Genesis 23:4 - Ing Mayap a Balita Biblia

⁴ Ngana karela, Agyang metung ku mung makipanuknangan libutad yu, pasaliwan yu ku sanang kapirasung gabun a gamitan kung pikutkutan king mete kung asawa.

Genesis 23:4 Iomraidhean Croise

Genesis 17:8

Ibie ke keka at karing lahi mung sasalisi ing gabun nung nu ka manuknangan ngeni, ing mabilug nang gabun ning Canaan bilang pibandian yu king kapilan pa man, at aku ing maging Dios da.

Genesis 23:5

Pekibat da ring taung Hiteo kang Abraham,

Genesis 3:19

Mika pamangan ka kapamilatan na ning tulu ning pawas mu angga king magbalik ka king gabun nung nu ka ibat, uling king gabun ka ibat, king gabun ka naman mibalik.

Genesis 47:9

Dinalan na ku pu at atlung pulung banua, nganang mekibat Jacob. Makuyad la pu reti at masakit ku delanan king bie; karayu na pu ning bie ku ketang delanan ding pipumpunan ku.

Genesis 49:30

Atyu iting kueba king marangle karin Makpela, king dane aslagan ning Mamre, king sakup ning Canaan. Seli neng Abraham iting marangle kang Efron a Hiteo bilang pikutkutan.

Genesis 50:13

Dela re ding anak na king sakup ning Canaan at pepakutkut de king kueba king marangle karin Makpela, king dane nang aslagan ning Mamre, ketang gabun a seli nang Abraham kang Efron a Hiteo, ing gabun a gewa nang pikutkutan.

1 Cronica 29:15

Dayuan kami ngan king kekang arapan a antimo ding kekaming makatua. Anti la mu king anino ding aldo mi keti king yatu at ala metung mang manatili.

Job 30:23

Wa, balu ku ing darala mu ku king kamatayan, ing kararasan a makapanaya karing sabla.

Ding Dalit 119:19

E ku magluat keti king yatu, inya e mu la sasalikut kaku ding utus mu.

Ding Dalit 39:12

O Ginu, kakung panalangin kekang pakiramdaman; O Ginu, kakung saingsing kekang pakiramdaman. E ka sa magmaklak-maklakan kening kakung tangis. King bale mu anti kung bisitang dinatang; dayuan a makituknang anti ding kakung makatua.

Exodo 2:22

Mikayanak lang metung a lalaki. At nganang Moises king lub na, Metung ku mung dayuan a miras keti. Inya pemalagyuan neng Gersom ing anak na.

Ecclesiastes 12:5

Ganakan me kabang e ka tatakut mukiat king eran a matas; kabang e ka tatakut lalakad dili-dili king dalan, kabang e ka maputi buak, at kabang ing sablang buri mu atyu pa keka. Uling muli tamu ngan ketang alang anggang tuknangan at lumual la ding tau karing dalan ban ilibing da katamu.

Ecclesiastes 12:7

Ganakan me kabang e ya magbalik ing katawan mu king gabun a penibatan na at bayu ya mibalik ing kaladua mu king Dios a minie kaniti.

Ecclesiastes 6:3

Mas mayap ya kabilian ing anak a mibait mete kesa king taung mika dinalan a anak at mebie makaba, oneng e naman metula king bie na at alang makipaglibing potang mate ya.

Levitico 25:23

E sukat mipisaling lubusan ing gabun yu, uling e naman talagang kekayu. Bandi ku at mengari kayu mung dayuan a mipaintulutan gumamit kaniti.

Ding Dapat 7:16

Kaybat na nita, linipat da la ring karelang bangke karin king Sikem. Kitkut da la king kutkutan a seli nang Abraham king tribu nang Hamor.

Ding Dapat 7:5

E ne dininan ning Dios agyang malati mung dake king gabun a iti para maging bandi nang sariling Abraham; oneng pengaku na ning Dios king ibie ne keya at maging bandi neng sarili, at miyabie ya karing maging lahi na. Ala ya pang anak i Abraham kanitang oras a pengaku na ning Dios ing makanyan.

Hebreo 11:9

King kapamilatan na ning kasalpantayanan mibiebie yang antimong metung a dayuan king gabun a pengaku na ning Dios keya. Menuknangan ya karing tolda, at antimu rin i Isaac, at i Jacob a tinanggap munaman king pangaku na mu ring ita ning Dios.

1 Pedro 2:11

Kakaluguran, ausan da kayu kapanandaman, bilang dayuan a makayugse king aliwang balen. E kayu manusig karing buri na ning katawan yu, uling parati la deting lalaban king kekayung kaladua.