Genesis 21:9 - Ing Mayap a Balita Biblia

⁹ Apansinan neng Sarah i Ismael a anak nang Abraham kang Agar, ing babaing tubu Ehipto, ing makialung ya king anak nang i Isaac.

Genesis 21:9 Iomraidhean Croise

Genesis 16:1

Metung man ala yang anak i Abram kang Sarai. Atin ne mang metung a babaing ipus i Sarai a tau Ehipto; Agar ing lagyu na.

Genesis 16:15

Lalaki ya ing meging anak nang Abram kang Agar, at inaus neng Ismael.

Genesis 17:20

Ibie ku ing aduan mu para kang Ismael; bendisyunan ke, dinan keng pibandian, at parakalan ku la ding lahi na. Maging tatang de ring labing aduang prinsipi, at maging tatang ne ning metung a bansang maragul.

Genesis 21:8

Meragul ya i Isaac at migtau yang maragul i Abraham inyang aldo inawat de.

2 Cronica 30:10

Minta la ding talapagdalang sulat karing balang siudad a sakup da ring tribu ning Efraim at Manase at angga na king Zebulun, oneng keylian da la mu at ininsultu.

2 Cronica 36:16

Oneng ding tau ininsultu da la ring tubud ning Dios, tinggian da la ring amanu na, at gewang pikaylian ding propeta na angga king mikalabkab ing mua na ning Ginu karing tau at ala nang makaligtas pa king mua na.

Job 30:1

Oneng ngeni gagawan da na ku mung pitutulan ding lalaking mas anak kesa kaku! Ala lang bitasang kabaldugan ding karelang tata; e ku la man buring kasaup ding asu kung magbante tupa.

Ding Dalit 22:6

Balamu e na ku tau nune anti kung ulad a tatabi da, at pikakasaman ding memalen!

Ding Dalit 42:10

Tutu da kung pasakitan ding kakung kalaban, at pikayli-kaylian; alang patugut karelang sasabian, Nukarin ya ing Dios mu?

Ding Kasebian 20:11

Agyang ing malating anak pakilala na nung nanu ya king kapamilatan ning dapat na; asabi mu nung tapat ya at mayap.

Ding Kasebian 22:10

Itabi me ing taung mapanuksu at milako na kanita ing pamipate at pamanagkas.

Ding Tagulele 1:7

Lasak-lasak ya't makalunus ngeni ing Jerusalem; agaganaka na itang milabas nang leguan. Ala metung mang sinaup inyang karing kalaban mebaldug ya; kalaban na keylian da ing pangasambut na.

Galacia 4:22

Sasabian na king mika adua yang anak a lalaki i Abraham; ayanak ne ing metung king babaing ipus, at ayanak ne ing kadua king asawa nang malaya.

Galacia 4:29

King panaun a ita ing anak na ning ipus, ing anak a mibait king paralan a karaniwan, linupig ne itang anak a mibait uli na ning Espiritu ning Dios; at makanyan munaman ing malyari ngeni.

Hebreo 11:36

Meyalipusta la at melatiku ding mapilan; ginapus da la at sinukul naman ding aliwa.