Genesis 2:3 - Ing Mayap a Balita Biblia

³ Binendisyunan ne ing kapitung aldo at gewa neng banal, uling king aldong ita ya pepaynawa king heganaganang dapat na king pamaglalang.

Genesis 2:3 Iomraidhean Croise

Genesis 1:31

Linawe na ning Dios ing sablang lelangan na, at ikit na king tune mayap. Miras ing bengi at dinatang ing abak. Ita ya ing kanam a aldo.

Genesis 2:2

Ayari na ning Dios ing dapat na kilub ding anam a aldo, at kaybat pepaynawa ya king kapitung aldo king sablang bage depat na.

Genesis 2:4

Ita ya ing istoria na ning pangalalang ning banua at yatu. Kanitang lalangan ne ning Ginung Dios ing yatu at ing banua,

Nehemias 9:14

Pepabalu mu karela king ing Aldo ning Sabbath sukat deng pangilinan, at king kapamilatan ning talasuyu mung i Moises ding kekang tuntunan at kautusan karela binie mu la.

Exodo 23:12

Daptan yu kilub ding anam a aldo ing obra yu, oneng tuknang kayung magobra king kapitung aldo ban mipaynawa kayu, at ban mibawi la sikanan ding ipus yu, ding dayuan a magobra para kekayu, at pati na ding animal a sese yu.

Exodo 34:21

Daptan yu kilub ding anam a aldo ing obra yu; paynawa kayu king kapitung aldo, agyang pang panaun na ning pamaniarul o panaun na ning pamamalut.

Ding Kasebian 10:22

Ing bendisyun ning Ginu ya ing babie pibandian king tau. Ing pamagkapilit magobra e na ka agawang makualta.

Ezekiel 20:12

Gewa ke ing pamangiling king Aldo ning Sabbath bilang tanda ning kasunduan mi ban ipaganaka karela king aku, ing Ginu, gawan ku lang banal.

Levitico 23:3

Atin kayung anam a aldo ban gawan ing obra yu, oneng ing kapitung aldo, ing Aldo ning Sabbath, ya ing aldo ning pamagpaynawa. E kayu magobra king aldong iti; mitipun kayu ban samba nu kayu man karin. Kanaku ya ing Aldo ning Sabbath; aku ing Ginu.

Marcos 2:27

At ngana pang Jesus, Melalang ya ing Aldo ning Sabbath para king kapakanan na ning tau; aliwa ing tau yang melalang para king Aldo ning Sabbath.

Lucas 23:56

Kaybat na nita, minuli la at migsadiang pabanglu at laru para king bangke na. Migpaynawa la king Aldo ning Sabbath, antimo ing yuyutus na ning Kautusan.