Genesis 21:6 - Ing Mayap a Balita Biblia

⁶ Nganang Sarah, Makaligaya ing binie nang iti kanaku ning Dios! Tumula ya naman antimo aku ing ninumang makabalu kaniti.

Genesis 21:6 Iomraidhean Croise

Genesis 17:17

Migsakab ya i Abraham king gabun, oneng mipakayli ya. At nganang sinabi king lub na, Mikayanak ya pa wari ing lalaking dinalan nang banua? Makapanganak ya pa wari i Sarah a siam nang pulung banua?

Ding Dalit 113:9

Ing babaing e mikakayanak parangalan ne king pibalebale na; paligayan ne kapamilatan ning pamamie nang anak. Purian ya ing Ginu!

Ding Dalit 126:2

Sasagakgak kami at magkanta king tula mi. Kanita ngarang sinabi ding bansang manakit, Ing depat ning Ginu karela binang makapagmulala.

Isaias 49:15

Inya ing Ginu makibat ya, Malyari ne kayang kalinguan ning ima ing anak na, at e ne luguran ing anak a beit na? Kalinguan ne man ning metung a ima ing anak na, aku e ra kayu kalinguan.

Isaias 49:21

Kanita sabian mu king kekang sarili, Ninu ing menganak kareting anak para kaku? Mewala la ding kakung anak at e na ku manganak pa. Miyugse ku at mitabi king marayung lugal; ninu ding peparagul kareting anak? Magdili-dili kung mitagan, nukarin la menibatan deting anak?

Isaias 54:1

Jerusalem, mengari kang metung a babaing e mikayanak, oneng ngeni king tula makapagkanta ka't makakulisak. Ngeni mikayanak kang mas dakal kesa king babaing e na bitasang likuan ning asawa na!

Jeremias 20:15

Isumpa ya ing lalaking minie tula kang tatang ku inyang sinabi na: Mayap a oras! Lalaki ya ing kekang anak!

Lucas 1:14

Tumula ka at magsaya, at dakal lang tumula king pangabait na

Lucas 1:58

Abalu da ring siping nang bale at kamaganak ing makapagmulala nang kayapan ning Ginu kang Elizabeth. At mekipagsaya la ngan kang Elizabeth.

Roma 12:15

Makiabe kayu king tula da ring matula, makirame kayu king lungkut da ring malungkut.

Hebreo 11:11

Ing kasalpantayanan ya namang mekapalyaring tata kang Abraham agyamang matua neng tutu at mismung i Sarah a asawa na e ne malyaring mikayanak. Penaligan nang tuparan na ning Dios ing pangaku na.

1 Samuel 1:26

Nganang Ana, Mayalang galang na ku mo pu, aku pu itang babaing makatalakad siping yu at menalangin king Ginu.