Genesis 24:10 - Ing Mayap a Balita Biblia

¹⁰ Kaybat na nita, kinangwa yang apulu karing kamelyu na ning panginuan na ampon bage panregalu at saka ne meko papunta Mesopotamia, king siudad nung nu ya manuknangan i Nahor.

Genesis 24:10 Iomraidhean Croise

Genesis 11:26

Kanitang pitu yang pulung banua i Tera ayanak na la di Abram, Nahor, at i Haran.

Genesis 11:29

Mekiasawa la di Abram at Nahor. Sarai ya lagyu ing asawa nang Abram, at itang kang Nahor Milka ne man a lagyu. I Milka anak neng Haran a tata ra di Milka at Isca.

Genesis 11:31

Tiki neng Tera ing anak nang i Abram, ing apu nang i Lot a anak nang Haran at ing manuyang nang i Sarai a asawa nang Abram a anak na. Meko la king Ur da ring Caldeo at minta la king sakup ning Canaan. Oneng inyang miras la Haran, karin na la menuknangan.

Genesis 11:32

Mebie yang aduang dalan at limang banua i Tera. Kaybat na nita mete ya karin king Haran.

Genesis 22:20

Kaybat nang milyari nita, mibalita kang Abraham king mikayanak yang lalaki i Milka king kapatad nang i Nahor.

Genesis 24:2

Nganang Abraham king pekamatuang diling ipus king pibalebale na a panibalan na king pibandian na, Ibili me ing gamat mu pilatan da ring kanakung puad

Genesis 24:22

Kayari dang mininum ding kamelyu, lege ne ning ipus ing metung a mal a gintung singsing at pepasulud ne king arung nang Rebeca. Dininan nia namang aduang mangaragul a gintung pulseras at pepasulud na la karing gamat na.

Genesis 24:53

Lege na la kanita ning ipus ding panregalu nang pilak at gintu ampon imalan at saka na la binie kang Rebeca. Dininan nia naman regalu ing kapatad na at i ima na.

Genesis 27:43

Ngeni pakiramdaman mu ku, anak ko. Munta kang agad-agad karin Haran, king kapatad kung i Laban.

Genesis 29:1

Sindu nang Jacob ing pamaglakbe na at miras ya king bansa da ring tau ning Aslagan.

Genesis 29:2

Miglalawe ya. Menakit yang talaga king marangle. Ating atlung kawan da ring tupa a magpaynawa lele na niti, uling karin da la painuman ding kawan. Maragul ya itang batung pekatakap na ning talaga.

1 Cronica 19:6

Balu nang Aring Hanun at ding tauan na king mua ya karela i David, inya king halus alagang apat apulung toneladang pilak menupa lang karung panggera at taung sake kareti a ibat king Matas nang Dake ning Mesopotamia at Siria ampon king Maaca at Zoba.

Ding Dapat 2:9

Atin kekatamung menibatan Partia, Media at Elam, atin munamang menibatan Mesopotamia, Judea at Capadocia; ating menibatan karin Ponto at Asia,

Deuteronomio 23:4

uling e la minie pamangan at inuman kekayu kanitang miglakbe kayung ibat Ehipto. E mu ita, uling beyaranan de i Balaam a anak nang Beor ning balen Petor, Mesopotamia ban isumpa na kayu.