Genesis 2:9 - Ing Mayap a Balita Biblia

⁹ Pepatubuan na la ning Ginung Dios king gabun ding miyayaliwang tanaman a makayamang lalawan at maniaman kakanan at ing tanaman ning bie a atyu libutad na ning mulahan, at ing tanaman ning beluan tungkul king mayap at e mayap.

Genesis 2:9 Iomraidhean Croise

Genesis 2:17

subali mu ing tanaman na ning beluan tungkul king mayap at e mayap. E ka mamangan king bunga na ning tanaman a ita. Mate ka kabud mengan ka king bunga na.

Genesis 3:22

Kanita ngana ning Ginung Dios, Oyni ing tau; meging kalupa ta ne. Balu na na ing mayap at ing e mayap. Inya e ya sukat mipaintulutan kumang bunga king tanaman na ning bie at mangan kaniti at e mate kapilan man.

Genesis 3:24

Tinabi ne king mulahan ing tau at dela ne king bandang aslagan na ning Mula ning Eden at mibili yang kerubin at metung a espadang milalablab mamarap nu man karin ban magbante king dalan papunta king tanaman na ning bie.

Genesis 3:3

subali mu king bunga na ning tanaman a atyu king libutad ning mulahan. Sinabi na ning Dios king e mi ya kakanan a bunga ni tatagkilan man. Kabud daptan yu ita, ngana, mate kayu.

Genesis 3:5

Balu na ning Dios king kabud mangan kayu maging anti kayung Dios at mibuklat kayu mata, at abalu yu ing mayap at ing e mayap.

Ding Kasebian 11:30

Babie bie ing darapat kayapan, oneng sisiran na ning pamanampalasan.

Ding Kasebian 3:18

Mengari yang tanaman a mamunga karetang manintun kabiasnan.

Isaias 44:25

Gagawan ku lang mangmang ding taung mamamanula, at bibiguan ku ing ula da ring magaral karing batuin. Palaraman ku la ding amanu da ring mangabiasa, at papakit ku king ing karelang kabiasnan kamangmangan mu.

Isaias 47:10

Panatag ka kabilian agyang alang bitasang mayap keka; bala mu siguru alang manakit keka metung man. Linili na ka ning kekang kabiasnan at ning kekang aintindian, at ngamung sinabi king kekang sarili, Aku Dios ku, at ala nang aliwa pang anti aku.

Ezekiel 31:16

Potang idala ku ne king tuknangan da ring mete, ing kaluskus ning pangabagsak na ya ing makaugun karing bansa. Ikatula da ring sablang tanaman ning Eden at ding sablang piling tanaman ning Lebanon a masese king danum a miras na king tuknangan da ring mete ing pangabagsak na.

Ezekiel 31:18

Ing tanaman ya ing ari ning Ehipto at ding sablang taung sasakupan na. Agyang king Eden alang tanaman a binang matas at pagmumulalan. Oneng ngeni, kalupa da ring tanaman king Eden, miras ya king lalam ning tuknangan da ring mete at makiabe ya karing alang dios at karetang mete king labanan. Aku ing migsalita, ngana ning Ginung Dios.

Ezekiel 47:12

Tumubu la king mingatba nang pampang ding miyayaliwang tanaman a mamunga. E la malanat a bulung at e la milako bunga. E tuknang ing karelang pamamunga uling magus karela ing danum a manibat king Templo. Maging pamangan la ding bunga ra at maging panulu la ding bulung da karing masakit.

Juan 6:48

Aku ing tinape ning bie.

1 Corinto 8:1

Ngeni, tungkul naman king pamangan a miyain karing idolo. Wa, katutuan king itamung sabla atin tamung kabiasnan, agpang king kekayung kasebian. Ing kabiasnan ya ing babie ketasan lub king tau; oneng ing lugud ya ing babie tibe.

Deuteronomio 6:25

Nung tapat ta lang pamintuan deting kautusan a yuyutus na kekatamung tuparan, tumula ya kekatamu ing Ginung kekatamung Dios.

Kapahayagan 2:7

Nung atin kang balugbug, pakiramdaman mu ing sasabian na ning Espiritu karing iglesia! Ibie ku karing magtagumpe ing katuliran mangan king bunga na ning tanaman ning bie a atyu king Hardin ning Dios.

Kapahayagan 22:14

Mapalad la detang pipipian da ing karelang imalan uling mirinan lang karapatan lungub king siudad at mangan karing bunga na ning tanaman a babie bie.

Kapahayagan 22:2

Mamagus libutad ning dalan na ning siudad. Ding mingatbang pampang ning ilug atin lang tunggalan a tanaman a babie bie. Mamunga la balang bulan, at panulu la ding bulung da karing sakit da ring bansa.