Genesis 19:2 - Ing Mayap a Balita Biblia

² Ngana karela, Nung mayapan yu, makamal, ilabas ye ing bengi king bale na ning talasuyu yu. Makapanos kayung bitis karin. Maranun yu nang isundu bukas ing pamaglakbe yu. Oneng pekibat da, Panupaya mu, Lot, keni mi na mu palabasan ing bengi.

Genesis 19:2 Iomraidhean Croise

Genesis 18:4

Paburen yung pagdala ra kayung danum ban wasan yu la ding bitis yu at kaybat magpaynawa kayu lalam na niting tanaman.

Genesis 19:1

Bengi na inyang miras la Sodoma ding aduang anghel; makalukluk ya kanita i Lot king lele na ning pasbul dalan ning siudad ning Sodoma. Tinalakad ya i Lot panakit na karela at seganan na la at migsakab ya king gabun.

Genesis 19:3

Makanyan man, pekisabian na lang mayap Lot angga king sinalangi la at melaus kilub ning bale na. Pepasadia na lang pamangan; tinape a alang lebadura at mengan la.

Genesis 24:31

Ngana, Malaus kayu, O binendisyunan na ning Ginu. Obat atyu kayu pa lual na ning bale samantalang sidia ku ne ing bale at pigsadia ku na lang lugal ding kamelyu?

Genesis 43:24

Pepaluban na la ning katiwala king bale nang Jose at saka na la pepagdalang danum ba lang makapanos bitis; peparinan na la naman pamangan ding karelang asno.

2 Samuel 11:8

Kaybat nganang David, Muli na ka ban makapagpaynawa ka. Meko ya i Uria; at peparala neng David ing pasalubung na para king pibalebale nang Uria.

Job 31:32

Makabuklat ya pasbul ing kakung tuknangan, alang maglakbe a metudtud king dalan.

Ding Kasebian 25:17

E ka maralas magbisita king siping mung bale; pota sumawa ya at mimua ya keka.

Ing Malagung Diling Kanta 5:3

Likas ku na ing kakung imalan; obat kailangan pang isulud kung miuman? Inos ku na lang bitis ku; e na kailangan ing kaku lang dinatan.

Lucas 7:44

Kanita belikdan neng Jesus ing babai at saka na sinabi kang Simon, Akakit me ing babaing ine? Dinatang ku king bale mu at e mu ku dininan danum a panos bitis, oneng ing babaing ini besa na la ding bitis ku king lua na at pepalangi na la king buak na.

Juan 13:5

Kaybat, mitugtug yang danum king palanggana at pegumpisan na lang inos a bitis ding alagad. At pinulis na la king tualyang makababat king awakan na.

Ding Dapat 16:15

Ya ampon ding katubale na pepabinyag la. Kaybat peparalan na kaming amanu. Ngana, Nung tatanggapan yung aku tune kung talasalpantaya ning Ginu, kukumbiran da kayung tuknang keni kekami. At e mi apayalian ing kumbira na.

Hebreo 13:2

E yu la kakalinguan tatanggapan ding dayuan karing pibalebale yu. Ating tinanggap karing anti kareti, at e ra balu king anghel la pala ding karelang tinggap.