Genesis 20:2 - Ing Mayap a Balita Biblia

² pepakilala neng kapatad na i Sarah. Inya kinua neng Aring Abimelek ning Gerar i Sarah.

Genesis 20:2 Iomraidhean Croise

Genesis 12:15

Panakit da ring panibalan na ning ari, belita re at pemuri arapan ning ari. Kaybat tiki da ne king palasyu na ning ari.

Genesis 20:12

Metung pa, talagang kapatad ku ne man. Mu pin kapatad ke kang tata ku. E ke kapatad king ima, at meging asawa ke.

Genesis 21:22

Kanita naman tiki neng Abimelek i Pikol a pamuntuk da ring sundalus na. Ngana kang Abraham, Kayabe me ing Dios king heganaganang gagawan mu.

Genesis 26:1

Mika maragul a danup king lugal a ita; makayaliwa ya iti king minunang danup a milyari king panaun nang Abraham. Minta ya Gerar i Isaac kang Abimelek a ari da ring Filisteo.

Genesis 26:16

Nganang Abimelek kang Isaac, Mako na ka keti at lumaut kekami uling meging mas masikan ka kesa kekami.

Genesis 26:7

Neng kukutnan de tungkul king asawa na, ing pakibat na: Kapatad ke! Tatakut nang sabian king asawa ne pota paten de ring tau karin uling malagu ya i Rebeca.

2 Cronica 19:2

Selubungan neng Jehu, ing propetang anak nang Hanani. Nganang propeta Jehu kang Aring Jeosafat, Kailangan la waring saupan ding taung e mayap at luguran detang masama king Ginu? Uli na ning depat mung iti, mimua ya keka ing Ginu.

2 Cronica 20:37

Oneng i Eliezer a anak nang Dodavahu ning balen ning Maresa belan ne i Jeosafat. Ngana, Uli na ning mekipagkasundu ka kang Ahazia, lasakan na ning Ginu ing pepagawa mu. At melasak la ring barku a pepagawa na, inya e la bitasang megamit king pamaglayag king Tarsis.

2 Cronica 32:31

Agyang inyang dinatang la ding tubud ning Babilonia ban mangutang tungkul king makapagmulalang malilyari king kayarian, likuan ne ning Dios ban subukan ne nung nanu ing gawan na at ban abalu na ing laman ning pusu na.

Ding Kasebian 24:16

Agyang misakab yang pitung besis ing taung matulid, talakad ya pa mu rin. Oneng ing taung e mayap dasnan ne ning kapahamakan.

Ding Kasebian 29:25

E mu sa ikakabalisa ing sasabian da ring aliwa tungkul keka; magtiwala ka king Ginu at mipanatag ka.

Ding Kasebian 6:29

Makanyan munaman ing mapalyari king lalaking talasawa a sisiping king e na asawa. Ninuman ing makipangalugud miparusan ya.

Ecclesiastes 7:20

Tune alang taung sakdal a darapat mayap king sablang panaun o e bitasang magkamali.

Efeso 4:25

Uli na niti, e na kayu maglaram! Kailangan yang magsalitang katutuan ing balang metung king kalupa nang talasalpantaya, uling itamu ngan dake na katamu ning metung mung katawan, ing Cristo.

Colosas 3:9

E kayu maglaram king metung at metung uling likas yu na ing matuang pangatau at ing sabla nang e mayap a ugali