Genesis 21:10 - Ing Mayap a Balita Biblia

¹⁰ Ngana kang Abraham, Itabi mu ne ing ipus a yan at ing anak na. E ya sukat tanggap mana kayabe ning anak kung i Isaac ing anak ning ipus a yan!

Genesis 21:10 Iomraidhean Croise

Genesis 17:19

Pekibat na ning Dios, E malyari! Ibait ne ning asawa mung i Sarah ing anak mung lalaki at ausan meng Isaac at makikasundu ku keting maging anak mu angga king alang angga at karing lahi nang sasalisi.

Genesis 17:21

Pero tuparan ke kang Isaac ing kasunduan ku. Ibait neng Sarah ing anak keng tutuking banua.

Genesis 20:11

Mekibat ya i Abraham, Mitakutan ku. Bala ku alang makitakut king Dios keti at paten da ku uli na ning asawa ku.

Genesis 22:10

Kaybat dimput ne ing pataram ban saksakan ne ing anak na.

Genesis 25:19

Oyni ing istoria na ning pamilya nang Isaac a anak nang Abraham.

Genesis 25:6

Inyang mabie ya pa, dininan na na lang mana ring anak nang lalaki karing babaing kasese na. Pepapuntalan na la king dane aslagan ban ilaut la kang Isaac.

Ding Kasebian 22:10

Itabi me ing taung mapanuksu at milako na kanita ing pamipate at pamanagkas.

Mateo 22:13

Kanita ngana ning ari karing ipus, Igapus ye gamat at bitis at iyugse ye king karalumduman king lual. Karin ya kumiak at mitigis a ipan.

Juan 8:35

E ya manatili ing ipus king pibalebale kapilan man, oneng manatili ya ing anak kapilan man.

Galacia 3:18

Nung makatalakad king Kautusan ing babie na ning Dios, e na makatalakad king pangaku na. Oneng itang binie na ning Dios kang Abraham miyabie keya uli na ning pangaku na ning Dios keya.

Galacia 4:7

Uli na niti, anak na kayu ning Dios; e na kayu ipus! At nung gewa na kayung anak na ning Dios, ibie na kekayu ing sablang mangaintulid kekong anak na.

1 Pedro 1:4

inya manaya tamung tanggap king e mu nanung bendisyun a sasadia na ning Dios para karing pinili na. Sasadia na iti para kekayu karin banua nung nu e malyaring malaso o masira o kumupas.

1 Juan 2:19

E ta la tune kayabe deting tau, inya likuan da katamu. Uling nung tune lang kayabe tamu, menatili la sanang kayabe tamu. Oneng meko la, inya malino king ila ngan e la tune kekatamu.

Ukum 11:2

Atin ya pang aliwang anak a lalaki i Gilead king asawa na, at inyang dagul la reti, tinabi re i Jefta king tuknangan da. Ngara, Ala kang tanggapan a mana nanuman kang tata mi uling anak na ka king aliwang babai.