Genesis 22:4 - Ing Mayap a Balita Biblia

⁴ Kalabas da ring atlung aldo ikit neng Abraham ing lugal king marayu.

Genesis 22:4 Iomraidhean Croise

Genesis 22:3

Maranun yang mibangun i Abraham; sekyan ne ing asno na, kayabe ne i Isaac at ding adua karing ipus nang lalaki. Migdala ya namang dutung para panangab king ain-a-durulukan a inutus na ning Dios a idala na.

Genesis 22:5

Kanita sinabi na karing ipus na, Malakuan kayu keni ikayung adua, at banten ye ing asno kabang ing anak at aku munta kami karin. Samba kami at kaybat balikan da kayu.

2 Ari 20:5

king magbalik ya kang Hezekia, ing pamuntuk da ring memalen na ning Ginu, at sabian na ing anti kaniti: Aku, ing Ginu, ing Dios na ning makatua mung i David, dimdam ku ing panalangin mu at ikit ku ing lua mung tinulu; pakayapan da ka at king katlung aldo lungub ka king Templo.

Ester 5:1

Kalabas da ring atlung aldo, sinulud nang Ester ing imalan reyna at minta ya't tinalakad king korti na ning ari, tulid na ning palasyu ning ari. Makalukluk ya kanita ing ari king tronu na kilub ning palasyu at makayarap ya king pasbul palub king palasyu.

Exodo 15:22

Kaybat na nita, penimunan na lang Moises ding memalen na ning Israel manibat ketang pampang na ning Dagat da ring Timbu, at minta la king disyerto na ning Shur. Kilub ding atlung aldo miglakad la libutad na ning disyerto, oneng e la menakit danum.

Exodo 19:11

at magsadia la king aldo kaybat ning bukas. King aldo a ita kuldas ku king Bunduk ning Sinai ban malyari da kung akit ding sablang tau.

Exodo 19:15

Ngana pang Moises karing Israelita, Magsadia kayu king aldo makadua, at e kayu pa sisiping king ninumang babai.

Exodo 5:3

Pekibat da ri Moises at Aaron, Pepakit ya kekami ing Dios ding Hebreo. Paintulutan yu ke sanang maglakbe kilub ding atlung aldo papunta king disyerto ban makaibie kaming ain-sakripisyu king Ginung kekaming Dios. Nung ali, pamaten na ke ngan king kapamilatan na ning sakit a makapanawa o kaya king kapamilatan ning gera.

Hosea 6:2

Biayan na katamu kaybat ding adua o atlung aldo at mibiebie tamu arapan na.

Levitico 7:17

Nung king katlung aldo atin pang mitagan king karni, iti sukat nang dulukan.

Ding Bilang 10:33

Miglakbe lang atlung aldo ring Israelita kaybat deng likuan ing Sinai, ing sagradung bunduk ning Ginu. Makauna ya karela ing Kaban ning Kasunduan ning Ginu king pamaglakbe ra ban manintun lugal a pipagpaynawan da.

Ding Bilang 19:12

Sukat nang linisan ing sarili na king kapamilatan na ning danum a makatungkul kaniti king katlu at king kapitung aldo. Kaybat na nita, malinis ne. Pero e ya malinis nung e na linisan ing sarili na king katlu at king kapitung aldo.

Ding Bilang 19:19

At pisikan ne ning taung tuturing nang malinis ning kautusan ing mituring a e malinis king katlung aldo at king kapitung aldo. Sukat nang pipian ning taung e malinis ing imalan na at mandilu ya. At malinis ne pangayalbug ning aldo.

Ding Bilang 31:19

E kayu pa lulub king kampu yu kilub ning pitung aldo. Ing ninumang kekayung mekapate at mekatagkil mete sukat yang maglinis pati na ring bihag yu king katlu at king kapitung aldo, agpang king aduan ning kautusan.

Mateo 17:23

Paten de, oneng subli yang mie king katlung aldo. At bina lang melungkut alagad.

Lucas 13:32

Sinabi nang Jesus karela, Sabian yu ketang asung-gubat a ita king papalual kung demonyu at manulung masakit ngeni at bukas at king katlung aldo arian ku ing obra ku.

1 Corinto 15:4

king mikutkut ya at sinubling mebie king katlung aldo; antimo ing mababasa king Kasulatan;

Josue 1:11

Munta kayu king kampu at sabian yu karing tau, Isadia yu ing pamangan a bakalan yu uling kilub da ring atlung aldo lipatan ye ing Ilug ning Jordan, at sakupan ye ing gabun a babie na kekayu ning Ginung kekayung Dios.

1 Samuel 26:13

Linipat ya kasumangid i David at tinalakad ya king babo ning bunduk-bundukan. Malaut-laut ne kanita karela.