ding sablang bansa kanita aduan da kanaku ing bendisyunan ku la at ila purian da ku.

Levitico 19:12

E kayu mangaku king kapamilatan na ning pamangamit king lagyu ku, nung e yu mu rin tuparan ing pangaku yu; kalapastanganan iti king lagyu ku. Aku ing Ginu.

Zepania 1:5

Paten ke ing ninumang mumukiat king bubungan at sasamba king aldo, king bulan, at karing batuin. Paten ku la naman detang sasamba at susumpang katapatan kanaku, at kaybat gagawang kapangakuan king lagyu na ning kikilalanan dang dios a i Molek.

Ding Bilang 5:21

mananu na sanang ing Ginu gawan neng kasumpa-sumpa ing lagyu mu karing kabalen mu. Langi ya sana itang atyu pilatan da ring puad mu at lumbag ka atian.

1 Corinto 7:39

E ya libring makiasawang aliwa ing babaing talasawa kabang mabie ya ing asawa na; nung mate ya ing asawa na, libri neng makiasawa king lalaking buri na; oneng kailangan king iti metung yang Cristianu.

Deuteronomio 10:20

Pitakutan ye at galangan ing Ginung kekayung Dios; suyuan ye at maging tapat kayu king Dios. Bukud mung king lagyu na karin kayu gawang kapangakuan.

Deuteronomio 6:13

Sukat kayung tumakut at gumalang king Ginung kekayung Dios at suyuan ye. Bukud mung king lagyu na karin kayu mangaku.

Hebreo 6:16

Neng susumpa ya ing metung a tau gagamitan ne ing lagyu na ning metung a maygit king sarili na, at king kapamilatan na niti mayayari ing pisasabian.

Josue 2:12

At ngeni isumpa yu king Ginung kekayung Dios ing maging maganaka kayu karing pamilya ku antimo nung makananu kung pepakit ganaka kekayu, at dinan yu kung metung a tanda king ayasahan da kayu.

Ukum 14:3

Nganang tata na at ima na, Samson, ala na waring babai kareng anak da reng kamaganak tamu o kareng kabalen tamu, at kailangan ka pang munta kareng paganung Filisteo ban manintun maging asawa mu? Nganang sinabing Samson kang tata na, Ya ing buri kung maging asawa.

1 Samuel 20:17

Uling kaluguran neng Jonatan i David antimo ing lugud na king sarili na, pasibayu yang sinumpa.

1 Samuel 30:15

Nganang David, Malyari mu kung saupan ban akit ku la reting linusub? Pekibat na, Wa, nung isumpa mu king Dios king e mu ku paten o kaya e ibalik king panginuan ku.