Genesis 2:1 - Ing Mayap a Balita Biblia

¹ Makanyan na lang inari ning Dios ding banua at ing yatu ampon ing heganaganang atyu kareti.

Genesis 2:1 Iomraidhean Croise

Genesis 1:1

King pasimula, lelangan ne ning Dios ing banua at ing yatu.

Genesis 1:10

Inaus neng Yatu ning Dios ing gabun, at ing danum a mitipun inaus neng Dagat. Ikit na ning Dios king ita mayap.

Genesis 2:4

Ita ya ing istoria na ning pangalalang ning banua at yatu. Kanitang lalangan ne ning Ginung Dios ing yatu at ing banua,

2 Ari 19:15

at nganang menalangin, O Ginu Dios ning Israel a makalukluk king tronu babo da ring kerubin, ikang bukud ing Dios a sasakup karing kayarian. Ika ing linalang king yatu at king banua.

2 Cronica 2:12

Purian ya ing Ginu, ing Dios ning Israel, a linalang king banua at yatu, uling dininan neng metung a biasang anak i Aring David. At tagle na ning anak ing beluan at pamanalastas, at ya ing pagawa king templo para king Ginu, at gawang palasyu para king sarili na.

Nehemias 9:6

Kanita miyabe-abe reng sinabi iting manalangin: Bukud mung ika Ginu, ing Ginu; ika ing linalang king meto sikluban at karing batuin. Ika ing linalang king yatu, king dagat, at karing karela manuknangan; ika ing minie bie karela. Ding sablang upaya king banua duruku la at sasamba keka.

Job 12:9

ila ngan kamalayan da king ibat la king gamat na ning Ginung Mayupaya a linalang karela.

Ding Dalit 104:2

Makabalabal ka king sala! Laladlad me ing banua anting tolda,

Ding Dalit 146:6

ing miglalang king banua at yatu, at king dagat at king sablang atyu karela; tapat ya kapilan man.

Ding Dalit 33:6

King amanu na banua melalang ya, aldo, bulan, batuin, at aliwa pa.

Ding Dalit 33:9

Melalang ya ing yatu king metung nang amanu; minutus ya mu at ing sabla pepalto na.

Exodo 20:11

Kilub ding anam a aldo, aku, ing Ginung kekayung Dios, lelangan ke ing yatu, ing banua, ding dagat, at ing sablang atyu kareti, oneng pepaynawa ku king kapitung aldo. Iti ing sangkan nung inya aku, ing Ginu, binendisyunan ke ing Aldo ning Sabbath at gewa keng banal.

Exodo 31:17

Maging palatandanan yang alang kapupusan para kanaku at karing memalen na ning Israel, uling aku, ing Ginu, lelang ke ing banua at ing yatu kilub ding anam a aldo, pero tinuknang kung megobra king kapitung aldo at migpaynawa ku.

Isaias 34:4

Manabu ya ing aldo, ing bulan, at ding batuin, at malaso lang anti ing alikabuk. Lumbug ya ing banua; maging anti yang dase a milululun at manabu la ding batuin anting bulung ning ubas o ning tanaman a higera.

Isaias 42:5

Lelang na la ning Dios ding banua at layun lidlad na; inubug ne ing yatu at ding sablang bage karin mabibie; dininan na lang bie at pangisnawa ding sablang tau. At ngeni ing Ginung Dios sasabian na king talasuyu na,

Isaias 45:12

Aku itang ginawa king yatu, at linalang karing tau ban karin manuknangan. King kakung upaya lidlad ku la ding banua; ing aldo, bulan, at ding batuin atyu la ngan lalam kung upaya.

Isaias 45:18

Lelangan na la ning Ginu ding banua; ya kabud ing Dios! Ya ing miyubug at linalang king yatu; gewa neng matatag at manatili. E ne lelangan alang kabaldugan, nune lugal ya para panuknanganan da ring tau. Ya ing sasabi, Aku ing Ginu at ala nang aliwa pa subali kaku.

Isaias 48:13

Ding mibili karing pundasyun na ning yatu ila ding kakung gamat, at karing banua ilang miladlad. Potang ausan ke ing yatu at ing banua, agad-agad datang la at karelang sarili iyarap da.

Isaias 55:9

Nung makananu ya katas ing banua king yatu, makanyan lang maygit matas ding paralan at pamisip ku kesa karing kekayu.

Isaias 65:17

Ngana ning Ginu, Lalang kung bayung yatu at bayung banua. Lubus nang makalinguan ing milyari king milabas.

Jeremias 10:12

King uli ning upaya ning Ginu, gewa ne ing yatu; king kabiasnan na lelangan ne ing yatu at lidlad ding banua.

Jeremias 10:16

E re kalupa ing Dios nang Jacob; ya ing linalang king sabla-sabla at pinili ne ing Israel ban maging sarili nang bansa. Ginung Mayupaya ing lagyu na.

Jeremias 8:2

Lugal king tipunan da la ngan at ikutkut, ikalat da la king aslagan na ning aldo, ning bulan at ding batuin a liguran da ampon siyuan at karelang singgunian ampon simban. Maging anti lang dinat ding animal ding butul a pakakalat king gabun.

Zacarias 12:1

Iti ya ing mensahi tungkul king Israel. Ibat ya iti king Ginu, ing Ginu a miladlad king banua at linalang king yatu at minie bie king tau. Sasabian na,

Lucas 2:13

At bigla yang meyakit siping na ning anghel ing metung a maragul a grupu ding anghel banua. Ngarang pupuri king Dios,

Ding Dapat 4:24

Inyang dimdam da iti, ngara ngan menalangin king Dios, O Ginu at Miglalang king banua at yatu at king dagat at king sablang atyu kareti!

Ding Dapat 7:42

Oneng gilutan na la ning Dios at pepaburen na lang sinamba karing batuin na ning banua, antimo ing makasulat king libru da ring propeta, Balen Israel! E para kaku inya pete yu la at inain-sakripisyu ding animal king kekaban ding apat apulung banua keta king disyerto.

Deuteronomio 17:3

king kapamilatan na ning pamanyamba na at pamaniuyu karing aliwang kikilalanan dang dios o king aldo o bulan o karing batuin o king isanu pa man karing atyu king matas a banua a kakung babawal.

Deuteronomio 4:19

Mingat kayu pota lumawe kayu king banua at kaybat samban ye at suyuan ing aldo, ing bulan, ding batuin o ing isanu mang bage lelangan na ning Dios para king tau.

Hebreo 4:3

Oneng itamung ating kapaniwalan, itamu ding milub king lugal na ning kapaynawan, agpang king sinabi na mu rin ning Dios, King kamua ku, piniumpa ku la; e la bitasang milub king lugal ning kapaynawan a sidia ku para karela! Sinabi na iti agyamang ding dapat na meyari na la kanita pang lelangan ne ing yatu.